ISAYA 59:9 - Bibliyeeda Ghaydit

⁹ Aba badaydeaba nih girgweageeda doabiiwaat ea sheageewaneasa, nea eara doobiiwnata ea maygwahiseasa; gwachi geararji weeshinda ak ghamneawa gwardu misaneeda, geerarji heedeesh, ghamneawa geeweayi jeeda misaneeda haw.

ISAYA 59:9 Mawu Ofanana

ISAYA 5:30

Ak saawa gayghoamuum eaweedida gawuurji gidajuurda basooda. Ak siida inyas gang'ula ng'eanyiida gayghwadaah duwunda ea sawanadeeda; ak weeshinda ea sinung' gwatuudu aba jeeda shamooghuutkaaschi.

AYUBU 30:26

Damanda eafurdeawi ng'asheega miyaasiin hean ghwahidu gea munyas; nea iyeagasayi weeshinda, ghwahidu misaneeda.

1 Desaloniikke 5:3

Hean iyayi buuneeda, “Geebeayi hoyyoo nea geebeayi seayu,” deagheata ghwahidu nyariida badahuuka nyaawa gawuurji gidanyassiida gatmooda lajooda aba jeata baleanda, ak ea manda gichea gamulsiinda.

HABAKUKI 1:13

Ang'iing'eeda mideawa gheanyanga miyaasiin magasa ng'ulooda gidamuy ak ghanyea ming'uli ng'asheega munyas, ghwasaan inyas ging'ulayi fuga mandeawana masaweega, ak iissa gisiindeaysi siida muy nea fuga munyas ghwanukghuta siida doabiiwaat ng'al niny?

MIKA 1:12

Aba gideaba fuga abiita Maroti ghoamuughu weeta, aba gideaba gidamuy nirarang'aana heeda NG'UTAMIIDA ea ghwahidu ghuuta dooshta Yerusalemu.

YEREMIYA 14:19

Ghamneawa nijakti Yudahi? Ghamneawa gurooroadaang'u niinyareas Sayuni? Ghwasaan anda nihuuydaneasa Bwak ea mudu gwanda gichea ghoahaabeasa? Geemuuku hoyyoo, ak ea manda gida miy hidu heedeanya; Aba damanda giiheapta, ging'ulayi geanyaschi muuwda.

YEREMIYA 8:15

Aseasa geemuuku hoyyoo, ak ea manda gida miy hidu heedeanya, geemuuku damanda giiheapta, ak ging'ulayi ghwaan haloota.

NYIIGHEEGA 82:5

Ak ea mwanala nea majeeng'na, nea geaneayeewa jeeda misaneeda; nea sindeeta sean bea ng'eanyiida ea siituumduum.

GHWASIILDEANGA 4:19

Naweeda fuga munyas gawuurji misaneeda ng'waan, ea mwanala gidaruusa saawa.

ISAYA 8:21

Ak gajeesik bugusta ng'eanyiida nea meanala gichea eesin, nea niing'waay jalooda, ama ang'waay jalooda, gaygoojuur nea gweaksa habeawooda sugoocheanda nyaawa, ea ASEETA nyaawa, nea googeal gheamamuunatka nyaawa humng'eeda;

ISAYA 8:22

ama ng'ata gajeeng'ula ng'eanyiida, ak ging'ulayi sawanadeeda ea misaneeda, ak ea manda ng'weelooda aba sawanadeeda, ak gajeahoan gaweay jeeda misaneeda haw.

ISAYA 59:8

Ak ea mwanala naweeda doabiiwaat, nea manda girgweageeda doabiiwaat aba jeeda giibinda nyaawa. Nisissa geat naweadinga nea roodeadi, gilinyoo gwasik jeedeaba naweedida mayghwanyas hoyyoo.

ISAYA 59:11

Aseasa geendeawi nyeashta uurji dea ideamooda, ak geanyahuushi eewuurjeewana ghariibajeanda, ak geararji girgweageeda doabiiwaat ghana ea mandana, ea lealeanooda, ak guwoosi sheageeweasa.

ISAYA 59:14

Ak girgweageeda doabiiwaat ea sijaksa bwadaw, nea doobiiwnata easheagi muuchi; aba gideaba huumeanda niibisa ghuuta naweeda bareanda, ak doobiiwnata ea mayghwahidu jeeda.

YEREMIYA 13:16

Oatawa giigheambiita NG'UTAMIIDA was ASEETEANG'WA heeda mii gwaruusa geeshangeagwa aba iheenga giijeega mideawa misaneeda damanda duu agaseewana weeshinda ghwayam ghoah duwunda ng'eanyiida ea misaneeda duu.

HEAREEGA 3:2

ghamwanmwanan ak gweanean jeeda misaneeda nea manda weeshinda;

HEAREEGA 4:14

Gwaneaydooschi aba naweadinga gawuurji siida ng'oaw, sibwara ririnnyeanda foojeanda ak ea manda siida jea ghwasat hang'weaka nyaawa.

AMOSI 8:9

“Ak askwearjeandida,” gwayi Ng'utamiida was ASEETA, “Gaydanung' gamikta aseeta nea ghabwarbwara, ak gaydanung' gamisaniit ng'eanyiida askweari.

AYUBU 19:8

Niny nidukuta naweedeanyu ea mwaang'atani nea ghwanung' gamisaniit naweedeanyu.