ISAYA 57:5 - Bibliyeeda Ghaydit

⁵ Agooga inyeesa gageawiit gheanyangeagwa aba heeda sawachoojiga, ea gili nyooh ea geeta nyawiiri seenga, agoogeeda inyeesa goonuuschi diibigeagwa aba jeeda moangoachihajeega, aba hing'eadayda beareega lagheanga?

ISAYA 57:5 Mawu Ofanana

1 SUGOODIGA 14:23

Aba gideaba eara saawa gwadeeksa geat heeda siikghaambiit, ea daranajeega, ea aseecheeka siguura Asherimu aba uhuumba gilinyoo ea giijeeda gil, ea guumsheaka geediga nyawiiri;

2 SUGOODIGA 17:10

Ak geamiinda daranajeega ea aseecheeka siguura Asherimu, aba iheenga heayeeniga geawi. Ea gumsheaka geediga mideawa seenga nyawiiri.

2 SUGOODIGA 17:7

Ng'asheanji gwasa aba gideaba fuga Israeli nisin riing'eeda aba badayda NG'UTAMIIDA was ASEETA nyaawa. Ghayi aruuna saawa ng'eanyiida Misri aba geatinda Farao was sugoocheanda Misri, nea ghwanung'wa heeda aseecheeka suuk.

2 SUGOODIGA 23:10

Hean gwanuus meetiida Dofeti mida moangoachiyda orjooga Hinomu. Gideaba siida adaghaghwarda orjeedaanyi ghana hudaanyi ghoah haleanjeeda sisapa geadi bea ghadooweeda bea Moleki.

2 DAMANYOOJIGA 28:3

ak ghaghwarda geediga ng'andidi aba moangoachiyda orjeeda Hinomu. Ak ghaghwarda orjoagaaschi ghoah haleanjeeda sisabwa geadi, gawuurji munyinda sina eemoojiga ghayi hoan NG'UTAMIIDA aba madeeda fuga Israeli.

RITEAYDA 32:6

Ak geang'eatng'eat nea gudea sakteayda gil, ak geatayda haleanjeeda sisabwa geadi bea ghadooweeda sighwarda, nea geeyeada haleanjeeda sisabwa geadi bea hoyyoo, ak goobitpit buuneeda ak gweagiischi nea geeleeshi, ama ng'ata geang'eat eang'was.

ISAYA 1:29

Aba gideaba gajeapwaaspwaaseegwa aba sabiida oabwachi; ak gajeapwaaspwaaseegwa aba boostaaneeda oaloachi.

YEREMIYA 17:2

damanda gudu goopkeadi diibiga nyaawa heeda nyaawa wagiida ea aseeta nyaawa siguura Asherimu mida murdeeda geeta gilinyoo ea nyawiish gil, ea iheenga heayeeniga geawi,

YEREMIYA 2:20

“Ghayi aba garayi goohirjeawayi yookajeegeagwa ak goong'acheawayi ghealoonigeagwa; ak gooyeenyi ‘majeabwadeayi’. Ak aba iheenga heayeeniga geawi ea gumsheaka geediga nyawiiri ghoabwachi aseecheeka marachi gil.

YEREMIYA 3:13

Ang'iing'i mwasa giidiinyeandaang'u, bea gideaba ninung'usi heeda NG'UTAMIIDA was ASEETEANG'WA ak gookeali bariinyeegeagwa rabasta ea giliwas geeta nyawiish, ea gideaba miyooleeysiina iit ghuuteanyu, gwarugu NG'UTAMIIDA.

YEREMIYA 3:6

Ak gwayeeshiinean NG'UTAMIIDA aba damanda sugoocheanda was Yosiya: “Neada ea mii nidaahi gida sin Israeleeda mandeawana masaweega, gidabeada ea gawa uhuuda heayeeda geaw ea guumba giliwas geeta shabwaat, ak gwahiseada aba hoowa.

YEREMIYA 32:35

Nea gwadeeksa Baali heeda wagiida, mida jeeda moangoachiyda orjeeda Hinomu ak goosiik orjooga nyaawa ea haweega nyaawa jeeda beasta aba badayda Moleki ng'asheanda miidarukusa nea miigawa eara jeeda gurooroodeanyu gideaba gwasin ng'asheesu munyasiin aba gideaba ghwanung' goodiiy fuga Yuda.

YEREMIYA 50:38

Ak ghwajaam beagaaschi, ak gajeekghaaw! Aba gideaba ng'eanyiida sanaamajeega, ak gang'ul geeska aba badahuuka sanaamajeega.

YEREMIYA 51:7

Babeli gikoombeeyda dahaabu gil aba geatinda NG'UTAMIIDA, nung' gaboogit ng'eanyiisean; ak ghwali eemoojiga difaayeadaanyi, ak aba sareani ghwanung' gang'ul eemoojiga geeska.

YEREMIYA 7:31

Nea nideas heeda wagiida bea Dofeti, mida jeeda moangoachiyda orjeeda Hinomu, was heeda jea gagwardeaysa orjooga nyaawa ea haweega nyaawa; Nea aniini ea mii daadaw siniteaba ng'asheanji, nea ea miighoan jeedeanyu.

ESEKIELI 16:20

Ng'ata gigeanu orjoagaagu ea haweagaagu ghayi ijiilnean, ak giidaydi ghoah lukghumeeda jea eaghwarda aba heeda nyaawa. Heapi? Ng'asheesu ikaagu bea hiseadayeanduumeedean iing'ulay ea ng'asheanda mwanang'?

ESEKIELI 20:26

Ak ghaang'udi saawa ririnnyeanda aba haleanjeeda sabwa geat bea ghadooweeda nea gabwageat. Aba gideaba geaghwarda duweacheenga aba gideaba ghoah raghoonyeanda, ak ghwanal gideaba geawooschi NG'UTAMIIDA.

ESEKIELI 20:28

Iidu nea ghaayaachi ng'eanyiita ghayi eayeaksi habeawooda gideaba gaydaadawiin, hean iisidaah heayeeda geaw ghana geeta mideawa seenga saang'a, hean geatayda haleanjeeda sisabwa geadi bea ghadooweeda ea lukghumajeega nyaawa nea geesajan nea aba hoowa geatayda lukghumajeega ng'andidi shearu, ea haleanjeeda sisabwa geadi sileeha.

ESEKIELI 20:31

Nea iyoataydi haleanjeedeang'wa bea guskuseega ea lukghumajeega, nea goosiikchi diibigeagwa jeeda beasta, heapi goong'udi geat ririnnyeanda aba sanaamajeegeagwa sean ea ghoah ghamneawa? Ak aniini gajoonyaashaan ng'asheanda. Ea fuga Israeli, aba gideabideati gwarugu NG'UTAMIIDA was ASEETA, majoanyaashaan ng'asheanda agooga.

ESEKIELI 6:13

Muscheeka nyaawa gayghoadabwaarda aba bugusta sanaamajeega nyaawa ea heeda nyaawa bea wagiida, ea gilinyoo ea heayeeda gil, ea gilinyoo ea guumda geeta shabwaat gil, ea gilinyoo ea guumda sabiida mideawa seenga gil, ea heeda was sean siitayiida lukghumajeega nyaawa, bea shearooda ng'andit jea goohoosan sanaamajeega nyaawa bea aseecheeka. Abeeda gayghwanal gideaba geawooschi NG'UTAMIIDA.

NG'ASHEEGA LAWI 18:21

Adiidu googeanu eara jeabwagi aba jeeda diibigeagwa ak ghoabwari darari gheawunga ASEATAANG'U. Aniini geawooschi NG'UTAMIIDA.

IITOODA 25:6

Deagheata ging'ulayi, ghwahidu siyagi bea jeeda fuga Israeli nea gweasa orjooga ghaamwat, gatmooda eemeeda Midiyani aba madeeda gheanyanga Musa ea aba madeeda gheanyanga fuga bwatgeat sean bea Israeli, nea gooyeawda aba ghuuta maheemajeanda siroondooscheesa.

GIIPKEATA DIIGHEANDA 12:2

Aba huumwa anyarjeawa gilinyoo ea heeda batiisa aseecheeka nyaawa eemoojiga jea oombala, iheenga giijeega geawi ea iheenga heayeeniga ghana gumsheaka geediga hees nyawiiri seenga.

Giidaheechta 18:3

aba gideaba eemoojiga sean nili difaayeeda ng'asheagaaschi munyas gaseadayi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oocheanduumeeda aba uurda hiseadayeanduumeadaanyi.”