ISAYA 57:2 - Bibliyeeda Ghaydit

² Niny gaygawa jeeda hoyyoo; nea saawa ghwaak miyeenooda aba bulaleenga nyaawa ak gaba nih weah jeeda doobiiwnataanyi.

ISAYA 57:2 Mawu Ofanana

GIING'EETA 17:1

Iimuchu nea gaba Abramu gweanyeew seedam ea damashageash ghwahidu NG'UTAMIIDA heeda Abramu, ak gwayeesha, “Aniini geewooschi ASEETA Hoauur; una asheedeawanean nea meeyeateeweey ghuut.

2 DAMANYOOJIGA 16:14

Hean geebung'sa jeeda shoomanda ghayi gurgursa geaw aba jeeda mujiineeda Dawdi. Ng'ata geewiilsa badayda bulaliida goola eayiin nagheeda ng'andidi ghayi sin gearnoodiga; hean ghaghwar beasta haw aba murdeadaanyi.

AYUBU 3:17

Aba hoowa fuga munyas maygoodeawiit buuneeda, ak eara gea nibur gaygafuuf.

NYIIGHEEGA 37:37

Aroora siida doabiiwaat miy, ak ging'ulayi siida doabiiwaat aba gideaba huuydeandeaba siisi hoyyooohi.

REEKUSIINDA 12:7

Ak gabiiksa birjeanda ng'eanyi gawuurji gidaghayi uurji, nea guroorooda gabiiksa ASEETA ghayi guh.

ISAYA 14:18

Sugoodiga sean bea eemoojiga geebuy sean aba mureeda, Gaba nih sibung'sa jeeda bung'eadaanyi;

ISAYA 26:7

Naweeda siida doabiiwaat doobiiwnata, ang'iing'eeda iwoosi doabiiwaat adoabiiwa naweeda siida doabiiwaat.

YEREMIYA 6:16

Gwayi NG'UTAMIIDA, “Amiinaada aba bugusta naweeda, ak ghoang'weardi, ak ghoapwaardi naweadingeaba garayi, heeda mida naweadinga miyas, ak ghoaduupchi, ak gayghwanyas gurooruunatkeagwa fuufeanda. Nea saawa gwayi, ‘Aseasa majeeska jeeda.’

ESEKIELI 32:25

Geenung' gwandeayi sea lugooda nyaawa, aba jeedeaba giika sibwar aba ng'ucheedean. Ak gwaneaweesa bung'eadinga lugoadaanyi sean ghayi sibwar aba, nea mwanala ASEETA sea, ghayi nea gudea majeekcheewi, abeeda goomuuw buuneeda ea gwadarsa ng'eanyiida fuga majeekcheewi. Ak ghamneawa gwanda hiji, nea gabearji baspaseega sea giika ghayi sibwar aba ng'ucheedean.

DANIELI 12:13

Asi una heechea una ea ghwahita huuydeanda; ak gayfuufa, ak gaymiinaada aba headaang'u siloat ea ghwahita muudeanooda askwearjoojiga.”

Mattayo 25:21

Gwayeesha siidida hawiin, ‘Ghwadoabiiw soomjeanda miy doabiiwaat; niwoosi doabiwaat aba haleanjeeda ng'ay, gajambala gea saang'a, beeni apteada nea gihoosani sea siida haw.’

Lukka 1:6

Nea abeeda saawa ea doobiiweadi aba madeeda ASEETA, nea ghoang'waay muuchi diigheanyeeka sean ea huumeanyeeka Ng'utamiida nea meerukunana badahuuka ng'asheega munyas.

Lukka 16:22

Ghami siidida bwarbwariin, ak ghwaat malaykajeega ea ghoahiita madeeda Abrahamu. Muchu ghami eara meanang'oocheandida ak geebuy;

Lukka 2:29

“Ng'utamiida, biisiina siksiina soomjeandaang'u gabiissa gawa nea ghwaat hoyyoo, gawuurji ginyah ng'asheandaang'u;

Lukka 7:50

Ak gwayeesha gatmoodida, “Niighuunyi masaweagaagu; una nea gibeahi hoyyoo.”

2 Goriinto 5:1

Aba gideaba geanali beadi udahabeascheanji iteanya bea hiji bea muunda ng'eanyiidean eaweeda sinyarjeawa, geandeawi gheeda leabu heeda ASEETA, gheeda meesinana geatinga, ghaydit manda muudeanooda mida humng'eeda.

2 Goriinto 5:8

Asi eedaruusiita, ak abeeda ghang'wana geesheagiidi saseeda ak geepiidi ghoah sea Ng'utamiida.

Filippi 1:23

Geaminighisan aba dageascheemba ng'asha iyeenya. Geagasayi dawa dandeayi sea Gristo, aba gideaba gidang'wana gil.

Giidaheechta 14:13

Hean ghaayiinyi ghuuta nyaasha humng'eeda nea gwayi, “Ng'oara ng'asheesu: Ghang'wana siida meah ghamneawa meewsa heeda Ng'utamiida.” “Ghang'wana huumwa,” gwayi Guroorooda, “ak gafuuf iing'ata gadiyeeda nyaawa, aba gideaba sinaweega nyaawa ghwaat geeshta!”