ISAYA 53:2 - Bibliyeeda Ghaydit

² Aba gideaba aba madeadaanyi gwaheeteayda geeta duu ghaftu, nea gawuurji hawunyeanda mida ng'eanyiida ghajaam; ak ea mandeawana leanga ghana ratooda miy, nea mandeawana leanga was sean jea eabwariinya.

ISAYA 53:2 Mawu Ofanana

ISAYA 11:1

Asi gaygwarina damealeanda gumdooda Yese, ak gaygwarina damealeanda hawungaaschi.

ISAYA 4:2

Abeeda eaweedida gayghwanung' NG'UTAMIIDA ghaftu geediga miyaasiin nea ghaambiidaat. Ak haghweega geediga ng'eanyiida gajea miyaasiin muuchi, nea gaba leanga aba fugiga bea Israeli ghuhiin.

ISAYA 52:14

Iidaah fuga saang'a niny, hean ghahamng'eanyi– aba gideaba gheamamdaanyi sidatas muuchi, eara deaktaanyi ea mudeeheamnyi sea dea siida–

ISAYA 9:6

Aba gideaba siji baleanda aba badahuukaasa, sigooneasa baleanda was baleanda; ak niny ghoamu sugoocheanduumeeda, ak gajeeguura gheawungaaschi “Siida argweakiisa buuneeda daamdaamwaat, ASEETA hoauur, ghweanda manda muudeanooda, Sugoocheanda mideawa hoyyoo.”

YEREMIYA 23:5

“Ak hean gwayi NG'UTAMIIDA, “Ng'ula gayghapka eawoojiga jea danung' gafirfirsa Dawdi damealeanda doabiiwaat, ak gaygoombaliischi gawuurji sugoocheanda aba weaghuumeeda, ea huumeanda ea aba doobiiwnata aba ng'eanyiida.

SAKARIYA 3:8

Aleaydiit ghamneawa Ea Yoshuwa ashoohoocheanda haw, ang'iing'i ea fugaagu irooroocheewi mida madeadaang'u aba gideaba suh fuga was gwadeagooda miyas gil aba gideaba ng'ula gaydeadu siideanyu bea gadiyeeda siguura Damealeanda.

SAKARIYA 6:12

ak giyeeshi niny, gideaba ‘gwayi NG'UTAMIIDA bea lugweega, “Ng'ula, siida ridu gheawungaaschi was Damealeanda ak gwaheedu aba heeda mida, ak ea dea jea gwadeeksa NG'UTAMIIDA gheeda sibata ASEETA gil.

Marko 6:3

Neada nih ea mii siidida sina beehajeega was orjeeda Mariya bea geenyea Yakobo bea geaba Yose bea Yuda ea Simon? Neada eara haweega ghaamwat ea manda ng'eang'i?” Geamwachmwach ng'asheagaaschi.

Marko 9:12

Gwayeesha, ada huumwa, “Eliya gayghanyi gooshoohu ghoan gwasisin haleanjeeda sean; eara gwasa, ghwasaan anda geang'waar aba jeeda Ng'ooruutka Ghaydit gideaba, Orjeeda Siida gayghwanyas hang'weanidooda muuchi nea geefool?

Lukka 2:7

Gwaji duweacheadaanyi was orjeeda ak gookwealsa hang'weaka jeepcheanduumeeda ak gooluul aba jeeda daghwalda leeha dugwa beega, aba gideaba mwanyasa heeda jea gwalla aba ghooriida rabasta.

Lukka 9:58

Gwayeesha Yesu niny, “Fureayoonga gwandeawa shoomeanga, nea dariidaka gwandeawa ghoorajeega nyaawa, nea Orjeeda Siida ea mandeawana eara heeda jea ghwayiin uhuudaanyi.”

Yohaana 18:40

Gabiikta goojuur nea gwayeesha, “Mii siisi, geegasayi Baraba!” Nea Baraba abeeda gooreedi buuneeda haleanjeeda.

Yohaana 19:5

Gwarita Yesu jarooda nea gwanda uhuuda shiipka halaghweenga nea gookwa hang'doom. Gwayeesha Bilato saawa, “Ang'ula siida!”

Ruumi 8:3

Aba gideaba ng'asheegiga mwoamu aba deaweedean, aba gideaba manda uurjeenga aba ng'asheega saseedean, iidu aba giijeaknooda ajeagu ASEETA Orjeedaanyi nea ghwanung' gawuurji siida mideawa riing'eeda, amadu aba badayda riing'eeda iidu goorgweaksa riing'eeda mida saseeda;

1 Betro 2:14

ghanea heeda sugoocheanda haw siicheagu ak ghwaaga ghoorjooda fuga sina ng'asheega munyasiini ak gwaduumsheesa fugiga sina ng'asheega doabiiwiin.