ISAYA 53:1 - Bibliyeeda Ghaydit

¹ Ghamwas ng'eaha iita ng'asheega ghayi siyiinyi? Ak geatinda NG'UTAMIIDA geeteajisa ng'eaha?

ISAYA 53:1 Mawu Ofanana

ISAYA 40:5

Ak giigheambiita NG'UTAMIIDA gajeatahaach, ak gayghwadaah buuneesean, aba gideaba nih gwarugu NG'UTAMIIDA.”

ISAYA 51:9

Ng'eada, ng'eada, akweala uurda, ea geatinda NG'UTAMIIDA; Ng'eada gawuurji gidaghayi bea garayi, gawuurji jeacheenga ghayi bea garayi. Mii ang'iing'i dea ghayi lajaada Rahabu, ak ging'udi ichiboodida?

ISAYA 52:10

NG'UTAMIIDA niidaajiit geatindaanyi ghaydit aba madeeda eemoojiga sean; ak gayghwadaah meadajeega sean bea ng'eanyiida lealeanooda ASEETEANYA.

ISAYA 59:16

Hean ghwadaah gideaba manda siida, ak ghahamng'eanyi aba gideaba manda siida mwaash ghawooda, asi geatindaanyi ninyeesean dea eadu lealeanooda gil, nea dea weat niny ea doobiiwnata gil.

ISAYA 62:8

NG'UTAMIIDA niyaak habeawooda aba geatindaanyi bea dugwa, ea aba geatindaanyi hoauur nea gwayi, “Aba huumwa maygutaadaw weajoodigaagu boagaagu ghoah hamita nyaawa, nea rabasta ea mayghwali difaayeadaang'u ghayi iisini.

Mattayo 11:25

Aba damandida gwayi Yesu, “Geabadiischooweey ea Bwaabeeda was Ng'utamiida humng'eeda ea ng'eanyiida, aba gideaba gifunyi ng'asheesu fuga weaghoodi ea fuga mideawa fughareenga ak giihiimsi diibiga manang'i;

Mattayo 16:17

Ghwasha Yesu nea gwayeesha niny, “Ging'wani ang'iing'i, Simoneeda Bar-Yona! Aba gideaba ng'asheanji moadaajiida saseeda ea foojeanda nih ghoahiimneey Bwaabeeda mida humng'eeda.

Lukka 18:31

Ng'ata goobalool ginealangaaschi atamaniyeenya nea gwayeesha, “Ang'ula ghamneawa geescheang'di eeweaya Yerusalemu, ak ng'asheega sean ghayi ng'waar sibanga aba badayda Orjeeda Siida, gaygabiisa ghwahidu.

Yohaana 1:12

Nea fugiga sean deapta ninyiin, ak ghamwas aba gheawungaaschiin, ghoadaw uurda jea ghoaweewa diibiga ASEETA;

Yohaana 1:7

Niny ghwaan ak gamuuwu iita weeshinda, ak abeeda ghamwas buuneesean aba niny.

Yohaana 12:38

ak gwasa ng'asheega rugu sibaneeda siguura Isaya nea gwayi, “Ng'utamiida siida mwas ng'asheagaasa ng'eaha? Ak ea siihiimsa ng'eaha geatinda Ng'utamiida?”

1 Goriinto 1:18

Aba gideaba ng'asheanda beehiida aba heeda fuga roodeadi leendeeda gil, nea aba heedeanya aseaseeda silealu ea uurda ASEETA.

1 Goriinto 1:24

nea aba heeda fuga siguura, sean Yahudi ea Yunani, Gristo ea uurda ASEETA ea weaghuumeeda ASEETA.