ISAYA 51:3 - Bibliyeeda Ghaydit

³ Aba gideaba NG'UTAMIIDA gayghoahaawda Sayuni; gayghoahaawda ng'eanyoojiga was raghoonyeanda, ak dareapcheadaanyi gayghwanung' gawuurji Edeni, nea eeshtearajeandaanyi gawuurji boostaaneeda NG'UTAMIIDA; hooseaneega ea ng'weelooda gaygwanda jeadaanyi, badiischeesiinda ea ghuuta duumda.

ISAYA 51:3 Mawu Ofanana

GIING'EETA 13:10

Ng'ata gwadiiw Lutu uhuudaanyi ak ghoang'wearda ak ghwadaah mooheeda Yordani ghwanyiit beega ng'eanyiisean gawuurji boostaaneeda NG'UTAMIIDA, gawuurji sea ng'eanyiida Misri, gal Seari; damani abeeda mii gwanyarja NG'UTAMIIDA ng'eanyiida Sodoma ea Gomora.

NYIIGHEEGA 85:8

Ak ghaayiinyi gichea gwarugu ASEETA was NG'UTAMIIDA, aba gideaba gaygwarukusa fugaaschi hoyyoo, heeda fugaaschi ghaydidi, heeda fuga yamsa geat niny aba gurooruunatka nyaawa.

ISAYA 12:1

Ak eaweedida gajeena: “Ea NG'UTAMIIDA, gaydabadiischeeweey, earapeadi ninyareeksean, nyarastaang'u nihawda, ak ea ninung' dahawda.

ISAYA 25:9

Abeeda eaweecheanji gajeeyi, “Nih ASEETEANYA gil ghayi siimuughu; nea gwandeawa uurda jea ghaweadaneasa. Nih NG'UTAMIIDA; ghayi siimuughu gil, eehoosana nea geeng'weelayi aba gideaba nilealneasa.”

ISAYA 35:6

Abeeda gayghang'was fuga badoojiga gawuurji ndoopkeeda, nea gwasarman siida manda ghuuta aba hooseaneega; aba gideaba gaygagulda beega aba dareapcheeda, nea gwarina beega jeeda eeshtearajeega.

ISAYA 41:16

gajaleala saawa ak gayghwaat jeameeda, ak ghwanung' shaarara gaguudeadayi. Ak gayhoosasiina NG'UTAMIIDA was dea asagi Ghaydit bea Israeli ak gajoakghaambiida.

ISAYA 43:19

Ng'ula, gaydasin ng'asheandeesh; nea goola gwasa ak gajadaaha ghamneawa. Gaydasin naweeda aba jeeda dareapcheeda ea eeniga aba jeeda eeshtearajeanda.

ISAYA 44:26

dea amajeek ng'asheanda siidaanyi bea gadiyeeda, nea ghwanung' ghoah huumwa ng'asheega giijasoodigaaschi; ak geayeeniisi Yerusalemu, ‘Gaygoobiida buuneeda,’ ak mujiineeda Yuda, ‘Gajeadeas, nea gaydanung' ghamiinaada gicha eemeegeagwa ghayi sinyarja’;

ISAYA 49:13

Asarmana aba hooseaneega, Ea humng'eeda, ng'weela, Ea ng'eanyiida; Oochuura aba sarmeeda Ea giijeega, aba gideaba NG'UTAMIIDA ninung' ghahawda fugaaschi, nea ghabwayda fugaaschi ghayi sisawan.

ISAYA 49:19

“Nea aba iita heeda iibiiti sinung' ghoah raghoonyeanda ak ea manda buuneeda nea ng'eanyiidaang'u ghayi sidatas– aba huumwa ghamneawa gayghamwanang'iit ak ea maygageanda fugaagu, nea giika ghayi nukghtaneey gajea sheagi.

ISAYA 49:8

Gwayi NG'UTAMIIDA: “Damanda hidaat ghaashaayi ghuutaang'u, nea eaweeda lealeanooda ghaaweacheeyi; ak gaydaghamwanyi ak ghaanung' huwa neajeeda aba heedeaba fiisu, nea ginung' gawa mwadi ng'eanyiida, nea giidawi hearaniischooda ng'eanyiida ghayi nidatasa.

ISAYA 51:12

“Aniini, asaha aniini dea aheawiida buuneeda gil; ang'iing'i guwoosi ng'eaha ea awala siida jea ghami, ea siida jea eenung' gawuurji nyeega?

ISAYA 52:9

Oochuura nyeashta hooseaneega asarmana sean, agooga heeda was raghoonyeanda bea Yerusalemu; aba gideaba NG'UTAMIIDA niihaawda fugaaschi, ak ea nilealu Yerusalemu.

ISAYA 61:10

Gaydahoosan muuchi aba heeda NG'UTAMIIDA saseadeanyu gaygang'weela aba heeda ASEETEANYU, aba gideaba niikwealnean hang'da lealeanooda, ak ea nidukuteawean hang'da doobiiwnata, gawuurji siida geeshi iisissa geaw suulga aba shiipka deakghweeda, nea gawuurji sibeeda sissa geaw haleanjeeda miyaasiin bea suulga.

ISAYA 65:18

Asi ahoosana nea goong'weelayi, damanda manda muudeanooda aba haleanjeeni aabwachiin, aba gideaba ng'ula ghaabwachi Yerusalemu ghoah ng'weelooda nea gahoosan fugaaschi.

YEREMIYA 31:25

Gea mideawa bureanda gaydanung' goosha bureanda nyaawa, nea gea mandeawana uurjeenga gaydanung' ghwanyas uurjeenga.”

ESEKIELI 28:13

Ghayi abeeda gindi jeeda Edeni was boostaaneeda ASEETA, ak geataamdaamnyi aba gilinyoo ea lagheaneeda haw sheayeat, lagheaneeda areara, ea dea waar booreega, ea dea mur, ea dea nyawiish, ea boosheanda, ea dea bwaash, ea dea meaji ea oomu, ea dea nyawiish, ea dahaabu, haleanjeeni seaniin ghayi geebean eeng'eapseey damanda ghayi sisinaneey abeeda nihit sinooda.

ESEKIELI 36:11

Ak gaydeaheaneegwa buuneeda ea dugwa, ak gayghoahaada muuchi nea gwaji ak gaydanung' goobiida buuneeda jeedeang'wa aba gidaghayi oowuurjeewi bea mwadi. Ak gaydasineegwa gea miyaasiin ng'al gea miyaasiin ghayi bea giing'eeteang'wa ak gajanala gideaba geawooschi NG'UTAMIIDA.

ESEKIELI 36:35

Ak saawa gaygwayi, ‘Ng'eanyiini ghayi was raghoonyeandean, ghamneawa nuwuurji boostaaneeda Edeni, nea mujiinajeega ghayi was eemeega ea raghoonyeanda ea eemeega ghamneawa gwandeawa hilgweanda, nea gwanda buuneeda jeeda.

YOELI 2:3

Ghwaak beasta deashamga madeanyaawa; nea badahuuka nyaawa ghwayeat ng'ushapta beasta las uhuuda haleanjeeda; nea ng'eanyiini gawuurji boostaaneeda Edeni aba madeanyaawa, nea badahuuka nyaawa ea niiw dareapcheeda ak ghwahit; asaha, manda siida ghuh aba saawa.

1 Betro 1:8

Earapeadi mii adaaha ninyiin ghoabwariinyi; ak earapeadi ghamneawa mii adaaha ninyiin noamwaschi niny ak goohoosanyi aba ng'weelooda ea giigheambiita mwoamu eergu.