ISAYA 5:18 - Bibliyeeda Ghaydit

¹⁸ Dashageada geat fuga inyeessa gaksu ng'asheega munyas gawuurji giligisna mareamarajeega ng'uyeegean, ak ghoadaarda riing'eeda ea gooyang'da ghealooda siingiira mutuku.

ISAYA 5:18 Mawu Ofanana

NYIIGHEEGA 10:11

Gwayi aba gurooroadaanyi, “Niroosa ASEETA, ak ghafuy gheamamdaanyi, mayghwadaah eara gil.”

NYIIGHEEGA 14:1

Siitasha gwayeena aba jeeda gurooroadaanyi, “Manda ASEETA.” Niramwas sean, nisin ng'asheega munyas, manda siida sina gidamiy.

NYIIGHEEGA 36:2

Aba gideaba iissa ghoamiidu geaw aba madeeda gheanyangaaschi niny ghaghay gili munyindaanyi mwajeadaaha ak geamwaashta.

GHWASIILDEANGA 4:17

Aba gideaba ng'asheega munyas hamita nyaawa gil, nea ng'weanjuumeeda ea difaayeeda nyaawa.

ISAYA 28:15

Aba gideaba gooyeenyi, “Sisinyi neajeeda sea miyeeda ak geeheeli sea gheeda maloonghajeega; ak gooyeenyi maygoobiseasa habitkweeda aba gideaba noanung' ghoah ng'uyeega gidoaghuschi, nea ghoanung' ghoah reengaweega igeamboodeang'wa”;

YEREMIYA 23:10

Aba gideaba ng'eanyiida ninyiit fuga mealuuli, nea ng'eanyiida ea niiguul aba ng'asheega riing'eeda, nea eara nyeega dareapcheeda ea nigajeamiidi. Naweadinga nyaawa ea munyas nea uurjeenga nyaawa ea marachi gil.

YEREMIYA 23:14

Nea aba jeeda sibanga Yerusalemu ea naadaayi ng'asheanda nung' ghahamng'eanyi buuneeda inyeesa gamealuuli nea gwanaba ng'uyeega; inyeesa ghaweat fuga sina ng'asheega munyas, nea manda dea jea ghwayamwa geaw jeeda munyinda; aba giteena saawa niwuurji fuga Sodoma aba heedeanyu, nea fuga mida hoowa ea niwuurji Gomora.”

YEREMIYA 23:24

Ak gwayi NG'UTAMIIDA, heapi siida ghoamu goobiida heeda funyaat jea ea maydaamu dadaahi? Neada aniini ea mwaanyiidi humng'eeda ea ng'eanyiida? Gwarugu NG'UTAMIIDA.

YEREMIYA 36:23

Iing'ata nea niisoamwa Yehudi meatkwaji samwagu ea ang'wan bea gitaabwajeanda, hean ghoang'waay sugoocheanda ghwalajaada gitaabwajeandida aba barda ak gwajaksa jeeda beasta rarayga ak ghwaak beasta ea goosha.

YEREMIYA 5:31

sibanga niramoar ng'uyeega, nea ashoohoodiga gagadiiy nea ghwaat naweadinga nyaawa; nea fugeasu ghabwariiy gwasunu ng'asheesu, ak gajasina naaha iihidu mudeanoodeaba ng'asheesu?

ESEKIELI 13:22

Aba gideaba agooga noanung' ghwanyareas guroorooda siida doabiiwaat aba ng'uyeega. Nea aniini ea mii danung' ghang'ut gurmeahiida ak ghana goomajeekchi geatinga siida muy ak ea mwayamwa geaw nea mwanung'waada naweadingaaschi munyas ak ghoaghu eaweagaaschi.

SEFANIYA 1:12

Aba damandida gaydagasa Yerusalemu aba gheaboonyanga, ak gaydalas fuga noas badahuuka ng'asheega nyaawa munyas, nea gwayeena aba jeesinga nyaawa, ‘NG'UTAMIIDA maygwasin gea miyaas, nea maygwasin gea munyas.’

Yohaana 16:2

Gaygooheeleeweegwa buuneeda ghoorajeega siinealshacheewa; aba huumwa, aba gideaba ghwaan damanda ama siida nuuseegwa jea ghaghay gili bwat ASEETA.

Gadiyeeda Giijasoodiga 26:9

“Aba huumwa aniini ghayi geadeaksi geaw gideaba gamiisean dasin haleanjeeda sean, maweapchi sea gheawunga Yesuheeda Nasareti.

FUGA LAJA GIRGWEAGUUTKA 17:13

Ng'ata gwayeesha Mika, “Biisa naanali gideaba gaygwasinneani NG'UTAMIIDA alooheeda, aba gideaba geandeawi siida Lawi was ashoohoocheandeanyu.”

FUGA LAJA GIRGWEAGUUTKA 17:5

Nea siisi was Mikahiin gwandeawa gheeda aseecheeka, ak gwasin sanaamu ak ghaghwal orjeanagi aba jeeda orjoagaaschi ghoah ashoohoocheanda.