ISAYA 5:1 - Bibliyeeda Ghaydit

¹ Nung'waada deadu sarmeeda siideanyu aabwariinyi sarmeeda siideanyu aabwariinyi bea madamnyeandaanyi bea sabiibu: siideanyu aabwariinyi gwandeawa madamnyeanda sabiibu mida uhuuda heayeeda mida sigeeda miyaas.

ISAYA 5:1 Mawu Ofanana

NYIIGHEEGA 101:1

Gaydasarman aba headaang'u alooheeda ea girgweageeda; Ea NG'UTAMIIDA, gaydasarman.

NYIIGHEEGA 45:1

Gurooroodeanyu ghwanyiit aba ng'asheanda miy; aniini gearugu duumda eang'asi sugoocheanda; ghuuteanyu gawuurji galaamooda ng'oorshoocheanda geariir.

NYIIGHEEGA 60:5

Ak abeeda geelealu fugaagu ibwariinyi, adawa jooriischooda aba geatindaang'u bea dugwa ak gishaahi ghuusigaasa!

NYIIGHEEGA 80:8

Ghayi giyeadu sabiibu aba ng'eanyiida Misri; ak gihoani eemoojiga ak ging'aapti.

SARMEEDA SULEMANI 2:16

Ng'wasaneedeanyu aabwariinyi deanyu gil, ak aniini ghaawaschi daanyi, niny ghoahaaghwa gisilgaaschi aba bugusta deakghweeda.

SARMEEDA SULEMANI 5:16

Ghuutaanyi ghwanyiit ng'asheega miyaas, aba huumwa aamiy muuchi. Nih ng'wasaneedeanyu aabwariinyi, ak nih ea ng'wasaneedeanyu eaduupcheewi, Ea haweega Israeli.

SARMEEDA SULEMANI 5:2

Aniini gealili nea gurooroodeanyu ghoang'wearu. Aleaydiit ng'wasaneedeanyu aabwariinyi gagulgul gidaghuuta. “Jaada gidaghuuta huda giyeanya ng'wasaneedeanyu aabwariinyi, ghariibajeandeanyu, ng'wasaneedeanyu doabiiwaat, aba gideaba uhuudeanyu nibwar rahooda, buudeegeasu ea nibwar shishihandeedeaba eawa.”

SARMEEDA SULEMANI 6:3

Ng'wasaneedeanyu aabwariinyi deanyu gil, ghoahaaghwa noagaaschi aba bugusta deakghweeda.

YEREMIYA 12:10

Jeagiischoodigeasu nidatas madamnyeandeanyu bea sabiibu; Niileapleapsa ng'eanyi heeda was deanyu Nea madamnyeandeanyu miy ea ninung' ghoaw dareapcheeda manda gil.

YEREMIYA 2:21

Geahistaneeyi nea geanung' uurjeewana sabiibooda aaloachi, bea mbeeyooda miyas. Ak ghamneawa ea niyamdiini geawi ea huwa sabiibooda dareabeeta?

ESEKIELI 15:2

“Ea orjeeda siida, heapi, geediga sabiibu gaba leang'ba naaha ea ghang'al geediga suurja, ghana damealeanda sabiibu mida bugusta geediga mida dareabeeta?

ESEKIELI 19:10

Geamadu abeeda gawuurji sabiibooda mida jeeda madamnyeanda sing'aapta aba ghuuteenda. Ak gwaji muuchi nea gaba damealga saang'a, aba gideaba ninyas beega saang'a.

HOSEYA 10:1

Israeli gawuurji geeta sabiibu aruutu haghweagaaschi. Gilinyoo ghoahaadaata hean inyeesa ghoahaat heeda wagiida; hean gidabaruurda ng'eanyiidaanyi gwasin daranajeagaaschi miyaas.

Mattayo 21:33

“Ooleeysiiniit gideagali nuut. Ghayi gwanda siisi bea gheeda ak gwandeawa madamnyeanda sabiibu ak gooneaweesa hilgweanda ak gwasin heeda jea eesisa difaayi aba jeeda ak ghwadeas eara madalooda, ak ghoadaw fuga jea gooragan, ak ghang'eat gawa bareanyeeka aba ng'eanyi nuut.

Marko 12:1

Ng'ata goobalool Yesu saawa nea gagala geat ng'asheega nea gwayeesha, “Ghayi sih ghabwar madamnyeanji itaanyi ak gang'eapsa sabiibu. Hit gooneaweesa madamnyeandaanyi hilooga, gageanu ak gwasin healadeeda jea eemuuriisa difaayeeda was mideega haghweega sabiibu, ak gwasin eara madalooda jea eefura madamnyeanda. Hean ghwanung' gooragan buuneeda madamnyeandaanyi. Ng'ata iidu gawa Siidida ea gawa darooraka sheagi.

Lukka 20:9

Hean ghoang'eat giibaloolda buuneeda nea gwarukusa galeesu, “Ghayi sih gang'eapsa sabiibu jeeda madamnyeandaanyi, hean gwanung'usa madamnyeandaanyi fuga jea gooragan, ak gawa darooraka sheagi, goobiida hoowa ea gageawiit.

Yohaana 15:1

“Aniini geawooschi sabiibooda huumwa, nea Bwaabwa ea siida bea madamnyeanda.

GIIPKEATA DIIGHEANDA 8:10

Ak gajagiischeena ak gilang'uudi, ak gaybadiischeesiina NG'UTAMIIDA was ASEATAANG'U aba ng'eanyiida miy nigoonyi.

GIIPKEATA DIIGHEANDA 8:7

Aba gideaba NG'UTAMIIDA was ASEATAANG'U gayghwaanyi jeeda ng'eanyiida miy, ng'eanyiida mida eeniga mida beega, ea healatka ea gheanyanga eeniga rituuna jeeda burguutka ea heayeeniga,