ISAYA 48:9 - Bibliyeeda Ghaydit

⁹ “Aba mureeda gheawungeasu, gaydanung'waada nyarasteanyu, nea aba mureedeanyu, gaydaadeal aba gideaba adiidu ghaalaschi uhuudaang'u.

ISAYA 48:9 Mawu Ofanana

NYIIGHEEGA 106:8

Ng'ata gwalealu saawa aba gheawungaaschi, ak abeeda ghwanung' eanal uurdaanyi haw.

NYIIGHEEGA 143:11

Aba alooheeda gheawungaagu Ea NG'UTAMIIDA, ahaaghwana eaweegeasu! Aba doobiiwnataang'u ang'aamwanaan jeeda sawanadeeda!

NYIIGHEEGA 25:11

Ea NG'UTAMIIDA, aba gheawungaagu, samsean munyindeanyu, aba gideaba aasaang'a.

NYIIGHEEGA 78:38

Iidu niny aba gideaba gwandeawa baydeayda, gwasamsa munyasnacheeka nyaawa, ak ea mwalasa uhuuda nyaawa; nea iissa ghwasach nyarastaanyi galeaga sean, ak ea mwanung' ghwayeat nyarastaanyi sean.

NYIIGHEEGA 79:9

Ea ASEETA, lealeanoodeanya weadeasa, aba giigheambiita gheawungaagu; lealneasa, ak gisamsi riing'eegaasa aba badayda gheawungaagu!

GHWASIILDEANGA 19:11

Siida mideawa weaghuumeeda maygabean ghwanyareas, nea niny iisamsa siida aba headaanyi ea giigheambiita gil.

ISAYA 30:18

Asi NG'UTAMIIDA ghoamuukghuneegwa ghaweadeagwa; gayghang'eat ak aba gideaba NG'UTAMIIDA was ASEETA ea doabiiwaat, ghang'wana fuga amuughu niny.

ISAYA 37:35

Aba gideaba gaydafur mujiineani, daaghu aba badaydeanyu, ea aba badayda Dawdi was siideanyu bea gadiyeeda.”

ISAYA 43:25

“Asi aniini geawooschi ASEETA samiisa riing'eagaagu, ak geasinyi nih aba gideaba geabaysi nea geabwaageaw, ak ea maygudu daapkaat riing'eagaagu.

ISAYA 48:11

Geasinyi ng'asheanji nea gabwageaw, ghwasaan iijea eefool gheawungeasu? Giigheambiiteanyu maydaadaw siinuut.

ISAYA 65:8

Gwayi NG'UTAMIIDA: “Gawuurji gidasinyasiida difaayi aba jeeda sabiibu mughuush ak hean gwayi, ‘adiidu geadataschi, aba gideaba jeadaanyi gwanda badiischooda’, hean gaydasin aba badahuuka fugeasu bea gadiyeeda, nea ea maydahuyda saawa goosha sean.

YEREMIYA 14:7

“Earapeadi ramaseanyeeka muuwu aba badahuukaasa, Yamni geaw, Ea NG'UTAMIIDA, aba bariinyeagaagu aba gideaba ramaseanyeekaasa aasaang'a muuchi, Nea ea sisinneey riing'eeda.

ESEKIELI 20:14

Ak geasinyi ng'asheanji aba gheawungeasu, aba gideaba ea meang'udana ririnnyeanda aba madeeda eemoojiga, ghayi earuudu aba madeeda nyaawa.

ESEKIELI 20:22

Ak ghaadeali geatindeanyu, nea geasinyi aba gheawungeasu, aba gideaba adeang'uda ririnnyeanda aba madeeda eemoojiga ghayi earuudu aba madeeda nyaawa.

ESEKIELI 20:44

Ak gajanala gideaba aniini geawooschi NG'UTAMIIDA, inyas geasinyi sea agooga aba gheawungeasu nea mawuurji naweadingeagwa munyas, nea mawuurji sinaweegeagwa munyas, Ea fuga Israeli gwarugu NG'UTAMIIDA was ASEETA.”

ESEKIELI 20:9

Ak geasinyi ng'asheanji aba gheawungeasu, aba gideaba ea meang'udana ririnnyeanda aba madeeda eemoojiga ghayi mideayi sea saawa ghayi eahiimsi geaw saawa ak gearuuni ng'eanyiida Misri.

ESEKIELI 36:21

Ak ghaabwaydi saawa aba gheawungeasu ghaydit ghayi ng'uda fuga Israeli ririnnyeanda aba jeeda eemoojiga ghayi weesa.

YOSHUWA 7:9

Aba gideaba fuga Ganaani ea fuga sean bea ng'eanyiida gayghwayiiy iidi, ak gaygwaneaweeseasa, ak gayghwasach gheawungaasa aba jeeda ng'eanyiida; ak gaysina naaha aba hawunda gheawungaagu?”

1 SAMWELI 12:22

Aba gideaba NG'UTAMIIDA mwoamu gwahista fugaaschi, aba hawunda gheawungaaschi gagasa NG'UTAMIIDA ghwanung' ahuwa fugaaschi.