ISAYA 48:4 - Bibliyeeda Ghaydit

⁴ Aba gideaba ghaanali gideaba ang'iing'i guwoosi hang'waay uhu, ak ghahang'waayda uhuudaang'u dea gharinyeanda, nea gheamamdaang'u ea ghaghajaamiit ea gawuurji lagheanga oomng'i.

ISAYA 48:4 Mawu Ofanana

2 SUGOODIGA 17:14

Ak ea mooleeysiiniit ghoahang'waay iheenga nyaawa, gawuurji iheenga ghweaniga nyaawa, nea mamwasa NG'UTAMIIDA was ASEETA nyaawa.

2 DAMANYOOJIGA 30:8

Adiidu goowooschi fuga hang'oonyi iheeni gawuurji gida ghayi uurji ghweanigeagwa, agooga asisiina mureeda NG'UTAMIIDA, ak ghoapkaanyi headaanyi ghaydit, ghayi niighaydiit damanda manda muudeanooda, ak googadiyeesi NG'UTAMIIDA was ASEETEANG'WA, ak abeeda nyarastaanyi ng'waan gayghang'amwa heedeang'wa.

2 DAMANYOOJIGA 36:13

Ak ghoang'aamwa geaw heeda sugoocheanda siguura Nebukadinesa ghayi nung' ghwaak habeawooda aba gheawunga ASEETA; hean ghoahang'waay gheataanyi ea gurooroadaanyi aba biiksiinda NG'UTAMIIDA, was ASEETA fuga Israeli.

NEHEMIYA 9:28

Iidu nea niihiit fuufta, gwasin ng'asheega munyas gicha aba madeadaang'u, hean ginung'waadi saawa goobiida geatinda weajoodiga nyaawa, amang'ata goombal saawa ak iidu nea gabiigu ak gooyeawuseey hean giileeysiit aba humng'eeda ak giweadi saawa nyaamoana aba baydeaydaang'u.

NYIIGHEEGA 75:5

adoogatkachi gujaweedeang'wa gagal humng'eeda, ghana baloolana ghwarjeeda.”

NYIIGHEEGA 78:8

ak abeeda ea mawuurji ghweaniga nyaawa, seaygeeda ng'ooweata biissa ea nisach geat, seaygeeda mandeawana bariinyeega aba gurooruunatka nyaawa, nea gurooruunatka nyaawa ea mii doobiiweadi aba heeda ASEETA.

RITEAYDA 32:9

Ak gwayeesha NG'UTAMIIDA Musa, “Naadaayi fiisu, ng'ula fuga hang'oonyi iheeni gil,

RITEAYDA 33:3

Ascheang'da ea ahita ng'eanyiida gulda eanooga ea maleeda, ak ea mwajeascheang'da aniini ea agooga, gajiidu ghaanung' ooshealana aba naweeda, aba gideaba goowooschi fuga hang'oonyi iheeni.”

RITEAYDA 33:5

Ghwalamda NG'UTAMIIDA ak gwayeesha Musa, “Eeshiina fuga Israeli, ‘Agooga goowooschi fuga hang'oonyi iheeni, inyas geashamnyeegwa ak ghaahidu bugusteang'wa, gaydaduulneegwa, asi biissa afwakta eagweegeagwa miyaasiin ak ghaanali gichea dasimaneegwa.’”

RITEAYDA 9:7

Hean goojeakta Farao buuneeda ghoang'wearda asi ng'ula dugwa fuga Israeli manda dea nimi eara akaleala, ak gabiikta ghoahang'waay Farao gurooroadaanyi, ak ea masiksiina buuneeda gaweay.

GHWASIILDEANGA 29:1

Siida iisimiin gheang'da nyaamoana ak ghoahang'waay uhuudaanyi, gaygagiishachi nibwagi ak ea maygut ghahaap.

ISAYA 30:9

Aba gideaba fiisu ea hang'oonyi iheeni, was orjooga ng'uyeega, orjooga mayghwayiiy ginyah NG'UTAMIIDA;

ISAYA 46:12

“Ooleeysean iit agoogeeda hang'oonyi iheeni, agoogeeda oowooschi sheageewa lealeanooda:

YEREMIYA 19:15

“Gwayi NG'UTAMIIDA bea lugweega, was ASEETA fuga Israeli, “Ng'ula gaydaahaak mujiinajeesu ea gharang'weakaaschi munyinda ghayi eargu, aba gideaba niihang'waay iheenga nyaawa, ak ghaheawa gooleeysiit ng'asheegeasu.”

YEREMIYA 3:3

Ghamneawa shiishiiyda siiteal nea eara roopta girjeanda ea miighoan; gindeawi gheanyanga hang'oonyi uurji gea gatmooda hiseada nea eara baspaseega ea mindeawani.

YEREMIYA 5:3

Ea NG'UTAMIIDA, neada gheanyangaagu ea mang'ula huumeanda? Ang'iing'i nihuuydi saawa ak ea masamsiina; ang'iing'i nihuteawayi, ak ghaheawa gwaduukuuna. Niihang'oonyi gurooruunatka nyaawa ea ghwanaawa lagheanga; nea ea niheawa gwaduukuuna.

YEREMIYA 7:26

ak eara gwasa, saawa ea mooleeysiinean iidiga nyaawa nea maduupa gil, hean goohang'oonyi gheatkweaka nyaawa. Ak gwasin dea muy ea ghwanaawa ghweaniga nyaawa.

ESEKIELI 2:4

Nea fiisu ea mandeawana mureeda, ak gurooruunatka nyaawa ea mandeawana baspaseega, asi gaydeajeaktaneey heedeaba fiisu. Ak gajeeshiina ‘gwayi NG'UTAMIIDA was ASEETA.’

DANIELI 5:20

Iidu nea gwasin ghwarjeeda nea ghahang'waanyiit gurooroadaanyi aba ghwarjeeda, hean geejakteawa hoorgeadaanyi bea sugoocheanduumeeda, ak geegeandeawa gheambalmeadaanyi;

Gadiyeeda Giijasoodiga 7:51

“Ea fuga hang'oonyi iheeni, miyeayaat ghasmeahooda gurooruunatka nyaawa ea iidiga, iissa galeagasean ghoateali Guroorooda Ghaydit. Gawuurji gidaghayi sinda ghweanigeagwa, eara agooga goosindunu.

Ruumi 2:5

Nea aba hang'ooynataang'u bea guroorooda mandeawana duukuunooda giidiiwsi geat nyarasta aba eaweeda nyarasta jea ghwahina ghoorjooda ASEETEAN.

GIIPKEATA DIIGHEANDA 10:16

Asi ayaada ghasmeahooda gurooruunatkeagwa, adiidu goowooschi fuga hang'oonyi iheeni.

GIIPKEATA DIIGHEANDA 31:27

Aba gideaba ghaanali heeheeweagaagu ea hang'ooynata uhuudaang'u, ng'ula, gutajaamjaam sea agooga, ghamneawa, ak goondeawi heeheeweega aba badayda NG'UTAMIIDA, abeeda gaygawuurjiin inyas ghami!

Ebraniya 3:13

Daba siisi amajeek nuut galeagasean, aba hiji duu eeguura “ghamneawean,” ak ea manda jeedeang'wa siida jea ghoahang'waay aba reengaweega riing'eeda.