ISAYA 45:9 - Bibliyeeda Ghaydit

⁹ “Eamuy daanyi siida ng'aleali sea ASEETA sin niny, siida was dabicheanda sisna sheang'weeda gwasheang'nyi sea dea sin niny! Heapi sheang'weeda gayghoanyaash dea sin niny nea gwayeesha ‘gisini naaha aba hiji?’ Ghana gwayeesha ‘gadiyeadaang'u mwahida’?

ISAYA 45:9 Mawu Ofanana

AYUBU 10:9

Apkaada gideaba ghayi gisinanean sheang'weeda, ak gajadealdanaan gicha jeeda sigeeda.

AYUBU 33:13

Abeeda ghwasaan inyas ging'alealeewi niny, nea giyeeni, ‘Mayghwasha ng'asheanjagi aba jeeda ng'asheegeasu’?

AYUBU 40:2

“Ang'iing'eeda isikiideawi giidiinyeanyeeka gaygaleada sea ASEETA haw uuri? Ang'iing'eeda isheang'nyi sea ASEETA, asi shaaha ng'asheesu.”

AYUBU 9:12

Ng'ula niny gageanda gidagasa ak gayghoamu ng'eaha ghwaadeal, ak gayghoamu ng'eaha ghoanyaash gideaba ‘gisini naaha?’

AYUBU 9:4

Niny gwandeawa weaghuumeeda aba jeeda guroorooda, ak gwandeawa uurda, ak ea niihang'waay geaw ak ea ng'eaha dea nijoar–

GHWASIILDEANGA 21:30

Manda weaghuumeeda ghana fughareeda, ghana girgweaksiinda jea ghaweanyi aba badayda NG'UTAMIIDA.

REEKUSIINDA 6:10

Gida wasean nyooh eesin ghayi sibay eebada sinooda, ak geanali eesa sean gideaba siida moamu gwajaluudayi siida burdeawa niny uurda.

ISAYA 10:15

Heapi joomooda gayghaghwar geaw aba badayda siida gadiiyeata? Ghana labalda gayghoamu ghaghwar geaw aba badayda siida gadiiyeata? Gwachi abeeda iisunu, bileangida gaygoodiing'u siida ang'waay, ghana bileangida gaygoodiing'da siida humng'eeda ninyeeda mawoosa geeta!

ISAYA 29:16

Agooga inyeesa ghoayamnyi ng'asheega! Heapi siida sin sheang'weeda gajeegala sheang'weeda gidida sisiniin gayghoamu goobalool dea sin nea gwayi, “Misinyean ang'iing'i,” ghana gidida sisiniin goobalool siidida siniin nea gwayi, “Siisi mwanala gil.”

ISAYA 45:10

Eamuy daanyi baleanda eesha ghwaan, ‘Anda gijiilean?’ Ghana gwayeesha ghaamwat, ‘Lajooni bea jeatean ginyasi aba naaha?’”

ISAYA 64:7

Manda dea nihidu gamusnyi eara akaleala, manda siida sin badiida aba gasoadaang'u. Ang'iing'i gifunyaneasa gheamamdaang'u ninung'useasa heeda eapita jeeda ng'asheagaasa munyas.

ISAYA 64:8

Ak ghamneawa Ea NG'UTAMIIDA, ang'iing'i guwoosi ghweandeanya, aseasa geawooschi sheang'weeda nea ang'iing'i guwoosi siida sinneasa, aseasa eesa sean geewooschi gadiyeeda geatingaagu.

YEREMIYA 18:6

Gwayi NG'UTAMIIDA, “Ea gheeh Israeli, aniini mwaamuusi dahindaneegwa gida sin siisi sina dahuundigeani? Ng'ula giduurji sheang'weeda aba geatinga siida sina dahuundiga, eara agooga gidoowuurjeewi goondi jeeda baneaguukeasu, Ea gheeh Israeli.

YEREMIYA 36:29

Ak gajeeshiina Yehoyakimu sugoocheanda Yuda gideaba ‘Gwayi NG'UTAMIIDA, ghamneawa nighwardi gitaabwajeandida, gaydaanyaashnyi gideaba, “Ghwasaan anda Yeremiya ghang'oar gideaba sugoocheanda Babeli gayghwahidu gwanyarja ng'eanyiini nea ghwalas uhuuda buuneeda ea diyeanga?”

YEREMIYA 50:24

Neasineey ghaseeda ak gajeayaanyi Babeli ak ea minali; geenyasnyi ak geang'waanyi, aba gideaba ging'ucheewi NG'UTAMIIDA.

DANIELI 4:35

aba gideaba fuga mida ng'eanyiida mawuurji gil, ak iissa gwasinda ng'asheega gidagasiida aba humng'eeda ea aba jeeda fuga abiita ng'eanyiida; ak ea manda siida ammu gwareekusa niny ghana gwayeesha niny, “Gisini naaha?”

1 Goriinto 10:22

Ghana sigasayi eang'udana Ng'utamiida lachng'eanyiida? Neada geandeawi uurda ea eeburdeawana niny?