ISAYA 45:1 - Bibliyeeda Ghaydit

¹ Gwayi NG'UTAMIIDA aba badayda Goreshi, ‘Ang'iing'i guwoosi sugoocheandeanyu aaloachi. Ak gaydagoonyi uurda ak gijoari eemoojiga aba madeadaang'u nea gihirjeaweadi gidaghuudajeega mujiini aba madeadaang'u nea maygwanda gidaghuuta jea eajap.

ISAYA 45:1 Mawu Ofanana

1 SUGOODIGA 19:15

Ng'ata gwayeesha NG'UTAMIIDA, “Una biikta naweeda dareapcheeda Dameski, inyas gihiti, gimwaari Hasaeli ghoah sugoocheanda Shaamu.

ESRA 1:1

Gweayda madeeda bea sugoocheanduumeeda Goreshi was sugoocheanda ng'eanyiida Ajemi, abeeda gwasa, ng'asheanda NG'UTAMIIDA ghayi rukuna ghuuta Yeremiya, hean ghwasat NG'UTAMIIDA guroorooda Goreshi was sugoocheanda Bersiya, ak gwarukuta iita aba ng'eanyiidaanyi sean ambal ak eara ada ghang'oar.

ESRA 1:2

“Gwayi Goreshi was sugoocheanda Bersiya. Nigoonan NG'UTAMIIDA was ASEETA humng'eeda, sugoocheanduumeeda sean bea ng'eanyiida, ak ea nirukunean dadeeksa niny gheeda aba Yerusalemu mida ng'eanyiida Yuda.

AYUBU 12:21

Nea inyeesa ghoabwaaspwaas fuga hees, nea gageandeawa fuga mideawa giimuusta uurjeenga nyaawa.

NYIIGHEEGA 73:23

Eara gwasa aniini geendeayi sea ang'iing'i Ea ASEETA, ang'iing'i niing'waanyi geatindeanyu bea dugwa.

ISAYA 13:2

Asi amiinda beendeera aba uhuuda heayeeda manda geediga, ooyeawusiina saawa aba ghuuta haw; ak googuursi buuneeda ghapka gidaghuuta mujiineeda fuga hees.

ISAYA 13:3

Aniini nearukusi fugeasu ghayi siikghaydiit, neaguursi fugeasu meanyi aba nyarasteanyu, fugeasu bwat gheawungeasu.

ISAYA 41:13

Aba gideaba aniini geawooschi NG'UTAMIIDA was ASEATAANG'U, gaydaang'waay geatindaang'u bea dugwa; ak gaydayeeshiineey, “Adibeali, gaydaweanyi.”

ISAYA 41:2

Ng'eaha gil ii mii aniini gil dea guursa dea mwaay aba heeda ghayeawa, siida jooriischi aba heeda wassean? Aniini inyeesa ghaayiinyi eemoojiga madeadaanyi, niny inyeesa gooleapsa ng'eanyi sugoodiga, ak ghwanung' gawuurji saawa birjeanda aba ng'utaanyi, gawuurji looyda ghuuta jeameeda aba ghuweang'daanyi.

ISAYA 41:25

Naanung' ghang'eat siida leabu wiilooda ng'eanyiida ghayeawa, ak ea nihidu, ak gwaleabu heeda ghayeawa, ak gaygwaruku gheawungeasu; ak niny gaygooleapsa ng'eanyi fuga ambaliischi gawuurji sheang'weeda gawuurji gida dasta sheang'weeda siida sina dahuundiga.

ISAYA 42:6

“Aniini geawooschi NG'UTAMIIDA, ak geaguurneey aba doobiiwnata, ak gaydaang'waay geatindaang'u nea ghaahaaghwaneey, nea aba badaydaang'u gaydasin neajeeda sea buuneesean, ak ang'iing'i gayhuuwa gheaboong'nyeanda eemoojiga,

ISAYA 44:28

aniini geayeeniisi Goreshi, gideaba ‘guwoosi jeagiischoocheanda fugeasu, ak gaysina gea eamanyayi dasin sean’; ak aniini geayeeniisi Yerusalemu, ‘Ang'iing'i Yerusalemu gajeadeasnyi gicha,’ ak ‘sindeeta gheeda sibata ASEETA gajeadeas.’”

ISAYA 45:5

Aniini geawooschi NG'UTAMIIDA, ak ea manda nuut, ASEETA nuut mandana geakghusan; geamajeekcheeweey, earapeadi minalaan,

ISAYA 48:15

Aniini gil, asaha aniini neargu ak ea neaguursi niny, ak ea neayeadu niny, ak gayghwanyagaada aba naweadaanyi.

YEREMIYA 27:6

Ng'ata ghamneawa naadawji Nebukadinesa sugoocheanda Babeli, was siideanyu bea gadiyeeda ng'eanyoojisu seaniin, ak eara diyeanga sean mida badayda ng'eanyiida ea naadawji niny danung' gagadiiyeesa.

YEREMIYA 43:10

ak giyeeshi saawa, ‘Asi gwayi NG'UTAMIIDA bea lugweega, was ASEETA Israeli: Ang'ula gaydeajeagu Nebukadreesa was sugoocheanda Babeli, was siideanyu bea gadiyeeda, ak gayghamiinda gheambalmeadaanyi aba uhuudeaba lagheang'su aafunyiin, ak gaygwasissa ghooriida bea gheambalmeeda uhuudeaba lagheang'su.

YEREMIYA 50:3

“Aba gideaba ghang'eada wiilooda ng'eanyiida ghayeawa eemeeda jea gang'uchi sea niny, ak gayghwanung' ghoah ng'eanyiidaanyi raghoonyeanda, ak ea maygwanda siida jea goobiida jeeda; siida ghana diyeayda, gaygamng'aw sean ea gwasheagiidi.

YEREMIYA 50:35

“Ng'uta gwanda badayda fuga Galdayo, gwarugu NG'UTAMIIDA, ea badahuuka fuga abiita Babeli, ea badahuuka fugaaschi hees ea fugaaschi weaghoodi!

YEREMIYA 51:11

“Ashida geatka! Ageani igeambooniga! NG'UTAMIIDA nisat gurooruunatka sugoodiga Meedi, aba gideaba niny gidabada aba badayda Babeli nyarjeawda gil, aba gideaba nih mureandooda NG'UTAMIIDA, was mureandooda ghooriidaanyi sibata niny.

YEREMIYA 51:30

Gheareemanga ng'ucheeda bea Babeli ninung'waada ng'ucheeda, niibiitbiit aba heeda abiita; ak ea niisheala uurjeenga, ak ea niwuurji gadeemga; nea heeda abiita ea niyaak beasta, ak ea nigiishachi gidaghuudajeagaaschi bea gharinga.

YEREMIYA 51:58

“Asi gwayi NG'UTAMIIDA bea lugweega: Ghamarda haw bea Babeli gajeabwaay gawa ng'eanyi nea gidaghuudajeagaaschi geawi gajeaghwarda aba beasta. Ak buuneeda gagadiiy mwadaagha, nea goobuur geat eemoojiga aba gideaba huuydeanda nyaawa beasta.”

ESEKIELI 29:20

Naadawji niny ng'eanyiida Misri ghoah waldeayda gadiyeadaanyi, aba gideaba lugoadaanyi gwasin gadiyeeda aba badaydeanyu. Gwarugu NG'UTAMIIDA was ASEETA.

DANIELI 5:6

Hean ghwayamwa oormeeda sugoocheanda, ak ghoapkaat fughareadaanyi; ak gang'arng'ariidi roobuutkaaschi, ak ghabwar geat gutung'weakaaschi.

DANIELI 7:5

Ak ging'ulayi, diyeayda nuut, bea iyeenya, gawuurji idarooda. Ak geetiing'u meatkweanagi; ak gwandeawa gisheaji samwagu aba ghuutaanyi dageascheeda geeshatkaaschi; ak geeyeesha, ‘Ng'eada, ak giyaagi banyeega muuchi.’

DANIELI 8:3

Geagatkachi gheanyangeasu ak ghaadaayi, lagweenda nea ghamiinaada aba mareeta ghealooda. Ak gaba gujaw iyeenya; nea gujaka duwaawi ea geawi, ak gujaweanagi gameaji ea geaw mawuurji niirja, ak gujaweeda meaji ea geaw gahuuydean aba rinooda.

DANIELI 8:4

Ak ghaadaayi lagweenda nea gweagu nea gwarakta ea wiilooda ng'eanyiida ghayeawa ea wiilooda ng'eanyiida biyeara; ak ea manda diyeayda ammu ghamiinaada aba madeadaanyi, ak ea manda gidammu gwalealna aba uurdaanyi; ak iissa gwasinda ng'asheega gidagasiida nea goodiing'u geaw.

NAHUMU 2:6

Ghuusiga eeniga siitin, gealga sugoodiga ea ning'ut muuwda;

NAHUMU 3:13

Ng'ula, lugoadaang'u niwuurji gadeemga. Dooshinga ng'eanyiidaang'u ghoabwara ghuusi aba heeda weajoodigaagu; ak ea niyaak beasta gidaghuudajeegeagwa.