ISAYA 43:3 - Bibliyeeda Ghaydit

³ Aba gideaba aniini geawooschi NG'UTAMIIDA was ASEATAANG'U, dea Asagi Ghaydit bea Israeli was lealnoocheandaang'u. Gaydagu ng'eanyiida Misri ghoah leadeadaang'u, ea Gushi ea Seba ak abeeda geesikseegwa.

ISAYA 43:3 Mawu Ofanana

GIING'EETA 10:7

Suh orjooga Gushi: Seba gil, ea Hafila, ea Sabta, ea Rama ea Sabteka. Nea orjooga Rama: ea Sheba gil ea Dedani.

NYIIGHEEGA 72:10

Sugoodiga Darshishi ea gea darooraka neaweesa beega deasiina niny gwaadi, sugoodiga Sheba ea Seba dagu haleanjeeda duupcheeda!

RITEAYDA 10:7

Ghwalamda fuga gadiyeeda bea Farao ak gwayeesha niny, “Siisi gaygoodeawiideasa ea ghoah eeju? Siksiina fiisu gaweay gagadiiyeesa NG'UTAMIIDA was ASEETA nyaawa, mii jeeng'ni gideaba Misri ninyar?”

RITEAYDA 20:2

“Aniini geawooschi NG'UTAMIIDA was ASEATAANG'U, ghayi aruunaneey ng'eanyiida Misri, aba gheeda soomjeandumeeda.

GHWASIILDEANGA 11:8

Siida doabiiwaat gajeelealu aba jeeda sawanadeeda, ak hoorgeadaanyi gaygawa siida muy.

GHWASIILDEANGA 21:18

Siida mii doabiiwaat waldeayda fuga doobiiweadi gil, nea dea sina ng'asheega milmilanda gaygawa hoorgeeda fuga doobiiweadi.

ISAYA 19:20

Ak hiji bea wagiidean gayghoah gwadeagooda ea muuwuunooda aba heeda NG'UTAMIIDA lugweega aba ng'eanyiida Misri. Aba gideaba gaygoogeal shooka nyaawa heeda NG'UTAMIIDA aba fuga ghabwas saawa ak gajeeyeasa saawa lealnoocheanda jea ghaweat saawa ak ghoaghu.

ISAYA 20:3

Ak gwayi NG'UTAMIIDA, “Iinukwa siideanyu bea gadiyeeda was Isaya gwaneayi nea dawiish ak ea mandeawana geeka gweanyeew samwagu, nih gwadeagooda gida jea gwahisa fuga Misri gil ea Gushi,

ISAYA 30:11

oosiipteawana jeeda naweeda huumwa, ak ghoayamnyi geat anung'usiina heeda naweeda, adagudoorukuneasa badayda Deaghaydit Asagi bea Israeli.”

ISAYA 41:14

Gwayi NG'UTAMIIDA, Ea fuga Yakobo ng'arng'ari nea gwadeena ghuughuucheeda, ea fuga Israeli, adoabeali, adoabeali, gaydaweadeagwa, aniini geawooschi lealnoocheandeang'wa was dea ghaydit bea Israeli.

ISAYA 42:8

Aniini geawooschi NG'UTAMIIDA, nih gheawungeasu gil; giigheambiiteanyu maydaadaw siinuut, nea eara giigheambiiteanyu ea maydaadaw sanaamu.

ISAYA 43:11

Aniini geawooschi NG'UTAMIIDA, ak geakghusan manda lealnoocheanda nuut.

ISAYA 45:14

Gwayi NG'UTAMIIDA: “Meanang'oocheanduumeeda Misri, ea haleanjeeda Gushi, ea gea fuga Sheba was fuga geawi, gayghapka headaang'u ak gayghoah gaagu, gaygweadu geashtaang'u; ak gayghapka nea sirada aba munyaloali, ak gayghaghadoawanyi aba madeadaang'u Ak gayghamwas nea gwayi, ‘Aba huumwa gindeawi ASEETA, ak ea manda nuut geaghus niny.’”

ISAYA 45:15

Aba huumwa ang'iing'i guwoosi ASEETA funyaat, Ea ASEETA Israeli was lealnoocheanda.

ISAYA 45:21

Arukuni iidi nea ghoatahaachi, ak goorugu iiteang'wa; nea gooyeasi iheenga hijagi! Siida ghayi bean gwarugu ng'asheesu bunuun ng'eaha? Ghayi ng'asheesu gwarugu ng'eaha? Neada ea mii aniini, NG'UTAMIIDA? Ak ea manda aseeta nuut geakghusan, aniini geawooschi ASEETA doabiiwaat ea lealnoocheanda, manda nuut geakghusan.

ISAYA 49:26

Ak fugiga ghabwasnyi gaydanung' ghwaak banyeega nyaawa ak gaygaboogidi aba gideaba ghwali foojeanyeeka nyaawa gawuurji gililea difaayeeda heeseadi ak fuga sean majeekcheew gayghwanal gideaba aniini NG'UTAMIIDA gil, was lealnoocheandaang'u ea lealuuneey was dea hoauur asagi bea Yakobo.”

ISAYA 60:16

Gaygweaneey eemoojiga gichea aga, ak gaygweaneey sugoodiga hamita miy; abeeda gaynala gideaba aniini geawooschi NG'UTAMIIDA ea lealnoocheandaang'u, ea giitinoocheandaang'u was dea hoauur asagi bea Yakobo.

ISAYA 63:8

Aba gideaba gwayi aba huumwa suh fugeasu gil, orjooga meaka gheanyanga buuneeda; ak gaydoaw lealnoocheanda nyaawa.

YEREMIYA 14:8

Ang'iing'i guwoosi hoyyooyda fuga Israeli ea lealnoocheandaanyi damanda sawanadeeda, ghwasaan anda geenung' uurjeewana rabascheanda aba badayda ng'eanyiida gawuurji bareanoocheanda yamgeaw gagasa ruweanga jeeda eaweeda?

YEREMIYA 16:21

“Asi, ng'ula, gaydanung' ghwanal giteena uurdeanyu ea giimuusteanyu, ak gayghwanal gideaba gheawungeasu NG'UTAMIIDA gil.”

ESEKIELI 39:7

“Nea gheawungeasu ghaydidi gaydanung' eanal aba jeeda fugeasu bea Israeli; ak ea maygut danung' eang'uda gicha ririnnyeanda gheawungeasu ghaydidi. Ak gayghwanal eemoojiga gideaba aniini geawooschi NG'UTAMIIDA, was dea asagi ghaydit aba jeeda Israeli.

HOSEYA 13:4

Aniini geawooschi NG'UTAMIIDA was ASEATAANG'U gidang'eada ng'eanyiida Misri; agooga ea moanali ASEETA nuut geaghus aniini, nea manda lealnoocheanda nuut jea ghwanaawanaan.

NG'ASHEEGA LAWI 11:44

Aba gideaba aniini geawooschi NG'UTAMIIDA was ASEATAANG'U; asi oamiini geat, ak goowooschi ghaydidi, aba gideaba aniini geawooschi ghaydit. Adoabwari geat ririnnyeanda aba gida wasean badiina ng'eanyi angiira geaw ng'eanyi aba badayda ng'eanyiida.

AMOSI 9:7

“Agooga moowuurjeewani fuga Gushi aba heedeanyu, Ea fuga Israeli?” nih ginyah NG'UTAMIIDA gil. “Heapi ghayi meascheeng'ni fuga Israeli aba ng'eanyiida Misri, ea fuga Filisti aba ng'eanyiida Gaftori ea fuga Shaamu aba ng'eanyiida Giri?

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

Yuuda 1:25

heeda ASEETA bwaageaw, lealnoocheandeanya aba naweeda Yesu Gristoyda was Ng'utamiideanya, daba giigheambiita niny, ea hawunda, ea sugoocheanduumeeda, ea gheambalmeeda, dea ghayi ng'eada garayi, ea ghoah ghamneawa, ea ghoah damanda manda muudeanooda. Amin.