ISAYA 41:9 - Bibliyeeda Ghaydit

⁹ Ang'iing'eeda eayeananeey muudeanooda ng'eanyiida ak geaguuru nea gindi ghwanuutka sheagi, nea geayeeshiineey, “Ang'iing'i guwoosi siideanyu bea gadiyeeda, Aniini naaloacheey ak ea maydajaktaneey.”

ISAYA 41:9 Mawu Ofanana

NYIIGHEEGA 135:4

Aba gideaba NG'UTAMIIDA niloosa geaw Yakobo, nea ghoah Israeli buuneadaanyi bea huumwa,

NYIIGHEEGA 94:14

Aba gideaba NG'UTAMIIDA maygwahista fugaaschi; ak ea mayghwanung'wa heeda hearaniischoadaanyi;

ISAYA 11:11

Ak eaweecheanji Ng'utamiida gayghoahaakta geadi gicha goodeelu boosteangaaschi mida Ashuru, ea Misri, ea Batirosi, ea Gusi, ea Elamu, ea Shinari, ea Hamati, ea ng'eanyiida mida ghuuta basooda.

ISAYA 14:1

Aba gideaba NG'UTAMIIDA gayghabwayda fuga Yakobo, ak gayghwaloat gicha Israeli, ak gayghoadealda jeeda ng'eanyiida nyaawa nea gabwageat ak gayghapka rabasta ak gwandeayi sea fuga gheeh Yakobo.

ISAYA 41:2

Ng'eaha gil ii mii aniini gil dea guursa dea mwaay aba heeda ghayeawa, siida jooriischi aba heeda wassean? Aniini inyeesa ghaayiinyi eemoojiga madeadaanyi, niny inyeesa gooleapsa ng'eanyi sugoodiga, ak ghwanung' gawuurji saawa birjeanda aba ng'utaanyi, gawuurji looyda ghuuta jeameeda aba ghuweang'daanyi.

ISAYA 41:8

Ak ang'iing'i, Israeli, siideanyu bea gadiyeeda, Yakobo dea ghayi aaloachi, was jeata Abrahamu, siideanyu eaduupcheewi.

ISAYA 42:1

Ng'ula, siideanyu bea gadiyeeda aaloachi ak ghaadawji uurda, ak ghwanung' gahoosan gurooroodeanyu, ak ea naayiinyi gurooroodeanyu jeadaanyi ak niny gaygoorgweaksa eemoojiga girgweageeda doabiiwaat.

ISAYA 44:1

“Asi aleaydiit ghamneawa, Ea Yakobo was siideanyu bea gadiyeeda, Ea Israeli ghayi aaloachi!

ISAYA 45:4

Aba badayda Yakobo was siideanyu bea gadiyeeda, ea Israeli ghayi aaloachi, geaguurneey aba gheawungaagu, geagoonyeey gheawunga mureeda, earapeadi ang'iing'i minalaan.

MALAKI 1:2

“Aniini ghaabwariinyeegwa,” Gwarugu NG'UTAMIIDA. Ak gooyeenyi agooga, “Gibwariiydaneasaan?” “Neada Esawu ea mii orjeeda geenyea Yakobohi?” Gwarugu NG'UTAMIIDA. “Iidu ghaabwariinyi Yakobo,

Lukka 13:29

Ak gay ghapka fuga jea gwaleabu heeda ghayeawa ea heeda biyeara, ea wiilooda ng'eanyiida ghayeawa ea wiilooda ng'eanyiida biyeara, ak gaygweagiischi aba jeeda sugoocheanduumeeda ASEETA.

GIIPKEATA DIIGHEANDA 14:2

Aba gideaba agooga goowooschi fuga ghaydidi aba heeda NG'UTAMIIDA was ASEETEANG'WA, nea NG'UTAMIIDA ea nigwalneegwa ahuwa fugaaschi jea goombaliischi aba bugusta eemoojiga sean mida badayda ng'eanyiida.

Yakkobo 2:5

Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,

1 SAMWELI 12:22

Aba gideaba NG'UTAMIIDA mwoamu gwahista fugaaschi, aba hawunda gheawungaaschi gagasa NG'UTAMIIDA ghwanung' ahuwa fugaaschi.