ISAYA 40:4 - Bibliyeeda Ghaydit

⁴ Gilinyoo ea moangoachi gil gajeedaksa ghwanyiit ak gooyang'deay, nea gilinyoo ea giija gil ea heayeeda gajeerareang'u nea ng'eanyiida heeda was gudung'unyeanda gajeesin gooyang'deay, nea ng'eanyiida heeda mwahida gajeanung' ghamiidu.

ISAYA 40:4 Mawu Ofanana

GHWASIILDEANGA 2:15

Gea nirooda aba naweadinga nyaawa, ak ea hang'oonyi iheeni aba naweadinga nyaawa.

ISAYA 40:3

Gwanda siida nyeara ghuuta: “Jeeda dareapcheeda asina naweeda NG'UTAMIIDA, oatoabiiwa naweeda bareanda bea ASEETEANYA aba jeeda eeshtearajeanda.

ISAYA 40:5

Ak giigheambiita NG'UTAMIIDA gajeatahaach, ak gayghwadaah buuneesean, aba gideaba nih gwarugu NG'UTAMIIDA.”

ISAYA 42:11

Ak deajuura eeshtearajeanda ea mujiinajeagaaschi sean, ea gharang'weaka mida fuga Gederi, ak ea dasarmana eara fuga mida Sela aba hooseaneega, ak deajuura saawa ghang'eada iheenga giijeega.

ISAYA 45:2

“Aniini gaydeasheedeawaneey ak ghaanung' gooyang'deay giijeega mida madeadaang'u, ak gaydanyarja gidaghuudajeega oomng'i, nea ghaalajaadi gharinga sirata gidaghuudajeegean.

ISAYA 49:11

Nea gaydanung' ghoah giijeegeasu sean naweeda, nea geasinyi naweadingeasu bea bareanda.

ISAYA 62:10

Ang'ata, ang'ata asiga dooshinga, asina naweeda buuneeda, adeasa, asina naweeda bareanda oopuusa nea googeandi lagheanga, amiinda giirooraneeda aba badahuuka buuneeda.

ESEKIELI 17:24

Ak gayghwanal geediga sean bea madamnyeanda gideaba aniini NG'UTAMIIDA gil, inyeessa ghaanung' gaweay ng'eanyi geediga geawi. Nea ghaanung' gaweay humng'eeda geediga nuweagi, nea ghaanung' gagajeamiidi geediga shabeadi nea ghaftu geediga gajeami ng'asheanji gearugu aniini NG'UTAMIIDA nea ng'asheanji geasinyi aniini.”

ESEKIELI 21:26

Gwayi NG'UTAMIIDA was ASEETA, geanda weastida bea uhuudean, ak gifwakti shiipcheanda suh maygut gawuurji giduurji, adiing'ni dea mida ng'eanyi nea giirareang'u dea mida humng'eeda.

SAKARIYA 4:7

Giijeeni hawiin gilba naaha gil aba heeda, Serubabeli? Gayhuuwa ng'eanyiida awiida, ak gaygweadu lagheaneeda jea eayiin uhuuda ak goojuur buuneeda nea gwayi, ‘Aamiy, aamiy muuchi.’”

Lukka 18:14

Geayeeshiineegwa, ghwararang'aada siidida ang'oonyi gwaadiin gawa gheanyi nea siitaw doobiiwnata ea ghang'al niirja; aba gideaba siida nyooh goodiing'u geaw gajeahiing'u, nea dea hiing'u geaw gajeetiing'u.”

Lukka 3:5

Nea geeng'alsa ghalalayeeka sean, ak geahiing'u giijeega ea heayeeniga, nea heeda ghwan gajeatoabiiw nea naweadinga gudung'unyoojiga gajeesin gamiyeasiidi;

1 SAMWELI 2:8

Iissa goodiing'u fuga barbari ghang'eatng'eada jeeda birjeanda; ak gagatkat fuga gasa haleanjeeda aba raghwata deareeda, ak ghwanung' gwandeayi sea sugoodiga hees nea gwahearan hoorgeeda ghaambiidaat. Aba gideaba daranajeega ng'eanyiida gaba NG'UTAMIIDA, nea iheenga nyaawa ea niyiin ng'eanyiida.