ISAYA 40:1 - Bibliyeeda Ghaydit

¹ Gwayi ASEETEANG'WA, anung' ghahawda gurooruunatka fugeasu, asi anung' ghahawda.

ISAYA 40:1 Mawu Ofanana

NEHEMIYA 8:10

Hean gwayeesha saawa, “Aweayeena heechea aweayeena, ak ghoayaaji gidariishaat nea ghoaleayi difaayeeda inya nea gooyeasi siida mandeawana; aba gideaba eaweecheanji ea ghaydit aba heeda NG'UTAMIIDEANYA; nea adaghang'udeagwa giiseaneega, aba gideaba hooseaneega NG'UTAMIIDA uurdeang'wa gil.”

NYIIGHEEGA 85:3

Nigeandi nyarastaang'u sean; niyamu geaw ak ginung'waadi ng'weaninda nyarastaang'u.

NYIIGHEEGA 85:8

Ak ghaayiinyi gichea gwarugu ASEETA was NG'UTAMIIDA, aba gideaba gaygwarukusa fugaaschi hoyyoo, heeda fugaaschi ghaydidi, heeda fuga yamsa geat niny aba gurooruunatka nyaawa.

REEKUSIINDA 3:4

damanda shooka, ea damanda agiteaba reari; damanda gutuunooda heareega, ea damanda ng'wasooda;

ISAYA 12:1

Ak eaweedida gajeena: “Ea NG'UTAMIIDA, gaydabadiischeeweey, earapeadi ninyareeksean, nyarastaang'u nihawda, ak ea ninung' dahawda.

ISAYA 3:10

Ayeeshiina fuga doobiiweadi gideaba saawa ghang'wana, aba gideaba gayghwaak haghweega gadiyoojiga nyaawa.

ISAYA 41:27

Aniini gidamadeeda gaydayeesha Sayuni, ng'ula, eara suh gaydaadaw Yerusalemu dea eadu giijasta miy.

ISAYA 50:10

Ng'eaha gil aba jeedeang'wa dea awali gheang'da NG'UTAMIIDA nea gwasissa mureeda ng'asheega siidaanyi bea gadiyeeda? Dea inyeesa gwaneay aba jeeda misaneeda nea manda weeshinda, nea ghwarar gheawunga NG'UTAMIIDA ak ghaghus ASEATAANYI?

ISAYA 51:12

“Aniini, asaha aniini dea aheawiida buuneeda gil; ang'iing'i guwoosi ng'eaha ea awala siida jea ghami, ea siida jea eenung' gawuurji nyeega?

ISAYA 51:3

Aba gideaba NG'UTAMIIDA gayghoahaawda Sayuni; gayghoahaawda ng'eanyoojiga was raghoonyeanda, ak dareapcheadaanyi gayghwanung' gawuurji Edeni, nea eeshtearajeandaanyi gawuurji boostaaneeda NG'UTAMIIDA; hooseaneega ea ng'weelooda gaygwanda jeadaanyi, badiischeesiinda ea ghuuta duumda.

ISAYA 52:9

Oochuura nyeashta hooseaneega asarmana sean, agooga heeda was raghoonyeanda bea Yerusalemu; aba gideaba NG'UTAMIIDA niihaawda fugaaschi, ak ea nilealu Yerusalemu.

ISAYA 60:1

Ng'eada aboang'da, aba gideaba weeshindaang'u nihidu, ak ea giigheambiita NG'UTAMIIDA.

ISAYA 61:2

Nea gearukuti gweayda simwas bea NG'UTAMIIDA, ea eaweeda waldeayda mureandooda bea ASEETEANYA nea ghaahawdi fuga sean ayeawda.

ESEKIELI 16:42

Asi nih gichea dealang'uuta nyarasteanyu gil aba badaydaang'u, nea gwariteawanean lachng'eanyiidaang'u ak gaydasiinda maygutanyareas.

SAKARIYA 1:13

Hean ghwasha NG'UTAMIIDA aba ng'asheega miyaasiin majeekcheewi rukusa malaykajeanda abalool niny.

SAKARIYA 1:17

Asi oochuura gicha, aba gidarugu NG'UTAMIIDA bea lugweega: Mujiinajeegeasu gaygabiikta gamnyeeni muuchi, ak gaygabiikta NG'UTAMIIDA gicha ghwanung' ghahawda Sayuni ak gabiikta gicha ghwaloat Yerusalemu.’”

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

2 Goriinto 1:4

geaniida salgheang'deanya sean ea sawanadeeda, ak abeeda geamuuschi eara aseasa eegeandeawana salgheang'da fugiga mida jeeda sawanaduutka seaniin, aba salgheang'da geandeawaneasa ASEETEAN.

1 Desaloniikke 4:18

Asi ageandeawana geat salgheang'da aba ng'asheesu.