ISAYA 4:6 - Bibliyeeda Ghaydit

⁶ Nea giigheambiitaanyi aba heedeanyu gaygawuurji jirooneeda sidukuta aba maheemajeanda askweari, ak ghoah heeda jea eediinya damanda mideewa shaarara ea roopta.

ISAYA 4:6 Mawu Ofanana

NYIIGHEEGA 27:5

Aba gideaba gayghafunyan aba jirooneadaanyi aba eaweeda sawanadeeda; gaygookwealan aba jeeda udahabeascheandaanyi, gaygookwealsean maheemajeandaanyi, ak ghoaghuuhan aba uhuuda lagheaneeda haw.

NYIIGHEEGA 55:8

gaydafwach nea ghaalamwaji dagasa heechea dafuufa aba jeameeda ng'waan ea shaarara.”

NYIIGHEEGA 91:1

Dea abiita heeda funyaat bea dea Haw bea humng'eeda, abiita jirooneeda ASEETA hoauur,

GHWASIILDEANGA 18:10

Gheawunga NG'UTAMIIDA hilgweanda majeek gil, siida doabiiwaat iifachsa gaygaba seayu.

ISAYA 14:32

Gajeashaaha naaha ghuuta fuga siicheagu bea eemoojiga? “Gajeeyeesha gideaba NG'UTAMIIDA nideas nea goomajeek sindeeta Sayuni, ak fugaaschi ghayi sighabwas gaygamng'awsa hoowa.”

ISAYA 25:4

Aba gideaba ang'iing'i guwoosi heeda mang'awiisa fuga barbari, heeda mang'awiisa fuga mandeawana gil damanda sawanadeadaanyi, heechea eemng'awsa iihidu shaarara, jirooneeda damanda mideewa daknooda; damanda ayuuk jeameeda fuga munyas searooji nea gawuurji shaarareeda las ghamarda,

ISAYA 30:30

NG'UTAMIIDA gayghwanung' ghwayiiy buuneeda ghuutaanyi ghaambiidaat, ak gayghoahiimu gichea ghwalasta buuneeda aba nyarastaanyi, ak gaygwanda beasta ng'waan, ea siilakghta ea shaarara, ea roopta lagheanga.

ISAYA 32:1

Ng'ula, sugoocheanda gaygoombaliischi aba doobiiwnata, ak eara fuga hees gaygoombaliischi aba doobiiwnata.

ISAYA 32:2

Gaygaba siisi uurji heechea eefuysa geat aba jeameeda, ak gawuurji heechea eefunya geat aba roopta jeameeda, ak gawuurji eeniga mida beega mida ng'eanyiida ghajaam, ak gawuurji jirooneeda lagheaneeda haw mida jeeda dareapcheeda.

ISAYA 8:14

Ak gayghoah heeda ghaydit, nea lagheaneeda ruusa fih gil, was lagheanga ruusa gheeh Israeli ea fuga abiita Yerusalemu.

ESEKIELI 11:16

Asi eeshiina ‘giika siipaleagiin gideaba geayeenyi aniineeda was NG'UTAMIIDA was ASEETA. Earapeadi neasheagiideegwa aweayeena jeeda eemoojiga, nea ghaadaardaneegwa aweayeena jeeda darooraka. Eara gwasunu aba damanda mida aniini geandi jeenyaawa aba heeda mida.’

Ebraniya 11:7

Nea aba masaweega Nuhu damanda reekusiina ASEETA aba iita ng'asheega meadaaha, ghwayiiy ak gwasin maleambooda haw jea ghaweada fugeaba gheanyi; ak aba nih goorgweaksa ng'eanyiida ak ghoah siida jea gwahearan doobiiwnata sinyasa masaweega.

Ebraniya 6:18

asi aba jeemba haleanji iyeenya moamu ghwayamwa, nea aba jeedeaba suh ea moamu gwarugu ASEETA ng'uyeega, aseaseeda mang'aw gasa heechea gamng'awsa abeeda ghwanyas giimajeekta ak ghwanyas rarooda ghayi siyiin madeedeanya.

Giidaheechta 7:16

Ak ea maygudu ghwadaah jalooda, ghana ghwaak muwoash gicha; ak ea mayghwaak daknooda saawa, ghana giliwas daknooda ng'waan.