ISAYA 4:3 - Bibliyeeda Ghaydit

³ Nea dea boos aba Sayuni ea dea sinung'wa Yerusalemu gajeeguura Deaghaydit, nea gilinyoo eang'oar gil duu gwanda aba Yerusalemu.

ISAYA 4:3 Mawu Ofanana

NYIIGHEEGA 69:28

Nung' eepuus gheawunga nyaawa aba jeeda gitaabooda fuga mideawa eaweega; ak ea adeeng'oorsa hijagi sea fuga doobiiweadi.

NYIIGHEEGA 87:6

Gaygwayiida NG'UTAMIIDA damanda ng'oara buuneeda, “Nih geejiilsa hoowa.”

ISAYA 1:27

Sayuni gajeetin aba girgweaksiinda ea doabiiwaat, nea fugaaschi duukuuna gajeetin aba doobiiwnata.

ISAYA 28:5

Eaweedida NG'UTAMIIDA bea lugweega gayghoah shiipcheanda ghaloamwaat, ea ngararooda miy aba heeda fugaaschi boos

ISAYA 35:8

Nea aba jeedida gaygwanda naweeda bareanda, ak gajeeguura “Naweeda ghaydit;” ak fuga riing'eega ea maygwasik naweedida, geaghus fuga ASEETA, ak eara fuga dasheahi, maygwarooda aba naweedida.

ISAYA 46:3

“Ooleeysean iit, Ea fuga gheeh Yakobo, boosteanga sean bea gheeh Israeli, aniini ghayi ghaarearjeegwa ghang'eada dea sijiilaneegwa, nea ghaasareaneegwa nea gudu andana jeesinga gheamadigeagwa;

ISAYA 52:1

Ng'eada, ng'eada, nyasa uurda, Ea Sayuni, akweala hang'weakaagu miyaas, Ea Yerusalemu, mujiineeda ghaydit; aba gideaba ghang'eada ghamneawa maygawa jeeni siida meeyiila ghana siida mideawa ririnnyeanda.

ISAYA 6:13

Earapeadi boos akaleala aba jeeda gea atamanamughuush, gajeaghwarda gicha, gawuurji loongeanda ea sabiida, siipuut hawunyeandaanyi earapeadi silach.” Ak histeayda ghaydit ea hawunyeandaanyi gil.

ISAYA 60:21

Abeeda fugaagu gajea doobiiweadi sean, ak gaygwahearan ng'eanyiida damanda manda muudeanooda. Nih damealeanda aang'aapti aniini gil was gadiyeeda geatingeasu, ak abeeda geakghaambiidan.

ISAYA 62:12

Ak saawa gajeeguura fuga ghaydidi ghayi lealu NG'UTAMIIDA; ak gajeeguureeweey dea ghayi sigasa mujiineeda miyeenung'wa heeda.

ESEKIELI 13:9

Ak gaydalas uhuuda sibanga rukwiida gisiihiimu bea ng'uyyeega, nea gwaramoorani ng'asheega reengaweega. Nea inyas ghabwatgeat fugeasu aba hijagi, saawa maygwanda jeeda, nea maygwanda jeeda mooneeda fuga Israeli. Ak ea maygaweay jeeda ng'eanyiida Israeli, ak gajanala gideaba aniini geawooschi NG'UTAMIIDA was ASEETA.

ESEKIELI 43:12

Nih deaweedeeda gheeda sibata ASEETA, ng'eanyiida sean neaweesa uhuuda giijeeda gajea ghaydit muuchi. Aba gideaba ng'ula nih deaweedeeda gheeda sibata ASEETA gil.

YOELI 3:17

“Nih abeeda ea gichea analda gideaba aniini geawooschi NG'UTAMIIDA, was ASEETEANG'WA, abiita Sayuni, was giijeedeanyu ghaydit; ak abeeda Yerusalemu gayghaghaydiit, nea jeadaanyi ea maygwasik rabasta earahay.

OBADIYA 1:17

Nea aba uhuuda giijeeda Sayuni gaygwanda fugiga ghayi waptaan, ak gajea ghaydit; nea gheeh Yakobo gaygoombal ng'eanyiida nyaawa.

SAKARIYA 14:2

Ak gaydabwadageat eemoojiga sean ghapka gang'uchi Yerusalemu. Ak geang'waay mujiini, nea geang'waanyaada fuga mida gealga. Nea geabwaanyaada gadeemga, ak gealach bugusta fuga mujiini nibiyeenya eepaleak. Nea boosteanga fuga mujiini ea mwajeasachi.

MALAKI 3:16

Iidu fugiga awali gheang'da NG'UTAMIIDEAN goobaloola geat gideaba; NG'UTAMIIDA gwayiing'shi nea gooleeysiit saawa, ak geang'waar gitaabooda giipkeata aba madeadaanyi was fugiga awali gheang'da NG'UTAMIIDA nea goopkeadi gheawungaaschiin.

Lukka 10:20

Asi adiidu goohoosanyi aba gidawalda gheang'deang'wa meangeenda, ahoosana aba gideaba sing'waar gheawungeagwa aba humng'eeda.”

Gadiyeeda Giijasoodiga 13:48

Iiy fuga Eemoojiga ng'asheanji, gahoosan ak geakghambiit ng'asheanda ASEETA; nea giika ghayi sirarsean ghwanyas eaweega manda muudeanoodean hean ghamwas ASEETA.

Ruumi 11:4

Iidu ghwasha ASEETA nea gwayeeshaan? “Neabuusi geaw fih sagalamnyooji ispwa matkunya aba madeeda Baali.”

Ruumi 11:5

Asi gwasunu eara damani bea ghamneawean gwanda gheaptanga ghayi siloat aba dagheerjeanduumeeda.

Efeeso 1:4

iidu nea ghwaloadeasa nea miyeebwat sindeeta ng'eanyiida, ak geewooschi ghaydidi nea geawooschi fuga meerukunana badahuuka ng'asheega munyas aba madeadaanyi.

Filippi 4:3

Ak geamuscheey eara ang'iing'i, siideanyu bea huumwa eaduupcheewi, eaniyean weada gadeemsu, aba gideaba gagadiiy sea aniini aba iita giijasta miy sea Glementi sea fugeasu mwaatkwa eaweecheewi, mida gheawunga nyaawa jeeda gitaabooda eaweega.

Golosaayi 3:12

Asi ookwealsheata fuga niloat ASEETA, ghaydidi sibwariiy, bea jeesinga bayiida buuneeda, ea ng'eeninda, eatoodeaba geat bea ng'eanyi, miyinda ea milikghteayda,

Ebraniya 12:14

Gagasa giimiriikta hoyyoo aba heeda buuneesean, aba ghaydidanda nea manda siida jea ghwadaah Ng'utamiida iimandeawana.

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

Giidaheechta 20:15

Ak giliwas sih iimiyeeng'oorsa gheawungaaschi jeeda gitaabooda eaweega, hean geejaksa jeedeaba basoodida bea beastean.

Giidaheechta 21:27

Nea jeadaanyi ghanyea maygawa gidamuy, ghana deasina ng'asheega munyas ghana gea ng'uyeega, geaghus giika sing'oorsa jeeda gitaabooda eaweega bea Dayeenda Gisilleandean.

Giidaheechta 3:5

Nea siida jooriischi gajeekwealsa hang'weaka eeshish, ak ea maydeabuus gheawungaaschi aba jeeda gitaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.