ISAYA 4:2 - Bibliyeeda Ghaydit

² Abeeda eaweedida gayghwanung' NG'UTAMIIDA ghaftu geediga miyaasiin nea ghaambiidaat. Ak haghweega geediga ng'eanyiida gajea miyaasiin muuchi, nea gaba leanga aba fugiga bea Israeli ghuhiin.

ISAYA 4:2 Mawu Ofanana

NYIIGHEEGA 67:6

Ng'eanyiida niiruudu haghweagaaschi; ASEETA, was ASEETEANYA, nigooneasa ghawooda.

NYIIGHEEGA 72:16

Nea dasaang'ayiida booga aba ng'eanyiida, nea iheenga heayeeniga ea danyiida haghweega gawuurji Lebanoni; nea fuga mujiini ea dasaang'ayiita nyeega dareabeeta!

RITEAYDA 28:2

Ak gaysisiina orjeeda geamadu was Haruni hang'weaka ghaydidi, gheambiideadi miyaas.

ISAYA 11:4

ak gaygoorgweaksa fuga barbari aba doobiiwnata, nea ghamiin gheang'da fuga eada geat ng'eanyi bea ng'eanyiida, nea ghwalas ng'eanyiida; aba ng'asheanda leabu ghuutaanyi, nea gwanuuseada fuga munyas aba jeameeda leabu ghuutaanyi.

ISAYA 26:1

Eaweedida sarmeani gajeesarman aba ng'eanyiida Yuda; “Aseasa geendeawi mujiineeda majeek; ASEETA gaygooneaweeseasa lealeanooda gawuurji ghamarda.

ISAYA 27:6

Galanya jeata Yakobo gayghang'uda ng'eanyi hawunga, nea fuga Israeli gooruudu deakghweeda ak ghafiirfiir, ak gayghwanyiit ng'eanyiisean haghweega.

ISAYA 30:23

Ak gaygagooneegwa Ng'utamiida roopta iyoohisti boogeagwa, ak gayghwaheas ak gajanyasa booga saang'a. Nea eara dugweagwa gayghwanyas nyeega saang'a.

ISAYA 45:8

“Ea humng'eeda roabwana roopta leabu humng'eeda, nea ghoabuutbuudu shamooghuutka doobiiwnata; ak geatineadi ng'eanyiida ak gwardu lealeanooda nea gaftu eara doobiiwnata; aniini NG'UTAMIIDA gil, dea sin ng'asheesu.

ISAYA 53:2

Aba gideaba aba madeadaanyi gwaheeteayda geeta duu ghaftu, nea gawuurji hawunyeanda mida ng'eanyiida ghajaam; ak ea mandeawana leanga ghana ratooda miy, nea mandeawana leanga was sean jea eabwariinya.

ISAYA 60:15

Aba gideaba sinung'useey heeda ak geasinyi, ak ea manda eara siida sigu headaang'u, asi gaydagoonyi hawunda damanda manda muudeanooda, ea hooseaneega jeacheenga saang'a.

ISAYA 60:21

Abeeda fugaagu gajea doobiiweadi sean, ak gaygwahearan ng'eanyiida damanda manda muudeanooda. Nih damealeanda aang'aapti aniini gil was gadiyeeda geatingeasu, ak abeeda geakghaambiidan.

ISAYA 61:11

Aba gidarukuteayda ng'eanyiida seengaaschi, ea gidarukuteayda madamnyeanda haleanjeeda sihisa jeeda, ea gichea gooruuteayda NG'UTAMIIDA was ASEETA, doobiiwnata ea giigheambiita aba madeeda eemoojiga sean.

YEREMIYA 23:5

“Ak hean gwayi NG'UTAMIIDA, “Ng'ula gayghapka eawoojiga jea danung' gafirfirsa Dawdi damealeanda doabiiwaat, ak gaygoombaliischi gawuurji sugoocheanda aba weaghuumeeda, ea huumeanda ea aba doobiiwnata aba ng'eanyiida.

YEREMIYA 33:15

Ak eaweedida, ea damandida gaydanung' ghaftu damealeanda giibinda doabiiwaat aba jeata Dawdi, ak gaygwasin girgweageeda ea doobiiwnata aba jeedeaba ng'eanyiini.

YEREMIYA 44:14

ak ea manda earagi aba jeeda fuga boos bea Yuda ghayi weay goobiida jeeda ng'eanyiida Misri jea ghawaapta ghana ghaghu gabiikta ng'eanyiida Yuda, was gea gasa gabiikta ak goobiida hoowa; aba gideaba maygabiikta, geaghus gea jea ghaghu.”

YEREMIYA 44:28

Nea giika ghuha ng'utean gaygwariteawa ng'eanyiida Misri ak gaweay jeeda ng'eanyiida Yuda, nea ng'ay moana; sea boosteanga sean bea Yuda, hidu goobiida ng'eanyiida Misri, gayghwanal ng'asheanda jea ghamiinaada deabeang'a, deanyu ghana dea nyaawa.

ESEKIELI 34:29

Ak gaydaadaw madameega mideawa sururuuda, aba gideaba adagudu ghabwar jalooda aba hiji bea ng'eanyiidean, nea adagudu gafool eemoojiga suuk.

ESEKIELI 36:8

“Nea agooga, ea giijeega Israeli gajooruuni damealgeagwa ak ghoatawji fugeasu was Israeli haghweegeagwa, aba gideaba saawa niriikghta gabiikta gealga nyaawa.

ESEKIELI 7:16

Nea gea jea gwasalda, gaygwasalda ak gaygaweay iheenga giijeega gawuurji ghariibajeega jeeda moangoachi. Nea gaba nih ayeawda aba riing'eadaanyi.

YOELI 2:32

Nea abeeda siida wassean jea gaguura gheawunga NG'UTAMIIDA gayghaghu; aba gideaba aba giijeeda Sayuni ea Yerusalemu gaygwanda fuga jea ghaghu, gawuurji gidanyaashta NG'UTAMIIDA; nea fuga abit gayghaghu.’”

YOELI 3:18

“Nea abeeda eaweedida, gayghoabuutpuudu giijeega difaayeeda inya, nea gagulna heayeeniga eanooga, nea eeniga sean bea Yuda gaygooruudu beega saang'a; ak gaygwarina gheang'deenda jeeda gheeda NG'UTAMIIDA, ak ghoaleayda moangoachiyda Shitimu.

OBADIYA 1:17

Nea aba uhuuda giijeeda Sayuni gaygwanda fugiga ghayi waptaan, ak gajea ghaydit; nea gheeh Yakobo gaygoombal ng'eanyiida nyaawa.

SAKARIYA 3:8

Aleaydiit ghamneawa Ea Yoshuwa ashoohoocheanda haw, ang'iing'i ea fugaagu irooroocheewi mida madeadaang'u aba gideaba suh fuga was gwadeagooda miyas gil aba gideaba ng'ula gaydeadu siideanyu bea gadiyeeda siguura Damealeanda.

SAKARIYA 6:12

ak giyeeshi niny, gideaba ‘gwayi NG'UTAMIIDA bea lugweega, “Ng'ula, siida ridu gheawungaaschi was Damealeanda ak gwaheedu aba heeda mida, ak ea dea jea gwadeeksa NG'UTAMIIDA gheeda sibata ASEETA gil.

SAKARIYA 9:17

Aba gideaba alooheadaanyi aahaw! Nea eara miyindaanyi aahaw! Booga gayghoarear gheareemanga, nea difaayeeda eashish gayghoarear haweega.

MALAKI 3:17

“Gayghoah fugeasu, gwarugu NG'UTAMIIDA bea lugweega, aba eaweeteanyu easini gadiyeeda, ak gaydaaghu saawa gawuurji siida aghu orjeedaanyi gadiyeesa niny.

Mattayo 24:22

Nea ghwanyawa askwearjoojisu dagheeda ea meanuwaasa ghwanyawa ea maygwanda siichea ghwalaalaan; iidu geelagu askwearjoojisu aba badahuuka fuga ghayi sibay ealoat.

Lukka 21:36

Asi agooga afura geat galeagasean, nea ghoamwaashchi ASEETA gagooneegwa uurda jea oataraamwa ng'asheesu sean jea gapnuun, ea aminaada aba madeeda Orjeeda Siida.”

Yohaana 1:14

Ak iidu ghoah Ng'asheandida saseeda ak goobiida jeedeanya, niny ghwanyiit dagheerjeanduumeeda ea huumeanda ak ea sidaayi, giigheambiitaanyi, giigheambiita uurji dea Orjeeda was haghasheeda leabu heeda Bwaabwa.

2 Goriinto 4:6

Ak ea ASEETA gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga gurooruunatkaasa ak ghoadaw weeshinda fughareeda giigheambiita ASEETA aba gheamamda Gristo.

2 Betro 1:16

Aba gideaba meayaadi geeshta ghwasiildeanga sisna milmilinda damanda sinung' anala uurda ea hinnooda Ng'utamiideanya was Yesu Gristo, geewooschi muushoodiga dea aba gheanyanga uurdaanyi.