ISAYA 39:3 - Bibliyeeda Ghaydit

³ Hean ng'ata gawa Isaya was sibaneeda heeda Hesekiya was sugoocheanda ak gwayeesha, “Fiisu gwayeenaan? Nea gwaleabu yeenu?” Ghwalamda Hesekiya ak gwayeesha, “Gwaleabu daroorda sheagi, ak ghapka heedeanyu nea gwaleabu Babeli.”

ISAYA 39:3 Mawu Ofanana

2 SAMWELI 12:1

Iimuchu goojeakta NG'UTAMIIDA Natani gaweesa Dawdi. Ghwahidu headaanyi, ak gwayeesha niny, “Gwanda fih iyeenya jeemba mujiinajean, ak ea baruur akaleala nea niirja ea bwarbwar.

2 DAMANYOOJIGA 16:7

Ak aba damandida ghwaan Hananeeda was meang'nyeanda heeda Asa was sugoocheanda Yuda, ak gwayeesha, “Aba gideaba ang'iing'i nibwati sugoocheanda Shaamu, nea ea miibwata NG'UTAMIIDA was ASEATAANG'U, hean ea nimng'awaneey shirikareeda Shaamu.

2 DAMANYOOJIGA 19:2

Nea Yehu was orjeeda Hanani was meang'nyeanda gawa gwaroonyi niny, ak gwayeesha, “Ang'iing'i gajamuusa weada fuga munyas nea gibwariinyi fuga sit NG'UTAMIIDA? Abeeda aba ng'asheanji, nyarasta leabu heeda NG'UTAMIIDA gaygoobisa badaydaang'u.

2 DAMANYOOJIGA 25:15

Ng'ata ghwanyareas NG'UTAMIIDA aba badayda Amasiya, ak hean goojeaksa sibaneeda, was dea eesha niny, “Ghwasaan anda nigaseadi aseecheeka buuneeda, was gea moamu gwalealu fuga nyaawa aba geatingaagu?”

ISAYA 38:1

Hean askwearjoojigiga ghamnyaan Hesekiya ea gwaramagu ghami. Ak iidu gawa Isaya was sibaneeda was orjeeda Amosi heeda sugoocheanda ak gwayeesha, “gwayi NG'UTAMIIDA sina ng'asheegeaba gheang'u, aba gideaba gaymeawa mayhaabwa.”

ISAYA 38:5

“Una ak giyeeshi Hesekiya gideaba gwayi NG'UTAMIIDA was ASEETA Dawdi was gweanu, naayiinyi musiischoadaang'u ak ea naadaayi dabeakaagu, ng'ula gaydaahaat eaweagaagu gweanyeew damanamuut.

ISAYA 39:4

Ak gwayeesha, “Nidaah naaha aba jeedeaba gheang'u?” Ghwasha Hesekiya ak gwayeesha, “Nidaah haleanjeeda sean mida jeedeaba gheenyu, manda gida mii deahiimsa saawa aba jeesinga gealgeasu eadiiwiisi haleanjeeda.”

YEREMIYA 4:16

Argweaksiina eemoojiga gideaba niny gayghoan; adawa iita fuga Yerusalemu, “Gayghapka weajoodiga leabu ng'eanyiida sheagi; goojuur nea gaweesa mujiinajeega Yuda.

YEREMIYA 5:15

Geayeenyi aniini NG'UTAMIIDA, ea gheeh Israeli, ng'ula gaydeajeagu eemeanagi leabu heeda sheagi. Eemeeda hees uurjeen, nea eemeeni gaba garayi, eemeeda moayiinyi iita nyaawa, nea majoamuusa anala gidabaloola.

YEREMIYA 8:19

Aleaydiit shooka hudeaba fugeasu, aba meatkwajeega sean bea ng'eanyiida, “Neada NG'UTAMIIDA ea manda Sayuni? Neada sugoocheandaanyi ea mudu gwanda hoowa?” “Ghwasaan anda ghoanyareasan aba sanaamajeega nyaawa sideasa geadi, ea sanaamajeega eemoojiga?”

GIIPKEATA DIIGHEANDA 28:49

Gaygweadu NG'UTAMIIDA eemeeda leabu heeda sheagi, leabu muudeanooda ng'eanyiida, gayghoanda gidatkwealiida madooyda, eemeeda miyiinyi iita nyaawa,

YOSHUWA 9:6

Ak geeweesa Yoshuwa nea gwanda museasooda aba Gilgali, ak geeyeesha niny, ea fuga Israeli, “Aseasa geeleabu ng'eanyiida sheagi; asi sina neajeeda sea aseasa.”

YOSHUWA 9:9

Ak geeyeesha niny, “Geeleabu ng'eanyiida sheagi muuchi, aba gheawunga NG'UTAMIIDA was ASEATAANG'U; ak ea siyiinyi iitaanyi, ea ng'asheega sean sin aba Misri,