ISAYA 39:2 - Bibliyeeda Ghaydit

² Hean ghwanung' Hesekiya ghapka fugiga siicheaguun ghoah, ak goohiimsa gheeda siitiiwiisa haleanjeadaanyi sean, ea lapiya, ea dahaabu siguura dahaabu, ea geediga ng'andidi, ea nagheega hees sheaya, ea gheeda mida dabita ng'ucheeda. Ea haleanjeeda sean mida jeeda gealga siitiiwiisa haleanjeeda. Ak Hesekiya ea manda gidamiighoahiimda aba jeedeaba gheanyi, ea sugoocheanduumeadaanyi sean.

ISAYA 39:2 Mawu Ofanana

1 SUGOODIGA 10:10

Ng'ata ghoadaw sugoocheanda dalaantaji bughala ea diktam bea dahaabu, ea haleanjeeda saang'a, ea lagheanga haw sheayeat; hean ea mudu gwanda haleanjeeda deena suh adaw gatmooda was sugoocheanda ng'eanyiida Sheba heeda sugoocheanda was Sulemani.

1 SUGOODIGA 10:15

siihaada gea leabu heeda fuga ageakshachi, ea heeda fuga sheaha haleanjeeda, ea heeda sugoodiga Arabiya ea heeda sugoodiga hees ahaaghwa ng'eanyiida.

1 SUGOODIGA 10:2

Ghwahidu Yerusalemu nea goodeana fuga saang'a, ea ngamiyajeega sareeni dabita, ea dahaabu, ea lagheanga mideawa sheayeeda haw; hean nea ghwahidu heeda Sulemani, gwarukusa gilinyoo gwanda uhuudaanyi.

1 SUGOODIGA 10:25

Gaba siisi eadu gida geatinda, haleanjeeda sisna lapiya, ea dahaabu, ea hang'weaka, ea dabita ng'ucheeda, ea deanguurga, ea faraasajeega, ea nghatka, hean gweatu gilakweayi.

2 SUGOODIGA 20:13

Hean Hesekiya ghwanung' ghapka fugiga siicheaguun ghoaw, ak goohiimsa gheeda siitiiwsa haleanjeadaanyi sean, ea lapiya, ea dahaabu siguura dahaabu, ea geediga ng'andidi, ea nagheega hees sheaya, ea gheeda mida dabita ng'ucheeda. Ea haleanjeeda sean mida jeeda gealga siitiiwsa haleanjeeda. Ak Hesekiya ea manda gida miighoahiimda aba jeedeaba gheanyi, ea sugoocheanduumeadaanyi sea.

2 DAMANYOOJIGA 32:25

Ak hean eara aba gida sisissa Hesekiya ea mwayamwa geaw, aba gideaba gurooroadaanyi gaba ghwarja. Hean ghwahidu nyarasta badaydaanyi ea badayda Yuda ea Yerusalemu.

2 DAMANYOOJIGA 32:27

Ng'ata ghwanyas Hesekiya baruureega muuchi ea mureeda; ak goodiiwsa geaw lapiya, ea gea dahaabu, ea gea lagheanga hees sheayeat, ea gea geediga ng'andidi, ea gea igeambooniga, ea gea haleanjeeda sean bea sheayeeda haw;

2 DAMANYOOJIGA 32:31

Nea aba ng'asheega giijasoodiga fuga hees bea Babeli, ghayi siicheaksa niny eepearsa gwadeagooda ghayi sisin aba badayda ng'eanyiida, gwanung'usa ASEETA niny heeda, ak gwasimsim ghwanal haleanjeeda sean mida gurooroadaanyi.

2 DAMANYOOJIGA 9:1

Iinea ghwayiiy gatmooda was sugoocheanda iita dagheerjeanduumeeda Sulemani, ghwahidu Yerusalemu gwasim aba ng'asheega hang'oonyi, nea goodeana fuga saang'a ea ngamiyajeega, nea gwasareeni geediga ng'andidi; ea lagheanga saang'a siguura dahaabu ea lagheanga haw sheayeat. Iinea ghwahidu heeda Sulemani, gwarukusa ng'asheega sean mideawa uhuudaanyi.

2 DAMANYOOJIGA 9:9

Ng'ata ghoadaw sugoocheanda dalaantaji bughala ea diktam bea dahaabu, ea nagheega ng'andidi saang'a, ea lagheanga haw sheayeat; nea ea manda nagheega ng'andidi uurji suh adaw sugoocheanda was gatmoodean bea ng'eanyiida Sheba Sulemani.

AYUBU 31:25

ama eahoosanyi aba gideaba geawooschi baruur muuchi, ghana gideaba ninyas geatindeanyu haleanjeeda saang'a,

GHWASIILDEANGA 4:23

Fura gurooroadaang'u muuchi, ea ghang'al haleanjeeda sean ifurayi aba gideaba heeda rituuna gheang'deenda mideawa eaweega gil.

REEKUSIINDA 7:20

Ak aba huumwa ea manda siida doabiiwaat aba ng'eanyiida, was dea sina ng'asheega miyaas, nea masina riing'eeda.

YEREMIYA 17:9

Guroorooda gaba ng'uya ea ghwanaawa haleanjeeda sean, nea ea nidatasa muuchi; gayghoamu ng'eaha ghwanal?

2 Goriinto 12:7

Ak gooheeleewean ghwaroodeaba geaw aba seang'ayda dagheerjeanduumeeda siitahaach, ak geegoonan aniini halaghweeneeda aba saseeda, giijasoocheanda Shataani, ak goodeawiidan, ak gooheeleewean ghwarjeeda.

1 Yohaana 1:8

Iisiyeeshi geat meendeawani riing'eeda, geereenganayi geat, nea ea manda huumeanda jeedeanya.