ISAYA 38:3 - Bibliyeeda Ghaydit

³ nea gwayi, “Ea NG'UTAMIIDA, apkaada gidaghayi aabeadi aba madeadaang'u, aba doobiiwnata gurooroodeanyu sean. Nea geasinyi ng'asheega miyaasiin aba madeadaang'u.” Ng'ata gooyeawda Hesekiya muuchi.

ISAYA 38:3 Mawu Ofanana

GIING'EETA 17:1

Iimuchu nea gaba Abramu gweanyeew seedam ea damashageash ghwahidu NG'UTAMIIDA heeda Abramu, ak gwayeesha, “Aniini geewooschi ASEETA Hoauur; una asheedeawanean nea meeyeateeweey ghuut.

GIING'EETA 6:9

Suh jeacheenga Nuhu gil. Nuhu abeeda niny siida doabiiwaadi, meeyeateena ghuut aba seaygeadaanyi; gwarooroochi Nuhu sea ASEETA.

1 SUGOODIGA 15:14

Nea heeda siikghaambiit ea meegeanda. Nea aba huumwa guroorooda Asa ea doabiiwaat aba heeda NG'UTAMIIDA aba eawoojigaaschi sean.

1 SUGOODIGA 2:4

ak gagasa gwasin NG'UTAMIIDA ng'asheandaanyi ghayi rugu aba badaydeanyu, nea gwayi, ‘Inyas gaygooleeysiit diibigaagu naweadinga nyaawa, ak ghabeawa madeedeanyu nea doobiiweadi, aba gurooruunatka nyaawa sean, ea jeesinga nyaawa sean, manda siida jea ghoang'aamwaneey hoorgeeda Israeli.’

2 SUGOODIGA 18:3

Ak gwasin gea miyaasiin aba madeeda NG'UTAMIIDA, gawuurji gidaghayi sinda ghwaan was Dawdi.

1 DAMANYOOJIGA 28:9

“Nea ang'iing'i, Sulemani, orjeedeanyu, nala ASEETA gweanu, ak gigadiyeesi aba guroorooda miy, nea ghaamwanyi jeadaang'u; aba gideaba NG'UTAMIIDA gagaseadayi gurooruunatka sean, nea ghwanal ng'asheega sean ea fugheerga; nea gigasayi niny, ak gaydaaha; nea iinung'usi heeda gaygwajaktaneey damanda manda muudeanooda.

1 DAMANYOOJIGA 29:19

nea orjeedeanyu was Sulemani, giidawi guroorooda miy, ak ghoang'waay diigheanyeakaagu, ea muuwwuunoadaang'u, ea ng'asheagaagu, ak gwasin ng'asheesu seaniin ak ghwadeas gheawi bea gheambalmeeda ghayi eadiiwsi haleanjeedean.”

1 DAMANYOOJIGA 29:9

Hean gahoosan fugiga, aba gideaba ghoadayda haleanjeeda nea ghamwas jeesinga nyaawa, aba gideaba aba alooheeda gurooruunatka nyaawa, ea gidamwasta jeesinga nyaawa, ghoadaw haleanjeeda NG'UTAMIIDA; ak gahoosan muuchi eara sugoocheanda was Dawdi.

2 DAMANYOOJIGA 16:9

Aba gideaba gheanyanga NG'UTAMIIDA inyeesa gang'ula bwadaw ea mwadi aba jeeda ng'eanyiida sean, ghoahiimu uurdaanyi aba badahuuka fuga doobiiweadi aba headaanyi. Ang'iing'i nisini leendeeda aba ng'asheanji; aba gideaba gidang'eada ghamneawa gaynyasa ng'ucheeda.”

2 DAMANYOOJIGA 25:2

Hean ng'ata gwasin ng'asheega doobiiweadi aba madeeda NG'UTAMIIDA, ak hean gwasin nea magasa gurooroadaanyi.

ESRA 10:1

Damanda moasheewa Esra ghawooda ak gwaduukuuna, nea gooyeawda nea gwajaksa geaw ng'eanyi aba madeeda gheeda ASEETA, hean gabassa geat buuneeda saang'a muuchi bea Israeli headaanyi, headiga, ea gadeemga, ea diibiga, abeeda buuneeda gooyeawda muuchi.

NEHEMIYA 1:4

Iidu nea ghayiinyi ng'asheesu geapteadi ak geayeawdi, ak geanyahuushi ea dageanu eawoojiga; nea gealuudi geaw nea ghaamwaashchi ASEETA mida humng'eeda.

NEHEMIYA 13:14

Apkaadan, Ea ASEETEANYU, aba badaydeaba suh, ak ea adiibuusi ng'asheega miyaasiin ghayi easinyi aba gheeda ASEETEANYU ea aba gadiyeadaanyi.

NEHEMIYA 13:22

Ak gearukusi fuga Lawi gideaba ghoamiidu geat ak ghapka gafur dooshinga, nea ghoaghaydiit eaweeda sabaato. Apkaada eara nih aba jeeda alooheedeanyu, Ea ASEETEANYU, ak gisiksean aba seang'ayda bariinyeagaagu.

NEHEMIYA 13:31

ea haleanjeeda sisabwa geadi bea ghweenga, aba damanda sirukuna, ea haghweega madeeda. Apkaadaan, ea ASEETEANYU, aba ng'asheega miyaas.

NEHEMIYA 5:19

Ea ASEETEANYU, Apkaada ng'asheega easinyi miyaas, aba badaydeaba fiisu seaniin.

NYIIGHEEGA 101:2

Gaydang'ula muuchi naweeda manda ramaseanda. Gaynyuunyi eeju heedeanyu? Gaydabeawa guroorooda doabiiwaat aba jeedeaba gheenyu.

NYIIGHEEGA 102:9

Aba gideaba naayaaji deareeda ghoah hamita, ak geaguuyeewi gidaabeayi sea dabeaka,

NYIIGHEEGA 119:80

Gurooroodeanyu gideabali ea doabiiwaat aba deaweedajeagaagu, ak abeeda ea meanung' dabwaspwas!

NYIIGHEEGA 16:8

Naayiinyi madeedeanyu NG'UTAMIIDA galeaga sean; aba gideaba gwanda geatindeanyu bea dugwa, ak ea majeegeandanean.

NYIIGHEEGA 26:3

Aba gideaba bariinyeagaagu bea huumwa gwanda madeeda gheanyangeasu, ak aniini ghaabeawi jeeda doobiiwnataang'u.

NYIIGHEEGA 32:2

Ghang'wana siida mayiita NG'UTAMIIDA giidiinyeanyeekaaschi manda jeeda gurooroadaanyi munyinda.

NYIIGHEEGA 6:6

Neaburji aba giiseaneegeasu; giliwas eawa iissa ghaashapchi bulaliideanyu aba dabeaka; ak ghaashapchi gideadiiwi uhuudeanyu aba dabeaka.

NYIIGHEEGA 6:8

Ang'aamwana heedeanyu, oogasean sina ng'asheega munyas; aba gideaba niyiiy NG'UTAMIIDA ghuuta shookeasu.

ISAYA 38:2

Ng'ata ghwayam geaw Hesekiya ak googeal gheamamdaanyi ghamarda, ak ghamwaash NG'UTAMIIDA,

ISAYA 38:4

Hean gwahisa ng'asheanda NG'UTAMIIDA Isaya ak gwayeesha:

HOSEYA 12:4

Gang'aleali sea malaykajeanda ea ghwajoar, hean gooyeawda nea gamus baydeayda. Ng'ata gwaroonyi ASEETA aba Beteli, ak aba hoowa gabalool ASEETA sea niny–

Yohaana 1:47

Ghwadaah Yesu Natanaeli nea ghwaan headaanyi, ak gwayi, “Ng'ula, Israelajeanda huumwa, manda jeadaanyi ng'uyeega eara gil!”

2 Goriinto 1:12

Aba gideaba aseasa geaghwari geat ng'asheanji, nea gidida muuwu fughareengaasaan gil ak ghoah gissibeadi aba jeeda ng'eanyiida, ak gabiissa ghwaraanya muuchi aba heedeang'wa, aba ghaydidanda ea badita ASEETA bea huumwa, nea mii aba weaghuumeeda ng'eanyiida gil geaghus aba dagheerjeanduumeeda ASEETA.

GIIPKEATA DIIGHEANDA 6:18

Sina ng'asheesu miyaasiin ea gea doabiiw aba madeeda NG'UTAMIIDA ak gajanyasa giibinda miy ak gajahita ak goombaliischeewi ng'eanyiida miy aksa habeawooda NG'UTAMIIDA gideaba gayghoadaw ghweanigeagwa,

Ebraniya 5:7

Aba askwearjoojigiga bea saseadaanyiin ghamwaash Yesu ASEETA nea gang'ula humng'eeda ak ghabwat ASEETA, nea gooyeawda aba ghuuta haw ea dabeaka, nea googeal heeda siida ammu ghoaghuuha niny miyeeda, ak geayiiy aba gidawalda gheang'da ASEETA.

Ebraniya 6:10

Aba gideaba ASEETA mandeawana ghwanooda ea ghoanaawa ghaang' gadiyoojigeagwa ea bariinyeega ghayi oahiimu aba badaydaanyi aba gadiyeesiinda fuga ghaydidi, duu asina eara ghamneawa.