ISAYA 30:3 - Bibliyeeda Ghaydit

³ Asi furiischooni bea Faraohiin aba heedeang'wa gayghoah baspaseega, nea eara heeda oopiidi nea goobeaseayu aba Misri iidu gajahirbibana.

ISAYA 30:3 Mawu Ofanana

2 SUGOODIGA 18:21

Asi ng'ula ang'iing'i ghamneawa gighusi fuga Misri uurji bileangida giinyeat bea diigheecheanda, nea siida nyas ghaghus gayghang'ut geatinda ak nih giduurji Farao gil was sugoocheanda Misri, aba fuga sean ghus.

NYIIGHEEGA 108:12

Gooneasa weeta aba heeda weajoocheanda, aba gideaba weeta siida marachi gil!

GHWASIILDEANGA 25:19

Siida ghus siida mii doabiiwaat damanda sawanadeeda, gawuurji geeshadeeda giinya ghana geeshta liy.

ISAYA 20:5

Ak gaygwahirbaban nea ghabwaspwas aba badayda Gushi, gayghaghus nea ghaghwar geat aba badayda Misri.

ISAYA 20:6

Aba damandida gaygwayi fuga ghuuta basooda Filisti, ‘Ang'ula gidabussa fuga sighuschi sisalsi ak geemuschi ghaweadeasa nea ghoaghuuhaneasa sugoocheanda Ashuru ak ghamneawa aseasa gajeeghuydaan?’”

ISAYA 36:6

Ng'ula, gibwati fuga Misri, saawa gawuurji bileangida giinyeat bea diigheecheanda ama siida bwata ghwaak geatinda. Ak ea giduurji Farao gil was sugoocheanda Misri aba fuga sean bwata niny.

YEREMIYA 2:36

Ghwasaan anda inyeesa giing'arng'ari geaw nea giyamyami seareengaagu! Gayghoabwasbwasnyi fuga Misri gawuurji gidabwasbwastaneeyi fuga Ashuru.

YEREMIYA 42:18

“Aba gideaba gwayi NG'UTAMIIDA bea lugweega, was ASEETA Israeli: Gidaweesiinda nyarasteanyu badahuukeaba fugiga abiita Yerusalemuun, eara nyarasteanyu gaydeahiisa badahuukeagwa iyooweayi Misri. Abeeda gajahuuwa fuga jea eeng'eawi, ea gidanung' ghaham fih ng'eanyi, ea mooshteayda, ea baspaseega. Ak ea maygudu abiikta adaaha ng'eanyiini.

YEREMIYA 42:22

Asi ghamneawa anala aba huumwa gajameewa aba ghuuta ng'uta, ea geejeeda, ea aba dawni aba heeda oogasayi aweayeena ak goopiidi.”

YEREMIYA 46:25

Gwayi NG'UTAMIIDA bea lugweega, was ASEETA Israeli, “Ng'ula, aniini gaydalas Amoni was ASEETA Debesi, ea Farao, ea Misri ea aseecheekaaschi ea sugoodigaaschi, ea Farao sea fugiga awali gheang'dean.

ESEKIELI 29:7

Hean nea ghoang'waanyi aba geatinda, gigishachi, ak giruusi haluuleeka nyaawa, damanda bwataawaneey gigishachi nea ginung' ghaboadan mananuunatka nyaawa.

HOSEYA 10:6

Ak gajeayaat Ashuru, ghoah gida geatinda aba heeda sugoocheanda. Efraimu gajeang'uda baspaseega, nea Israeli gajeapwaaspwaas aba sanaamoadaanyi.

Ruumi 10:11

Aba gideaba gwayi ng'ooruutka, “Manda siida wassean mwas niny ak ghabwaspwas.”

Ruumi 5:5

nea rarooda ea maygwareenganeasa, aba gideaba bariinyeega ASEETA nigeawiit ghwayiin jeesingaasa Guroorooda Ghaydit ghayi sigooneasa aseasaan.