ISAYA 3:8 - Bibliyeeda Ghaydit

⁸ Aba gideaba Yerusalemu sinyarja, ak Yuda ea niibeada; aba gideaba ng'ushapta nyaawa ea sinaweega nyaawa maweapchi sea NG'UTAMIIDA, nea manung' ghoah gil giigheambiitaanyi aba madeadaanyi.

ISAYA 3:8 Mawu Ofanana

2 DAMANYOOJIGA 28:18

Nea fuga Filisti ea niibita bugusta mujiinajeega Shefela ea Negebu bea Yuda, ak ea nighas Bet-shemeshi, ea Aiyaloni, ea Gederoti, ea Soko, ea gharang'weaka naawa, ea Dimna ea gharang'weakaaschi, ea Gamso ea gharang'weakaaschi; aba ng'ata gooduuwu aba hoowa.

2 DAMANYOOJIGA 33:11

Hean goojeagu NG'UTAMIIDA heanyaawa shirikarajeega lugooda sugoocheanda Ashuru, ak ghoang'waayi Manase aba sidageenga gwaneadi ak ghwarat aba munyooloalajeega gharinga ak geayaat Babeli.

GHWASIILDEANGA 26:27

Siida iighurghur shoomanda gayghoabita niny, nea dea arakghraakghta lagheaneeda gaygabiiksa niny.

ISAYA 1:7

Ng'eanyiideang'wa ning'ut salagheang'da, nea mujiinajeegeagwa ea sighwarda aba beasta; nea ng'eanyiideang'wa ea nigeanda rabasta aba madeedeang'wa; ak ea ning'ut salagheang'da, ak ea nilas uhuuda rabasta.

ISAYA 49:19

“Nea aba iita heeda iibiiti sinung' ghoah raghoonyeanda ak ea manda buuneeda nea ng'eanyiidaang'u ghayi sidatas– aba huumwa ghamneawa gayghamwanang'iit ak ea maygageanda fugaagu, nea giika ghayi nukghtaneey gajea sheagi.

ISAYA 57:4

Agooga goomachiidi ng'eaha? Ghoabwara ghuusigeagwa aba badaydeabeang'a, nea gooruudu ng'ushapkeakeagwa? Heapi agooga moowoosi diibiga roodaweega? Was jeata ng'uyeega.

ISAYA 59:3

Aba gideaba geatingeagwa sing'uda ririnnyeanda aba foojeanda nea mooringeagwa ea sing'uda ririnnyeanda aba ng'asheega munyas; ghuusigeagwa gabaloola ng'uyeega, nea ng'ushapkeakeagwa gameang'sheesa gea munyas.

ISAYA 6:11

Hean geayeeshi, “Ea ghoah eeju, Ea NG'UTAMIIDA?” Ak gwayi, “Bwak ea ghang'ut mujiinajeega salgheang'da, nea mutugwanda jeeda sih, nea eara jeeda gealga ea mutugwanda sih, ak eara ng'eanyiida gajea sidatas muuchi,

ISAYA 9:17

Asi NG'UTAMIIDA maygahoosan aba badayda gheareemanga nyaawa, nea mayghabwayda bananga ea masinung'weega nyaawa; aba gideaba manda eara siyagi awal gheang'da ASEETA ak gaba ng'uya sean, nea eara aba badaydeaba suh seaniin ea mii goosha nyarastaanyi gudughamiinda geatindaanyi.

YEREMIYA 23:36

Nea ea maygudu arukuni, ‘Sareenda NG'UTAMIIDA,’ gicha, aba gideaba sareenda gaba ng'asheega ghuuta siida, nea inyeesa ghoaschoardi ng'asheega ASEETA mideawa eaweega, was NG'UTAMIIDA bea lugweega, was ASEETEANYA.

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

YEREMIYA 26:6

Ak abeeda gaydanung' gawuurji gheawi gidaghayi eanyarjeawdi Shilo, ak gaydanung' ghoah mujiineani gida simoashta aba jeeda eemoojiga sean bea ng'eanyiida.’”

YEREMIYA 4:13

Ng'ula ghwahitaayda shamooghuutka mutukwajeagaaschi ghapkaanda jeameeda shaarara nea faraasajeagaaschi ea ng'weani ea ghwanaawa madoonyaka– eeshageada aba gideaba siisheali!

YEREMIYA 44:3

aba badayda munyasnacheeka sin, ak ghoanyareasan, ak aba ng'asheanji gaweay ghaghwarda hideeda nea gagadiiyeesa aseecheeka suuk ghayi mwanala saawa, ghana agooga, ghana ghweanigeagwa.

HEAREEGA 1:9

Ririnyeandaanyi gwanda jeeda hanang'weandaanyi; ak ea moapkaada muudeanoadaanyi; ak ghwararang'aada aba deamdeameega, aba gideaba manda siida ahaawda. “Ea NG'UTAMIIDA, ng'ula sawanadeedeanyu, aba gideaba weajoocheanji nighaambiit geaw!”

ESEKIELI 8:12

Ng'ata gwayeeshiinean ASEETA, “Ea orjeeda siida, gidaahi gidasin gweargwa Israeli aba jeeda misaneeda. Gaba nih mida jeeda ghooriidaanyi bea sanaamu, aba gideaba geeyi, ‘NG'UTAMIIDA mwadaaheasa, NG'UTAMIIDA ninung'waada ng'eanyiini.’”

ESEKIELI 9:9

Ng'ata gwayeeshiinean, “Riing'eeda fuga Israeli ea Yuda aasaang'a muuchi, ak ng'eanyiida ea ninyiit foojeanda. Nea jeeda mujiini ea manda doobiiwnata aba gideaba gwayi ‘NG'UTAMIIDA ninung'wa heeda ng'eanyiini nea NG'UTAMIIDA ea mwadaaha.’

HOSEYA 5:5

Nea ghwarjeeda Israeli iissa geedeaksa gheamamuunatka nyaawa; Efraimu gayghoabeada aba ramaseandaanyi; Yuda eara niny gayghoabeada sea saawa.

HOSEYA 7:16

Niyamsa geat Baali; niwuurji ghuweang'da bealbeal, fuga nyaawa hees gayghabwar ng'uta aba ghwarjeeda ghuusiga nyaawa. Ng'asheanji gayghoah gichea eefoola aba ng'eanyiida Misri.

MIKA 3:12

Asi aba badahuukeagwa Sayuni gajeabwarda gisibariida madamnyeanda; nea Yerusalemu gayghoah eemeega, ak giijeeda gheeda gaygawuurji gudung'unyeanda aba dareabeeta.

MIKA 6:12

Aba gideaba meanang'oodigaagu gooreedi fih haleanjeeda; nea fugaagu bea ng'eanyiida gabaloola ng'uyyeega, nea ng'ushapta nyaawa gaba reengaweega aba ghuusiga nyaawa.

HABAKUKI 1:13

Ang'iing'eeda mideawa gheanyanga miyaasiin magasa ng'ulooda gidamuy ak ghanyea ming'uli ng'asheega munyas, ghwasaan inyas ging'ulayi fuga mandeawana masaweega, ak iissa gisiindeaysi siida muy nea fuga munyas ghwanukghuta siida doabiiwaat ng'al niny?

1 Goriinto 10:22

Ghana sigasayi eang'udana Ng'utamiida lachng'eanyiida? Neada geandeawi uurda ea eeburdeawana niny?

Yuuda 1:15

ak goorgweaksa buuneesean, ak ghoadaw giidiinyeanda buuneesean meawala ASEETA, aba searoojiga nyaawa sean maba ASEETA ghayi nisin aba gidida magassiida ASEETEAN, ea aba haleanjeeda ng'weani ruku siida riing'eeda meawala ASEETA aba badaydaanyi.”