ISAYA 26:5 - Bibliyeeda Ghaydit

⁵ Aba gideaba niihiing'u fuga abiita heetiyeada, was mujiineeda nalaat. Ak ghwanung' ghwahiing'aan ea ghwahidu ng'eanyi ak gwajaksa jeeda birjeanda.

ISAYA 26:5 Mawu Ofanana

NYIIGHEEGA 79:8

Adiipkaadi aba badahuukaasa giidiinyeanyeeka ghweanigaasa, dabean ghwahidu baydeaydaang'u ghwadeaptaneasa, aba gideaba siminighiseasa muuchi.

ISAYA 13:11

Gwayi NG'UTAMIIDA gaydalas uhuuda fuga ng'eanyiida aba riing'eeda nyaawa, ea gea sina ng'asheega munyas, ak gaydanung' goosha miyeenooda fuga ghwarjeeda nea gearareang'u weashweashta fuga ng'weani jeesin.

ISAYA 14:13

Giyeeni aba jeadaang'u, ‘Gaydadiyeada ea dahita humng'eeda; gaydamiinda hoorgeedeanyu ea ghwanaawa hoowa miinga ASEETA; ak gaydeapteada aba uhuuda giijeeda siroondooscheesa mida wiilooda ng'eanyiida ghayeawa;

ISAYA 2:12

Aba gideaba gayghwahidu eaweeda NG'UTAMIIDA bea lugweega aba badayda fuga sean mideawa weashweashta ea ghwarjeeda, ea gea adiing'u geat sean, ak gajeerareang'u.

ISAYA 24:10

Mujiineeda ghayi sinung'wa heeda niibeada, gealga sean sijabwaada ghuusiga, manda siida weah jih.

ISAYA 25:2

Aba gideaba ninung' ghoah mujiini dulgwajeanda, nea ginung' ghoah eemeeda, mujiineeda mideawa ghamarda; nea gheeda rabasta ea mudea mujiini gil, ak ea maygudeadeas ea ghoah damanda manda muudeanooda.

ISAYA 32:19

Gayghwaroabwan roopta lagheanga, iisilach geediga diimda ak gayghoabeada mujiini.

ISAYA 47:1

Rarang'aana ak giipteadi aba jeeda birjeanda, Ea huda miyeegeanu, hudeaba Babeli; apteada aba ng'eanyi nea manda hoorgeeda sugoocheanduumeeda, Ea hudeaba Galdayo! Aba gideaba maygudu eeguureewaneey huda miy bea leanga.

YEREMIYA 51:37

Ak Babeli gayghoah raghwata eemeeda, nea ghoah giibinda fureayoonga, gayghoah gida jea ghwashikgh fih nea geeshka, nea manda siida jea goobiida jeeda.

YEREMIYA 51:64

nea giyeeni, ‘Nih gichea ghwaakta Babeli eenda gil, ak ea maygudu gabiikta gwascheeng'u, aba badayda ng'asheega munyas jea deadu badaydaanyi’.” Ng'asheega Yeremiya gaweay ea ghwahita hiji.

HEAREEGA 2:2

Ng'utamiida ninyarja giibinda sean bea Yakobo nea mabwayda; aba nyarastaanyi ninyarja hoorgeeda majeek bea hudeaba Yuda; ak gweadu ea ghoahiita ng'eanyi badayda sigeeda aba nyoota mureeda aba heeda sugoocheanda sea fugaaschi ambaliischi.

ESEKIELI 26:11

Nea gayghoala aba budilga faraasajeagaaschi naweadingaagu sean aba budilga ak gayghabwar fugaagu aba ng'uta nea daranajeagaagu majeekcheewi gajeenyarja.

ESEKIELI 28:17

Jeadaang'u ghang'ut ghwarjeeda aba leangaagu, nidatasi weaghuumeadaang'u aba weeshindaang'u, neajakseey ng'eanyi ak ea naanung' lila aba madeeda sugoodiga, aba gideaba gang'uleey.

Giidaheechta 18:2

Hean gaguurda aba nyeashta haw nea gwayi, “Niibeadi, niibeadi Babeleeda haw! Niwoosi heeda jea goobiida meangeenda, ak ea heeda abiita gilinyoo ea guroorooda muy, ea heeda abiita gilinyoo ea dariideanda muy;