ISAYA 26:3 - Bibliyeeda Ghaydit

³ Gayfura siidida ghusnyi gurooroadaanyiin, aba hoyyooyda doabiiwaat, aba gideaba ghaghusnyi.

ISAYA 26:3 Mawu Ofanana

1 DAMANYOOJIGA 5:20

hean nea ghwanyas saawa weeta, ghwajoar fuga Hajiri ea fuga sean weechi ak ghoang'waay aba geatinga nyaawa, aba gideaba gooyeawusa ASEETA aba jeeda ng'ucheeda, ak ghoadaw ASEETA jooriischooda aba gideaba nimwas niny.

2 DAMANYOOJIGA 13:18

Hean nih gisijoarda fuga Israeli gil aba damandida, ak fuga Yuda gwajooriischi aba gideaba saawa gwaduukusa NG'UTAMIIDA was ASEETA ghweaniga nyaawa.

2 DAMANYOOJIGA 16:8

Nea ea mii fuga Gushi sea fuga Libya bea shirikareeda saang'a mideawa mutukwajeega ea fuga ding'da faraasajeega? Aba gideaba ang'iing'i gibwati NG'UTAMIIDA niny ea niihaak geatingaagu.

NYIIGHEEGA 119:165

Gaba hoyyoo muuchi fuga bwariiy deaweedeadaang'u; ak ea manda gichea gwaruusa.

NYIIGHEEGA 125:1

Fuga ghus NG'UTAMIIDA gawuurji Giijeeda Sayuni, was dea mwoamu eetuumduum, ak ea majeek damanda manda muudeanooda.

NYIIGHEEGA 9:10

Nea fuga nal gheawungaagu ghwayiin ghusooda nyaawa badaydaang'u, aba gideaba ang'iing'i, Ea NG'UTAMIIDA, mii nung'usiina heeda fugiga gaseadayeeyiin.

ISAYA 12:2

“Ng'ula, ASEETA lealnoocheandeanyu, gaydaghus niny ak ea maydabeal aba gideaba NG'UTAMIIDA was ASEETA uurdeanyu gil ea sarmeedeanyu ak ea niiw lealnoocheandeanyu.”

ISAYA 26:12

Ea NG'UTAMIIDA, ang'iing'i ginyakneasa hoyyoo, ak ginung' eanyagaada aba gadiyoojigaasa sean.

ISAYA 27:5

Geaghus ak ghoang'waay uurdeanyu, ak ghoah hoyyoo sea aniini, asi ak gwasin hoyyoo sea aniini.”

ISAYA 31:1

Eamuy daanyaawa gea inyeesa ghwararang'aada gaweay ng'eanyiida Misri gagasa weeta eara gea ghus faraasajeega, ea gea ghus faraasajeega aba gideaba aasaang'a, ea fuga ding'da faraasajeega aba gideaba gwandeawa uurjeenga muuchi, ak ea masachsiina ghaat dea Ghaydit bea Israeli nea magasa NG'UTAMIIDA!

ISAYA 32:17

Aba doobiiwnata buuneeda gayghwanyas hoyyoo, ak gaygaba ng'eanyiida saw nea gabaseayu damanda manda muudeanooda.

ISAYA 32:18

Ak fugeasu gaygoobiitpiit nea gaba hoyyoo, aba heeda siipteada nea geebaseayu, aba heeda ayisaw.

ISAYA 42:19

Siida ng'oaw ng'eaha, meakghusa siideanyu bea gadiyeeda? Ghana siida miy ng'eaha, gawuurji giijasoocheandeanyu eajeakiidi? Siida ng'oaw ng'eaha uurji siideanyu aamiidu, ghana siida ng'oaw uurji siida gadiyeeda NG'UTAMIIDA?

ISAYA 42:6

“Aniini geawooschi NG'UTAMIIDA, ak geaguurneey aba doobiiwnata, ak gaydaang'waay geatindaang'u nea ghaahaaghwaneey, nea aba badaydaang'u gaydasin neajeeda sea buuneesean, ak ang'iing'i gayhuuwa gheaboong'nyeanda eemoojiga,

ISAYA 48:2

Aba gideaba gaguura geat fuga ng'eanyiida ghaydit, nea gwahinda geat gilibwata ASEETA Israeli; gheawungaaschi NG'UTAMIIDA lugweega gil.

ISAYA 49:8

Gwayi NG'UTAMIIDA: “Damanda hidaat ghaashaayi ghuutaang'u, nea eaweeda lealeanooda ghaaweacheeyi; ak gaydaghamwanyi ak ghaanung' huwa neajeeda aba heedeaba fiisu, nea ginung' gawa mwadi ng'eanyiida, nea giidawi hearaniischooda ng'eanyiida ghayi nidatasa.

ISAYA 50:1

Gwayi NG'UTAMIIDA, “Gwanda yeenu barawajeanda nung'ooda geamadu, ghayi aanung'wi heeda? Ghana ghayi ghaashaaydaneegwa aba heedeabeang'a aba jeeda fuga eandeawi siileenyaawa? Agooga geeshaaydaneegwa, aba munyasnacheekeagwa, ak geamadu geanung'wa heeda aba giidiinyeanyeekeagwa.

ISAYA 50:10

Ng'eaha gil aba jeedeang'wa dea awali gheang'da NG'UTAMIIDA nea gwasissa mureeda ng'asheega siidaanyi bea gadiyeeda? Dea inyeesa gwaneay aba jeeda misaneeda nea manda weeshinda, nea ghwarar gheawunga NG'UTAMIIDA ak ghaghus ASEATAANYI?

ISAYA 66:12

Aba gideaba gwayi NG'UTAMIIDA; “Ng'ula gaydeadearsa hoyyoo gawuurji eenda, nea giigheambiita eemoojiga gawuurji eenda gulda; ak agooga gajareera, nea geesareaneegwa, ak geekareegwa nea geasapsabeagwa.

YEREMIYA 39:18

Aba gideaba aba huumwa gaydalealneey ak ea majeabwarnyi aba ng'ucheeda gaynyasa nyageadayda jea aghuuha eaweagaagu aba gideaba nimwaschaani. Gwarugu NG'UTAMIIDA.’”

DANIELI 3:17

Asi iisunu, abeeda ASEETA sibadayi ghoamu gageandeawaneasa heeda duwayda yeat ng'waan; ak gaygageandeawaneasa geatindaang'u, Ea sugoocheanda.

DANIELI 3:28

Ghwalamda Nebukadinesa ak gwayeesha, “Gagasa eebadiischeesa ASEETA Shadraki, ea Meshaki, ea Abedinego, ajeagu malaykajeandaanyi ghaweat fugaaschi bea gadiyeeda, was gea ghus niny, ak gafool ng'asheanda rugu sugoocheanda, ak ghoaghaashta sasanuuka nyaawa measaamwa gideaba gayghoaghu ak ghabwat aseeta wassean geaghus ASEETA nyaawa.

DANIELI 6:23

Ak gahoosan sugoocheanda, ak gwayeesha ooruuni Danieli aba jeeda shoomanda. Ng'ata geeruuna Danieli jeeda shoomanda, ak ea meadaaha heeda nisawana aba saseadaanyi, aba gideaba ghaghus ASEETA.

MIKA 5:5

Ak gayghoah hoyyoo, inyas ghapka fuga Ashuru ng'eanyiideanya ak ghoalaapta ng'eanyi ng'eanyiideanya, abeeda gajeanung' ghang'eat jeagiischoodi ispwa gaweay badaydaanyi ea sugoodi sis;

Yohaana 14:27

Gaydanung'uneegwa hoyyoo, geagonyeegwa hoyyooydeanyu; maydagoondaneegwa gidagooniida ng'eanyiida. Asi adagwasawana gurooruunatkeagwa, nea adaghang'udeagwa muuwda.

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahang'waanya jeesingeagwa, aba gideaba aniini naajoarji ng'eanyiida.”

Ruumi 5:1

Asi iisigooneasa doobiiwnata aba masaweega, abeeda geanyaschi hoyyoo aba heeda ASEETA aba naweeda Ng'utamiideanya was Yesu Gristo.

Filippi 4:7

Nea hoyyooyda ASEETA, adaraam fughareenga sean, gaygafur jeesingeagwa ea fughareengeagwa aba jeeda Gristo Yesu.