ISAYA 26:2 - Bibliyeeda Ghaydit

² Ajaada ghuusiga dooshinga mujiinajeega, gaweay jeeda eemoojiga doobiiweadi sina ng'asheega doobiiweadi.

ISAYA 26:2 Mawu Ofanana

NYIIGHEEGA 106:5

ak abeeda ghaadaayi alooheeda fugaagu iloadi, ak abeeda geang'weelayi aba hooseaneega eemeadaang'u.

NYIIGHEEGA 118:19

Jeanean gidaghuudajeega doobiiwnata, ak geasikchi dawa gah ak geabadiischeesi NG'UTAMIIDA.

NYIIGHEEGA 118:20

Nih gidaghuuta NG'UTAMIIDA gil; fuga doobiiweadi gea jea gwasigu nea gaweay gah.

NYIIGHEEGA 24:7

Ea gidaghuudajeega ajaadana! Ajaadana ea gidaghuudajeegeaba garayi! Ak abeeda ghwaan jeeda gheeda Sugoocheanda ghaambiidaat.

RITEAYDA 19:6

ak gajahuuwa aba heedeanyu sugoocheanduumeeda ashoohoodiga, ea eemeeda ghaydit. Suh ng'asheega jea rukusiina diibiga Israeli gil.”

ISAYA 45:25

Aba heeda NG'UTAMIIDA jeata sean bea Israeli gajeataw doobiiwnata nea geaghaambiit.”

ISAYA 54:14

Ak gaymajeegiida aba doobiiwnata; nea gajeasheagi ghabasta aba headaang'u, aba gideaba maybeala, giyoonda gajea sheagi ak ea maygwaneekiiseey.

ISAYA 54:17

gilinyoo ea dabita ng'ucheeda sisin aba gideaba eapka eeng'ucheeweey, maygwarachi gil, nea siida was sean jea ghwaanyi gheeda girgweageeda gayjoara. Nih gichea gwahearan fuga gadiyeeda NG'UTAMIIDA gil, nih gitoobiiwsa gil leabu heedeanyu gwarugu NG'UTAMIIDA.”

ISAYA 58:8

Abeeda weeshindaang'u gaygawuurji gidagharda gayeew, nea iyoomnyaanyi gajabean ahaabwa, ak doobiiwnataang'u gaygawa madeadaang'u, ak gaygweadu geashtaang'u giigheambiita NG'UTAMIIDA gafurnyi.

ISAYA 60:11

Nea gidaghuudajeagaagu gajea jaadaat galeagasean, mwajeajap askweari ghana eawa; aba gideaba gaygweaneey buuneeda baruureega eemoojiga, nea sugoodiga nyaawa gayghapka nea ghwaroapgeat.

ISAYA 60:18

Ak jaliida ea mwaygudiinya aba jeeda ng'eanyiidaang'u, ghana ng'asheega dataseadi aba moonghoadaang'u; ak gaygureewana ghamardaang'u lealeanooda, nea dooshingaagu giguuri giigheambiita.

ISAYA 60:21

Abeeda fugaagu gajea doobiiweadi sean, ak gaygwahearan ng'eanyiida damanda manda muudeanooda. Nih damealeanda aang'aapti aniini gil was gadiyeeda geatingeasu, ak abeeda geakghaambiidan.

ISAYA 61:3

Ak ghaadawji fugiga ayeawdean aba Sayuniin– shiipka deakghweeda gawa hoorgeeda deareeda, ea nagheeda ghweelmeeda aba hoorgeeda giinyahuushooda, eaghwada gwarsiinda gawa hoorgeeda guroorooda durumwana ak saawa gajeeguura sawacheeka doobiiweadi ghayi ng'aapta NG'UTAMIIDA aba gideaba eakghaambiit.

ISAYA 62:1

Aba badayda Sayuni maydasiinda, aba badayda Yerusalemu maydaabit ng'eanyi, bwak ea gwardu gitoobiiwsa nea gawuurji weeshinda, nea lealeanoadaanyi gawuurji gheaboong'nyeanda yeat.

ISAYA 62:10

Ang'ata, ang'ata asiga dooshinga, asina naweeda buuneeda, adeasa, asina naweeda bareanda oopuusa nea googeandi lagheanga, amiinda giirooraneeda aba badahuuka buuneeda.

ISAYA 62:2

Ak eemoojiga gayghwadaah doobiiwnataang'u, nea sugoodiga sean ghwadaah giigheambiitaang'u. Ak gajeeng'aneey gheawunga eeshish, gheawunga jea gang'aneey NG'UTAMIIDA.

SAKARIYA 8:20

“Asi gwayi NG'UTAMIIDA bea lugweega, Gayghwahidu damanda jea ghwahina fuga jea gwaleabu mujiinajeega saang'a jea ghapka Yerusalemu;

Gadiyeeda Giijasoodiga 2:47

iidu geeduumsheesa ASEETA nea ghabwariiy buuneesean. Ak ghwanung' Ng'utamiida ghoahaada mooneeda fuga silealu galeagasean.

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

2 Betro 3:13

Nea aba heeleedaanyi geamuughu humng'eedeesh ea ng'eanyiideesh mida jeeda doobiiwnata.

Yuuda 1:3

Fuga aabwariinyi, geagasayi muuchi dang'oorneegwa iita lealeanoodeanya bea gealaan, ak ghaadaayi ghwahit gideaba geang'oorneegwa nea geamuscheegwa ak geeng'alealeesi masaweega ghayi sigu nibwagi ak ea majeebiikta siitaw fuga ghaydidi.

Giidaheechta 21:24

Aba gideaba weeshindaanyi gaygwaneayeewa eemoojiga jeeda; ak sugoodiga ng'eanyiida gaygweadu giigheambiita nyaawa jeadaanyi,

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,