ISAYA 24:3 - Bibliyeeda Ghaydit

³ Ng'eanyiida gajeenung' ea mandana gil; aba gideaba ng'asheanji gwarugu NG'UTAMIIDA.

ISAYA 24:3 Mawu Ofanana

2 DAMANYOOJIGA 36:21

ak ghwahita damanda ng'asheanda NG'UTAMIIDA aba ghuuta Yeremiya, bwak ea gahoosasa ng'eanyiida sabaatohajeagaaschi. Aba gideaba eemoojiga mideawa geatin ghoang'waayi sabaato, ghoanyiit gweanyeew laadam ea damanamughuush.

ISAYA 21:17

ak gaygaboos fiisu ng'ay aba jeeda fuga daruuscheew ng'uchi bea Gederi; gearugu NG'UTAMIIDA was ASEETA Israeli.”

ISAYA 22:25

Ak eaweedida, nih gwarugu NG'UTAMIIDA lugweega, gideaba guhuunacheandida silaksa heeda majeegiin, inyeesa ghwaleakghleakgh, ak gealach ea gang'adeesa ng'eanyi, abeeda sareendida mida badaydaanyiin gajeejakta aba gideaba nih gwarugu NG'UTAMIIDA.”

ISAYA 24:1

Ng'ula, NG'UTAMIIDA ninung' ea manda jeeda ng'eanyiida gil, niyam ak ghang'uda salgheang'da,nea ghoadaarda fuga mida jeeda.

ISAYA 24:2

Gaygaba siisi nyas gidida, gichea gawuurji buuneeda, ea gichea gawuurji ashoohoocheanda gil; siida gadiyeeda, ea siidaanyi haw bea gadiyeeda; gichea gawuurji huda gadiyeeda, gichea gawuurji ghamaghaamwat gil; gichea gawuurji siida shaah haleanjeeda, ea gichea gawuurji siida shaayda gil; gichea gawuurji siida siileaksheewa, ea gichea gawuurji siida aleakshi gil; gichea gawuurji siida siileeda, ea gichea gawuurji siida mideawa siileeda.

ISAYA 24:4

Ng'eanyiida gagutu heareega nea ghoahiil, humng'eeda nea ng'eanyiida ghwadatas nea ghoahiil, fuga hees bea muunda ng'eanyiida nidatasa.

ISAYA 42:22

Ak suh ea fuga sijagwat haleanjeeda nyaawa gil nea geareat ak ea niing'waay sean shoomeanga nea siyaat ghealooniga; ak ea nuwuurji diyeanga shageata nea manda siida jea ghoaghu, ak ea niiw easanga nea manda siida ayi, “Oakghuumda!”

ISAYA 5:6

Ak gaydanung' ghoah raghwata; ak ea majeesuuy nea majeebarsa, ak gaygwardu ng'eamga ea halaghweenga; ak gaydayeesha shamooghuutka adiidu ghwaroabwan aba badayda ng'eanyiida.

ISAYA 6:11

Hean geayeeshi, “Ea ghoah eeju, Ea NG'UTAMIIDA?” Ak gwayi, “Bwak ea ghang'ut mujiinajeega salgheang'da, nea mutugwanda jeeda sih, nea eara jeeda gealga ea mutugwanda sih, ak eara ng'eanyiida gajea sidatas muuchi,

YEREMIYA 13:15

Oaleaydiit, nea adiidu goosinyi ghwarjeeda aba gideaba niibalool NG'UTAMIIDA.

ESEKIELI 36:4

Nea aba badaydeaba nih asi giijeega Israeli, ooleeysiiniit ng'asheanda NG'UTAMIIDA was ASEETA. NG'UTAMIIDA was ASEETA gwayeesha giijeesu ea heayeeniga ea ghealooniga beega, ea moangoachihajeega ea heeda nyaraat ea ghoah raghoonyeanda, ea mujiinajeega ghayi nung'usa heeda buuneeda, was gea ghayi sigeanda, ghayi fool easanga eemoojiga ramagu gwanda meadajeega sean.

MIKA 2:4

Askweardida gajeang'at salaneeda shatooda aba badahuukeagwa, nea geegutu heareega ng'weani nea gwayi, “Aseasa siireadeasa; ak geayam hoorgeeda fugeasu; gidageandeayda aba heedeanyu! Gwalakiisa fuga ang'waanyeasa madameagaasa.”

MIKA 4:4

nea gaygaba siisi apteada aba guumda sabiiboadaanyi ea guumda shaboogheecheandaanyi, ak ea manda siida jea goomuuw saawa; aba gideaba nih ginyah NG'UTAMIIDA bea lugweega.

GIIPKEATA DIIGHEANDA 29:23

ak ng'eanyiidaanyi sean gawuurji gilak beasta, ea balang'da, ea gamurjan, nea meehista, ak ea manda gilirina, ak gwanyarja, gawuurji gidaghayi sinyarjeawda Sodoma ea Gomora, Adama ea Seboimu, ghayi yam NG'UTAMIIDA aba nyarastaanyi

GIIPKEATA DIIGHEANDA 29:28

hean gooruuteawa NG'UTAMIIDA saawa jeeda ng'eanyiida nyaawa aba nyarasta ng'waan ak gwajaksa saawa jeeda ng'eanyiinuut ea ghoah ghamneawa.’