ISAYA 22:4 - Bibliyeeda Ghaydit

⁴ Ak ghoah gideayeeshiinaneegwa: “Adooduubay gil aba badaydeanyu, anung'waada deayeawda aba sawanadeeda; adoodeawiichi aba giiheawdeaydeanyu aba habitkweeda nyas fugeasu.”

ISAYA 22:4 Mawu Ofanana

YEREMIYA 9:1

Gideabali ghwayamwa uhuudeanyu ghoah beega, ea gheanyangeasu ghoah eeniga dabeaka, danyas gheata deayeawdi askweari ea eawa aba bayiiga hudeaba fugeasu!

Mattayo 2:18

“Siyiiy ghuuta siida aba Rama, shooka ea heareega raanya, Raheli gooyeawda diibigaaschi; Nea mamwasa eara hawdeayda, aba gideaba mudugwanda.”

MIKA 1:8

Aba badaydeaba ng'asheesu gaydagutu heareega nea geayeawdi, gaydawa nea neajakti eaghwada nea geawooschi dawiish; nea geayeawdeaydi fureayooda, ak geanyahuusheati shageerooda.

YEREMIYA 31:15

Ak gwayi NG'UTAMIIDA: “Siyiiy ghuuta siida aba Rama, shooka ea heareega raanya. Raheli gooyeawda diibigaaschi, nea mamwasa eara hawdeayda aba gideaba diibigaaschi mudu gwanda.”

YEREMIYA 13:17

Ak inyas ea majaleaydiit, Abeeda gurooroodeanyu gaygooyeawda aba makcheameeda aba badayda weashweashtaang'u; Gaydeayeawda muuchi nea ghoareamna gheanyangeasu dabeakeasu, Aba gideaba gisilga NG'UTAMIIDA sighas.

NYIIGHEEGA 77:2

Eaweeda sawanadeedeanyu geagasayi NG'UTAMIIDA; ak ghaamiindi geatindeanyu eawa deageal headaanyi nea mabura; ak ghaheawa gurooroodeanyu gideaba gajeegeandeawa salgheang'da.

Lukka 19:41

Iidu nea gwaneekiit mujiini ak ghwadaah gooyeawusa,

Lukka 1:2

gawuurji gidaghayi goondaneasa muushoodiga dea ea aba heeda fuga rukwiida ng'asheanda,

Mattayo 26:75

Hean ghoapkaat Betaro ng'asheega heeta rukusa Yesu, bea gideaba, “Damanda miigooguula nghaghooda gajea nishaang'nyaan niba samwagu.” Gwarita jarooda ak gooyeawda.

YEREMIYA 8:18

Giiseaneegeasu ghwanaawa heapta, nea gurooroodeanyu ea sawaneat.

YEREMIYA 6:26

Ea hudeaba fugeasu, akweala beareadanga, ak giyeashti deareeda; agutuuni heareega ng'weani awuurjeewana siida ayeawdi jeaptaanyi asagi, aba gideaba gayghwahidu weajoocheanda gwashameasa.

YEREMIYA 4:19

Ea sawanadeeda, ea sawanadeeda! Geabeerbeershi aba sawanadeeda! Ea sawanaduutka hees bea gurooroodeanyu! Gwaduumduum gurooroodeanyu; Nea ea mwaamuusi dasiinda; Aba gideaba naayiinyi nyeashta durumbeati, Ea giijuureanda ng'ucheeda.

ISAYA 33:7

Ng'ula, fuga nyaawa meanyi gooyeawda aba jarooda, nea fuga siicheagu bea hoyyoo gooyeawda aba sawanadeeda.

ISAYA 15:3

gookwa hang'weaka guniyajeega aba jeeda naweadinga bareanda sean; ea badahuuka ghoorajeega nyaawa ea dang'adga ghoorajeega nyaawa gaba nih ayeawda nea goobuut dabeaka.

YEREMIYA 9:18

Danung' ghwalamwajaan gooyeawuseasa, ak abeeda gayghoareama gheanyangaasa dabeaka, ak gwaduk gheanyangaasa dabeaka.

HEAREEGA 2:11

Gheanyangeasu nibur aba dabeaka; jeedeanyu nideawiit; gurooroodeanyu geayamsi badayda ng'eanyiida aba sawanadeeda aba gideaba bayiiga huda fugeasu, aba gideaba diibiga manang'i ea gea reer goohiili aba dang'adga mujiini.

ESEKIELI 27:31

Nea saawa gaygwahinda geat gili mideawa mearuumeeda aba badaydaang'u, nea gwarasa mananuunatka nyaawa hang'weaka guniyajeega, ak gaygooyeawuseey aba sawanadeeda aba guroorooda, aba giinyahuushooda sawanadeeda.

ESTA 4:1

Iidu nea gwajeeng'u Mordekai ng'asheega sean sisiin, hean ghabwaashaada Mordekai hang'weakaaschi, ak gookwa guniya nea ghwayeasha geaw deareeda, ak gwarita gawa bugusta mujiini, ak gooyeawda aba ghuuta haw nea ghang'ut giiseaneega;

ESEKIELI 21:11

Ak geeruuneey easinyi aba gideaba eang'waanyi. Ng'uta sishinyi, asaha sisinyi aba gideaba eayiin geatinda dea nuusa buuneeda.