ISAYA 22:2 - Bibliyeeda Ghaydit

² Ang'iing'eeda indeawi nyeashta haw, mujiineeda jaliida bea hooseaneega. Fugaagu ghayi sibwar meabwarana ng'uta nea meebarsiina jeeda ng'ucheeda.

ISAYA 22:2 Mawu Ofanana

ISAYA 10:4

Gamiiseegwa gideaba gajamugutageat aba bugusta fuga mida ghealooniga ak goosheali sea fuga sibwar aba ng'ucheeda. Nea aba badaydeaba suh seaniin ea miighahawda nyarasta NG'UTAMIIDA gudughamiinda geatindaanyi.

ISAYA 23:7

Heapi nih mujiineeda hooseaneega bea Dirohi mujiineeda ghayi sideas garayi, nea fugaaschi gaweay goombal darooraka sheagi?

ISAYA 32:13

Aba badayda ng'eanyiida fugeasu, rinna halaghweenga ea ng'eamga; ea aba badayda gealga sean nyiit fuga hoosana ea mujiineeda mida ghweelmeeda.

ISAYA 32:14

Aba gideaba gajeanung'wa heeda gheeda sugoocheanda, nea mujiineeda nyiit buuneeda maygwanda jeeda sih, ak heayeeda ea madalooda gayghoah heechea goobiita diyeanga damanda manda muudeanooda ak gahoosan siingiiga aba jeedida, nea ghoah haghweega gisilga.

ISAYA 37:33

“Asi gwayi NG'UTAMIIDA aba badayda sugoocheanda Ashuru niny mayghwahidu jeedeaba mujiineani, ak ea maygwajakta geacheeda aba hiji, nea mayghwahidu madeadaanyi nea gwandeawa igeambooda, nea maygooneaweesa ghamarda.

ISAYA 37:36

Hean gawa malaykajeanda NG'UTAMIIDA ak ghabwar fih sagalamnyooji bughala ea seedam ea muut, aba heeda mida fuga Ashuru; ghang'eat ng'eat buuneeda nea gudea sakteayda duu gil, geadaah muscheeka sean bea buuneeda.

YEREMIYA 14:18

Iyeariti dawa jeeda madameega, Ging'ulayi, gea sibwar aba ng'uta! Nea iyeawi jeeda mujiini, Ging'ulayi, gea nihuuyda geejeeda! Nea sibaneeda ea ashoohoocheanda gang'uchi gadiyoojiga nyaawa, Nea ea manda gil nal.’”

YEREMIYA 38:2

“Gwayi NG'UTAMIIDA, siida mida jeedeaba mujiineani gajeabwar aba ng'uta, nea ghabwar jalooda ea dawni. Nea dea weah heeda fuga Galdayo ea mayghami ak gajeataw giibinda uurji dea easanga ak gayghaghu.

YEREMIYA 52:6

Eaweeteaba shageash bea sheedeaba ang'wan abeeda gwanda jalooda ng'waan jeeda mujiini, ak ea manda hamita jea ghwaak buuneedeaba ng'eanyiita.

HEAREEGA 1:1

Mujiineeda ghayi nyiit buuneeda iijea gwayi bwak ea ghwanyas salgheang'da! Iijea gwayi bwak ea gawuurji masinung'weanda, nea ghayi aahaw aba bugusta eemoojiga! Was mujiineeda miy gil aba bugusta mujiinajeega ea gidasiing'waayda ghoah soomjeanda.

HEAREEGA 2:20

Ng'ula, Ea NG'UTAMIIDA, ak gidaahi! Ng'asheesu gisisi ng'eaha? Heapi gadeemga gayghwaak diibiga nyaawa, diibiga nyaawa reeri? Heapi ashoohoocheanda ea sibaneeda gajeenuuksa heeda ghaydit bea Ng'utamiida?

ESEKIELI 22:5

Ak gaygwajukeey mujiinajeega sheagi ea gea neekachi, ea ang'iing'eeda mideawa ririnnyeanda nea ghwanyiit headaang'u mitagheasta.

SEFANIYA 2:15

Nih mujiineeda hoosaneat gil apteada nea gaba seayu, ak gwayi nea gabwageaw, “Aniini geandi ak ea manda nuut.” Ak ghwaktaneeyiin salgheang'da, ea heeda roocha diyeanga jarooda! Giliwas sih ng'ata gaygwajuuga aba geatindaanyi.