ISAYA 2:9 - Bibliyeeda Ghaydit

⁹ Siida ng'arng'ar ghwahiiy geaw, nea siida haw ghwaat geaw ng'eanyi– asi adisamsi!

ISAYA 2:9 Mawu Ofanana

NEHEMIYA 4:5

Ak ea adifunyi giidiinyeanda nyaawa, nea adigeandi riing'eega nyaawa aba madeadaang'u; aba gideaba niinyareasnyi aba madeeda fuga deekshi.

NYIIGHEEGA 49:2

buuneesean hees ea gea manang'i, dea baruur ea dea bwarbwar duwaawi!

NYIIGHEEGA 59:5

Nea ang'iing'i NG'UTAMIIDA, ASEETA bea lugweega, guwoosi ASEETA Israeli. Ng'eada ak gilasi eemoojiga sean; adiidu gaboos fuga munyas eara akkalealla was gea sina ng'asheega munyas.

NYIIGHEEGA 62:9

Aba huumwa siida marachi gil, ak fuga hees ea marachi gil; nea iideeni durumanata nyaawa ea asasi; saawa sean ea asasi ea ghang'al jeameeda.

ISAYA 27:11

Nigajeamiidi damealga geediga ak gagiishachi; ak gayghapka gadeemga ak ghaghwarda. Aba gideaba suh mii fuga mideawa fughareenga gil, aba gideaba dea sin saawa ea mayghabwayda saawa, nea dea sin saawa maygwasamsa.

ISAYA 5:15

Siida gajeanung' gwatkuy, nea fuga adiing'u geat gajeahiing'u, nea gheanyanga giika adiing'u geadiin gajeanung' ghwaat geat ng'eanyi.

ISAYA 5:16

Ak NG'UTAMIIDA bea lugweega siikghaambiit aba girgweageeda doabiiwaat, nea ASEETA Ghaydit ghoahiimu geaw aba doobiiwnata.

ISAYA 57:9

Guweesi sugoocheanda ea nagheeda ng'andit ak giihaadi nagheadaang'u ng'andit; ak giijasoodigaagu gaweay deasheagi, ak giihiing'u geaw muuchi ea hita gheeda maloonghajeega.

YEREMIYA 18:23

Ea NG'UTAMIIDA, ang'iing'i ginali girgweaguutka nyaawa bea nuusteanyu. Adiidu gisamsi giidiinyeanyeeka nyaawa, ak ea adiidu giihuuni riing'eega nyaawa aba madeadaang'u. Gagasa eehuuyda aba madeadaang'u; Huuyda goosha aba nyarastaang'u.

Marko 3:29

Sinung' siida rukuuna ng'asheega munyas badayda Guroorooda Ghaydit, siisi majeesamsa, gwandeawa riing'eeda eaweega manda muudeanooda”–

Ruumi 3:23

aba gideaba nisin buuneesean riing'eeda, ak ghwasuunyeawa giigheambiita ASEETA,

Golosaayi 2:18

Asi adaghaweadaneegwa sih gil, aba giimajeekta eateaba geaw bea ng'eanyi ea ghadoowanda malaykajeega, nea ghamiinaada aba giidaheachteaba geaw, nea ghaghwar geaw mwadaagha aba fughareadaanyi bea saseeda,

Golosaayi 2:23

Suh seaniin aba huumwa gawuurji gwadeagooda mideawa weaghuumeeda ak ghoang'eat ghadooweeda aba eateaba geat bea ng'eanyi aba gidahang'waay gasa saseeda, ak ea marachi gil ak moamu ghoadeal gidida gasa saseedean.

YOSHUWA 24:19

Ng'ata ghwalamda Yoshuwa ak gwayeesha buuneeda, “Majagadiyeesiina NG'UTAMIIDA; aba gideaba niny ASEETA ghaydit gil; ak ea ASEETA lachaghuut haleanjeeda; ak ea maygwasamsa giidiinyeanyeekeagwa ghana riing'eegeagwa.