ISAYA 2:8 - Bibliyeeda Ghaydit

⁸ Ak ng'eanyiida nyaawa ghwanyiit sanaamajeega; geebada haleanjeeda sin aba geatinga nyaawa, was haleanjeeda sin aba mooringa nyaawa.

ISAYA 2:8 Mawu Ofanana

1 SUGOODIGA 16:7

Ng'ata ghwahina ng'asheanda NG'UTAMIIDA ghuuta sibaneeda siguura Yehu was orjeeda Hanani aba badayda Baasha ea gheanyi, aba giidiinyeanda sin aba madeeda NG'UTAMIIDA, ghang'uda nyarasta aba gadiyoojiga geatingaaschi, aba gideaba gawuurji gheeh Yeroboamu, aba gideaba ghwalas uhuuda.

2 SUGOODIGA 17:10

Ak geamiinda daranajeega ea aseecheeka siguura Asherimu, aba iheenga heayeeniga geawi. Ea gumsheaka geediga mideawa seenga nyawiiri.

2 SUGOODIGA 17:16

Nea geanung'waada digheanyeeka as damanamughuush bea NG'UTAMIIDA was ASEETA nyaawa, ak gwasissa geat sanaamajeega was muhoow iyeenya, ea Ashera, nea geabwat miinga sean bea humng'eeda, nea geegadiyeesa Baali.

2 DAMANYOOJIGA 27:2

Ak gwasin doobiiwnata aba madeeda NG'UTAMIIDA gawuurji ng'asheega sean ghayi sin ghwaan was Usiya nea gida masina ea beata jeeda gheeda sibata NG'UTAMIIDA. Nea buuneeda ea gudu gwasina ng'asheega munyas.

ISAYA 17:8

Ak ea maygut gang'ula heeda wagiida was gadiyeeda geatinga nyaawa nea maygut gang'ula gadiyeeda sina geatinga nyaawa was sanaamu bea aseecheeka siguura Asheri ghana heeda wagiida siing'andiit.

ISAYA 26:13

Ea NG'UTAMIIDA was ASEETEANYA, ghayi niimbaleasa fih suuk ea ng'utamoojiga nyaawa, ak geamwaschi gideaba ang'iing'i ak ghwahit guwoosi ASEETEANYA.

ISAYA 37:19

Ak gwajaksa aseecheeka nyaawa jeeda beasta aba gideaba suh mii aseecheeka gil, suh haleanjeeda sin buuneeda gil aba geatinga nyaawa, was geediga ea lagheanga, ak ghoah gidabaysiina lasooda uhuuda.

ISAYA 40:19

Niny mawuurji sanaamajeega, sin siida adeang'shachi, ghoadaay dahaabu siguura dahaabu, ak ghwayeasha dahaabu ak gwasissa munyaloaleeda sisna gharinga siiteanya lapiya.

ISAYA 41:29

Ng'ula, aseecheeka seaniin gaba reengaweega; manda gida jea ghoamu gwasin; sanaamu ak ea ng'arng'ari ak ea mandeawana uurjeenga.

ISAYA 57:5

Agooga inyeesa gageawiit gheanyangeagwa aba heeda sawachoojiga, ea gili nyooh ea geeta nyawiiri seenga, agoogeeda inyeesa goonuuschi diibigeagwa aba jeeda moangoachihajeega, aba hing'eadayda beareega lagheanga?

YEREMIYA 1:16

Ak gaydeargweaksa fugeasu aba gideaba nisin riing'eeda nea ea nijaktaneani, ak gagwardeaysa haleanjeeda ng'andidi aseecheeka suuk, ak ghaghadoawan gadiyoojiga geatinga nyaawa.

YEREMIYA 11:13

Aba gideaba aseecheekeagwa nisaang'ayiit ea gwadeena mujiinajeegeagwa, Ea fuga Yuda, ak ea saang'a ea gwadeena naweadinga Yerusalemu heeda wagiida oadeaschi bea baspaseega, was heeda wagiida sigwariideaysa geediga ng'andidi jea goohoosan Baali.

YEREMIYA 2:28

Gwanda yeenu aseecheekeagwa ghayi oosisi geat? Anung' ghang'eatng'eat, eadaaha ea jea ghoamu gwalealneegwa, damanda sawanaduutkeagwa; aba giteena mujinajeegeagwa Ea Yuda, ea giteena aseecheekeagwa gil.

HOSEYA 12:11

Ng'eanyiida Gileyadi iimida riing'eeda aba huumwa gayghoah gidamwadaagha nea aba Gilgali geenuus heewga lukghumajeega, aba heanyaawa bea wagiida gaygawuurji lagheanga siimughuush aba lilaneeda madamnyeanda.

HOSEYA 13:2

Ak ghamneawa ea nileakleakgh sinita riing'eeda, nea nisissa geat sanaamu, sanaamooda sina gearinda aba lapiyeeda nyaawa, nea sean geesina geatinga fuga geariri. Nea gwayeeniisa, abarsiina lukghumajeega. Ak headiga ghwanung' ghwasam gheatkweaka muhooga.

HOSEYA 14:3

Ashuru mayghoamu ghaweadeasa, nea ea maygudu eeding'da faraasajeega; nea maygudu eeyeena ‘ASEETEANYA’, aba gadiyeeda geatingaasa. Aba headaang'u bananga inyeesa ghwanyas baydeayda.”

HOSEYA 8:6

ak eara aba jeeda Israeli? ea mii ASEETA gil. Meayda Samariya gajeenyarjeaweada.

MIKA 5:12

ak gaydaghuuta beeneediga aba geatindaang'u, ak ea manda dea jea gwaruku ramooranga;

Gadiyeeda Giijasoodiga 17:16

Damani amuukghna Bawlo saawa aba Atenehiin, abeeda ea ninyareas muuchi aba gideaba ghwadaah mujiineedida nea saang'a duguuga sinung' ghoah aseecheeka.

GIIPKEATA DIIGHEANDA 4:28

Aba hoowa gajabwada gheawunga aseecheeka geediga ea lagheanga, gadiyoojiga geatinga buuneeda mwaamu ghwadaah ghana gwayiing'shi ghana gweagiischi ghana gwajoon.

Giidaheechta 9:20

Nea buuneeda mwaatkwa, mabwara dawni, ghanyea maduukuunana aba gadiyoojiga nyaawa sin aba geatinga nyaawa ghana ghwanung'waada ghadoowanda meangeenda ea sanaamu sisna dahaabu ea shiliingajeega ea lagheanga areeri ea lagheaneeda ea geeta, nyooh ea moamu ghoang'wearda ghana ghwayiiy ghana gaweelweel;