ISAYA 2:3 - Bibliyeeda Ghaydit

³ Ak gaygaweay fuga saang'a ak gwayi: “Apkaani, eediyeada uhuuda giijeeda NG'UTAMIIDA heeda gheeda ASEETA Yakobo; ak gayghoanaaleasa naweadingaaschi ak gajeayaada naweadingaaschi.” Aba gideaba Sayuni gaygwarina deaweeda, ea ng'asheanda NG'UTAMIIDA leabu Yerusalemu.

ISAYA 2:3 Mawu Ofanana

ESTA 9:27

ak gwasissa geat fuga Israeli deaweeda ea jeacheenga nyaawa, ea gea jea gaguuy sea saawa gideaba adeapuut giing'ooydeaba eawoojisu asiyeenyean gawuurji gidanyaashta ng'oorshoodiga, iihita damandaanyi aba gilakweay,

NYIIGHEEGA 102:23

Hean ghwasuuy uurdeanyu aba bugusta naweeda; ak ea ning'ayiit askwearjoojigeasu.

NYIIGHEEGA 110:2

NG'UTAMIIDA gaygoojeakna Sayuni bileangidaang'u mideawa uurda, ak gajambaliischeena aba bugusta weajoodigaagu!

NYIIGHEEGA 119:171

Ghuuteanyu darukuna duumsheesiinda aba gideaba giinaalaan deaweedajeagaagu.

NYIIGHEEGA 122:1

Geahoosanyi damanda eeshiinanean, “Beeni eeweaya gheeda NG'UTAMIIDA!”

NYIIGHEEGA 48:1

NG'UTAMIIDA niny dea hawi ak ea dea siikghaambiit muuchi aba jeeda mujiineeda ASEETEANYA! aba giijeadaanyi ghaydit,

ISAYA 1:26

Ak gaydanung' gabiigu gicha fugaagu aheeldooschi buuneeda gawuurji gideaba ghayi bea mwadiin, ea weedangaagu gawuurji gideaba ghayi bea mwadi. Iing'ata nih abeeda gajeeguureewaneey mujiineeda doabiiwaat, mujiineeda miy.”

ISAYA 11:10

Ak eaweecheanji damealeanda Yese ghamiinaada ghoah gwadeagooda aba heeda fugaaschi; ak gaygagasa eemoojiga niny, nea heeda abiita niny gajea ghaambiidaat.

ISAYA 19:23

Eaweedida gaygwanda naweeda haw bea bareanda leabu Misri, ak gawa ea ghwahita Ashuru, ak gaygaweay fuga Ashuru ng'eanyiida Misri nea gaweay fuga Misri ng'eanyiida Ashuru, ak gayghabwat ASEETA fuga Misri ea fuga Ashuru aba hijagi.

ISAYA 28:9

“Gayghoanaal ng'eaha fughareeda? Gaygwarukusa ng'eaha ng'asheesu? Heapi, giika siishuukghu, siweada gidingeani?

ISAYA 44:5

Nea siyagi gaygwayi, ‘Aniini geabea NG'UTAMIIDA,’ nea nuut gang'asa geaw gheawunga Yakobo, nea nuut gang'oorsa geatindaanyi gideaba ‘Geabeayi NG'UTAMIIDA,’ ak gwarukuta geaw aba gheawunga Israeli.”

ISAYA 56:5

suh aba jeedeaba gheenyu ea jeeda ghamardeanyu gaydaadaw gichea goopkeadi ea gheawunga miyaas ng'al gideaba gaymideawana orjooga ea haweega, ak gaydaadaw gheawunga jea goobiida damanda manda muudeanooda dea majeejakta earahay.

ISAYA 56:7

Suh gaydeadu ea daahiidu giijeedeanyu ghaydit, ak gaydeahoosan aba jeedeaba gheenyu bea badita ASEETA; haleanjeeda nyaawa sisabwa geadi bea ghadooweeda sighwarda, ea lukghumajeega nyaawa, gajeamwas aba heedeanyu bea wagiida. Aba gideaba gheenyu gajeeguura gheeda jea eebata ASEETA bea eemoojiga sean.

ISAYA 60:3

Ak eemoojiga gayghapka heeda weeshindaang'u, nea eara sugoodiga gaygaweesa weeshinda iboong'si.

ISAYA 65:11

Nea agoogeeda oanung'wi heeda NG'UTAMIIDA ak gwarooseegwa giijeedeanyu ghaydit nea measeeda siguura gheamamda miy ea gheamamda muy ak ghoanyiichi gikoombajeega difaayeeda siikuuyi sea habitkwajeega.

ISAYA 66:20

Nea gaygweana fugeagwa sean ooduupcheewi eemoojiga sean, gawuurji haleanjeeda sisapa geadi bea ghadooweeda aba heeda NG'UTAMIIDA, aba badayda digeeniga ea mutukwajeega ea badayda ghabearanga ea badayda digeeniga, ea badahuuka diyeanga asasi, bwak ea ghwahita giijeedeanyu ghaydit Yerusalemu gwarugu NG'UTAMIIDA. Gawuurji gida eatiideayda fuga Israeli haleanjeeda nyaawa sisapa geadi bea ghadooweeda gheeda NG'UTAMIIDA aba dabicheanda miy.

YEREMIYA 12:16

Aba ng'ata, inyas gaygwajeeng'u ak ghwaat geeshta fugeasu, nea ghwaak habeawooda aba gheawungeasu, ‘Aba gidabiideata NG'UTAMIIDA’, gawuurji gida ghayi siinaalda fugeasu aksiinda habeawooda Baali, abeeda gajeenung' ghwasaang'ayiit aba bugusta fugeasu.

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

YEREMIYA 31:6

Aba gideaba gwanda eaweeda jea gaguurdeawa furiischoocheanda uhuuda heayeeda ng'eanyiida Efraimu, ‘Ang'eada, ak geescheang'di eeweaya Sayuni Heeda NG'UTAMIIDA was ASEETEANYA.’”

ESEKIELI 40:2

Ak damanda duu dandeewa jeeda gidahiimnaan ASEETA, hean gweanean ea ghwaahiinaan jeeda ng'eanyiida Israeli. Ak ghwayiinan uhuuda giijeeda geaw muuchi, nea wiilooda ng'eanyiida biyeara abeeda gwanda giduurji mujiini.

HOSEYA 3:5

Iing'ata gaygwayamu geat diibiga Israeli gagaseada NG'UTAMIIDA was ASEETA nyaawa, ea Dawdi was sugoocheanda nyaawa; ng'ata gayghoang'eat gwasissa mureeda NG'UTAMIIDA ea miyindaanyi aba eawoojiga muudeanooda.

HOSEYA 6:3

Anung' eanala, eesisiina uurda nalita NG'UTAMIIDA; hinoadaanyi gawuurji muchuunooda; gayghwahitaayda roopta doomeelda, gawuurji roopta girjeanda gida iissa gwaroobassa ng'eanyiida.”

MIKA 4:2

ak gayghapka eemoojiga saang'a, ak gwayi, “Apkaani eascheang'da eeweaya uhuuda giijeeda NG'UTAMIIDA, ea gheeda ASEETA Yakobo; ak gayghoanaaleasa naweadingaaschi ak gajeeweelweelana jeeda naweadingaaschi.” Aba gideaba aba Sayuni gaygwarina deaweeda, ea ng'asheanda NG'UTAMIIDA leabu Yerusalemu.

Mattayo 7:24

“Asi siida wassean nyooh ghwayiiy ng'asheegeasu ak gwasin, gajeegala weaghoocheanda fughareeda, deeksa gheanyi uhuuda harearacheanda;

Lukka 11:28

Hean gwayeesha, “Ghang'wana fugiga iiy ng'asheega ASEETA nea ghoang'waayiin!”

Lukka 24:47

ea gideaba duukuunooda ea samsiinda riing'eega gajeerukwiida aba gheawungaaschi, aba jeeda eemoojiga sean, ghang'eada Yerusalemu.

Yohaana 4:22

Agooga iissa ghoaghadoawanyi gida moanali, duuku aseasa geanali gida sighadoawanyi, aba gideaba lealeanooda gwaleabu heeda fuga Yahudi.

Yohaana 7:17

siida bwariiy gwasin gida bwariiy niny, gayghwanal giinealshooni ea gwaleabu heeda ASEETA ghana gideaba gearuku aba gheambalmeedeanyu.

Gadiyeeda Giijasoodiga 1:8

Ak gajanyasa uurda iiwuh heedeang'wa Guroorooda Ghaydit; ak gajahuuwa muushoodigeasu aba Yerusalemu ea Yudeyeesean ea Samariya ea ghoah muudeanooda ng'eanyiida.”

Gadiyeeda Giijasoodiga 10:33

Ak geajeagu buuneeda aba geeshangiga ak eara ang'iing'i giidoabiiwi muuchi aba gideaba giwuni. Asi ghamneawa aseasa geendi hiji bea madeeda ASEETEAN, eeleeysiiniit ng'asheega sean indeawi goonyi Ng'utamiida.”

Ruumi 10:18

Ak ghanayaashti gicha, neada saawa ea mii ghwayiiy? Huumwa gil niyiiy; “Ghuusiga nyaawa nighayda aba ng'eanyiisean, nea ng'asheega nyaawa ea nihita muudeanooda ng'eanyiida.”

GIIPKEATA DIIGHEANDA 33:19

Gajeeguursa buuneeda ghapka uhuuda giijeeda nyaawa, ak geatayda lukghumeeda doabiiwaat; aba gideaba gayghwanyas baruureega jeesinga baskweega ea gea siitiiw funyeadi bea jeeda iseaskweanda.”

GIIPKEATA DIIGHEANDA 6:1

“Suh digheanyeeka gil ea deaweedajeega ea huumeanyeeka ASEETEANG'WA gil jea daanaaleagwa, ak goosisi mureeda aba ng'eanyiida jea ookeawsiina ak goombaliischeewi;

Yakkobo 1:25

Nea siida ng'ula deaweedeeda hidaat, jea gweadu giibaldeaba geaw, ak ghwashng'u, adaghoah siida iing'shi ramasoot gagasa ea siida sina gadiyeeda gil, siisi aba sinoadaanyi bea gadiyeeda.