ISAYA 2:2 - Bibliyeeda Ghaydit

² Nea eaweeda huuydean, giijeeda gheeda NG'UTAMIIDA gajeemajeek aba uhuuda giijeega, ak gajeetiing'da uhuuda heayeeniga; ak gaygwasalsa eemoojiga sean,

ISAYA 2:2 Mawu Ofanana

GIING'EETA 49:1

Ng'ata gaguursa Yakobo orjoagaaschi, ak gwayeesha, “Asi aghadoawana geat, ak gearukuneegwa gichea gabusseegwa aba askwearjoojiga jea ghwahidu.

AYUBU 19:25

Ak aniini ghaanali gideaba lealnoocheandeanyu ea majeek, nea aba huuydeanda gaygagoonan gitoobiiwsean aba hiji bea badayda ng'eanyiidean.

NYIIGHEEGA 102:23

Hean ghwasuuy uurdeanyu aba bugusta naweeda; ak ea ning'ayiit askwearjoojigeasu.

NYIIGHEEGA 2:8

Musean, ak gaydagoonyi eemoojiga jea hearana, nea giimbali muudeanooda ng'eanyiida ghoah daang'u.

NYIIGHEEGA 22:27

Muudeanooda sean bea ng'eanyiida gayghoapkaat ak gaygwayamsa geat NG'UTAMIIDA; ak buuneesean bea eemoojiga gayghabwat niny.

NYIIGHEEGA 22:28

Aba gideaba gheambalmeeda gaba NG'UTAMIIDA; ak niny ea dea ambal eemoojiga.

NYIIGHEEGA 48:2

nea geawundaanyi aamiy muuchi ak ea hooseaneega ng'eanyiisean, giijeeda Sayuni, sheagi mida wiilooda ng'eanyiida ghayeawa, was mujiineeda sugoocheanda haw.

NYIIGHEEGA 68:17

Nea gwandeawa mutukwajeega ng'ucheeda, sagalamnyoojiga ea sagalamnyoojiga saang'a, NG'UTAMIIDA ghwaan headaang'u ghaydit nea gwaleabu Sinayi.

NYIIGHEEGA 72:8

Ak ea deambaliischi ghang'eada basooda ea gagul basooda, ak ghang'eada eenda ea ghwahita muudeanooda ng'eanyiida!

NYIIGHEEGA 86:9

Eemoojiga sean ghayi iisini gayghapka madeadaang'u ak ghaghadoawanyi ang'iing'i Ea NG'UTAMIIDA, nea ghoaghaambiit gheawungaagu.

NYIIGHEEGA 87:1

ASEETA nideas mujiineadaanyi aba uhuuda giijeadaanyi ghaydit;

NYIIGHEEGA 87:2

NG'UTAMIIDA ghabwariiy gidaghuudajeega Sayuni ea ghang'al hoorgajeega sean abiita Yakobo.

ISAYA 11:10

Ak eaweecheanji damealeanda Yese ghamiinaada ghoah gwadeagooda aba heeda fugaaschi; ak gaygagasa eemoojiga niny, nea heeda abiita niny gajea ghaambiidaat.

ISAYA 25:6

Ak aba uhuudeaba giijeeni NG'UTAMIIDA bea lugweega gaygwasissa buuneesean ghweelmeeda, haleanjeeda riisheadi, ea ghweelmeeda difaayeeda miy, ea banyeega miyaas, ea nagheeda, ea difaayeeda miyaas.

ISAYA 27:13

Ak eaweedida gajeaghuut durumbeateeda haw, ak fuga Israeli roosa ng'eanyiida Ashuru, ea gea darsa jeeda ng'eanyiida Misri gaygabiigu ghabwat NG'UTAMIIDA aba giijeeda ghaydit aba Yerusalemu.

ISAYA 30:29

Ak gajasarmana gawuurji eaweeda ghweelmeeda ghaydit siing'wearu eaweesean, ak gajandeawana hooseaneega aba gurooruunatkeagwa, gawuurji siida ghuut furiimbu nea gawa uhuuda giijeeda NG'UTAMIIDA, was lagheaneeda Israeli.

ISAYA 49:6

hean ak gwayi: “Ng'asheanda mwanang' muuchi gil gideaba gayhuuwa siideanyu bea gadiyeeda, ak giidiing'u eemeeda Yakobo, nea giighuumu fuga Israeli ghayi was boosteanga; ak gaydanung' huwa gheaboong'nyeanda eemoojiga ak gayhuuwa lealnoocheandeanyu ea ghwahita muudeanooda ng'eanyiida.”

ISAYA 56:5

suh aba jeedeaba gheenyu ea jeeda ghamardeanyu gaydaadaw gichea goopkeadi ea gheawunga miyaas ng'al gideaba gaymideawana orjooga ea haweega, ak gaydaadaw gheawunga jea goobiida damanda manda muudeanooda dea majeejakta earahay.

ISAYA 56:7

Suh gaydeadu ea daahiidu giijeedeanyu ghaydit, ak gaydeahoosan aba jeedeaba gheenyu bea badita ASEETA; haleanjeeda nyaawa sisabwa geadi bea ghadooweeda sighwarda, ea lukghumajeega nyaawa, gajeamwas aba heedeanyu bea wagiida. Aba gideaba gheenyu gajeeguura gheeda jea eebata ASEETA bea eemoojiga sean.

ISAYA 60:3

Ak eemoojiga gayghapka heeda weeshindaang'u, nea eara sugoodiga gaygaweesa weeshinda iboong'si.

ISAYA 65:11

Nea agoogeeda oanung'wi heeda NG'UTAMIIDA ak gwarooseegwa giijeedeanyu ghaydit nea measeeda siguura gheamamda miy ea gheamamda muy ak ghoanyiichi gikoombajeega difaayeeda siikuuyi sea habitkwajeega.

ISAYA 66:20

Nea gaygweana fugeagwa sean ooduupcheewi eemoojiga sean, gawuurji haleanjeeda sisapa geadi bea ghadooweeda aba heeda NG'UTAMIIDA, aba badayda digeeniga ea mutukwajeega ea badayda ghabearanga ea badayda digeeniga, ea badahuuka diyeanga asasi, bwak ea ghwahita giijeedeanyu ghaydit Yerusalemu gwarugu NG'UTAMIIDA. Gawuurji gida eatiideayda fuga Israeli haleanjeeda nyaawa sisapa geadi bea ghadooweeda gheeda NG'UTAMIIDA aba dabicheanda miy.

ISAYA 66:23

Ak gayghang'eada ng'ushiinda sheeda ea ghwahita ng'ushiinda sheeda, ak ghang'eada sabaato ea ghwahita sabaato niirja, gayghapka buuneesean ghabwat gheawungeasu aba madeedeanyu, gwarugu NG'UTAMIIDA.

YEREMIYA 16:19

Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.

YEREMIYA 23:20

Nea nyarasta NG'UTAMIIDA ea moamu ghwayam geaw bwak ea ghwahit gida gasa gurooroadaanyi. Nea ng'asheega gajajeeng'ni galanya aba jeeda askwearjoojiga jea ghoan.

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

YEREMIYA 3:17

Abeeda Yerusalemu gajeeguura hoorgeeda NG'UTAMIIDA, ak gaygabassa geat eemoojiga sean jeeda, aba madeeda NG'UTAMIIDA aba Yerusalemu, ak ea maygudugabiikta ghoahang'waay iheenga nea gamaseaw ng'asheega munyas bea gurooruunatka nyaawa.

YEREMIYA 30:24

Nyarasta ng'waan bea NG'UTAMIIDA maygabiikta bwadaw Bwak ea ghoahiit gidagasa gurooroadaanyi. Nea ng'asheesu gajanala jeeda askwearjoojiga jea ghwahidu.

YEREMIYA 31:12

Ak gayghapka ak gwasarman aba ghuuta haw aba uhuuda giijeeda Sayuni, nea geesalsa alooheeda NG'UTAMIIDA, ak booga, ea difaayi, ea nagheeda, ea dayeega manang'i bea gisilga, ea muhooga, ea gurooruunatka nyaawa gaygawuurji boostaaneeda siyiin beega ak ea maygut ghang'ut gurmeahiida.

YEREMIYA 48:47

Ak aba askwearjoojiga jea ghwahidu gaydeamajeek Moabu gwarugu NG'UTAMIIDA.” Asi girgweageeda Moabu gabeachi hiji.

YEREMIYA 49:39

“Nea aba eawoojiga jea ghwahidu gaydeadeelu giibinda fuga Elamu, gwarugu NG'UTAMIIDA.”

YEREMIYA 51:44

Ak gaydalas Beli aba Babeli, ak geageandeawi jeeda ghuutaanyi gida mida Ak ea maygudu gabiikta gaweesa eemeeda niny; ghamarda Babeli niibeada.

ESEKIELI 38:16

Ak gaydiyeada weesiina fugeasu was Israeli, ak gaywuurjeewana shamooghooda dukuta ng'eanyiida, nea muudeanooda eaweedida gaydeaneey ng'ucheewana ng'eanyiideanyu. Ak ghwanalan eemoojiga gideaba geajeakneey ang'iing'i Gogu nea ghoahiimu ghaydidandaang'u aba madeenyaawa.

ESEKIELI 40:2

Ak damanda duu dandeewa jeeda gidahiimnaan ASEETA, hean gweanean ea ghwaahiinaan jeeda ng'eanyiida Israeli. Ak ghwayiinan uhuuda giijeeda geaw muuchi, nea wiilooda ng'eanyiida biyeara abeeda gwanda giduurji mujiini.

DANIELI 10:14

Ak ghwaan ghwanung' nala gichea gwahisa buuneadaang'u askwearjoojiga jea ghwahidu. Aba gideaba giirgweatsu gaba askwearjoojiga jea ghwahidu.”

DANIELI 2:28

ak gwanda ASEETA mida humng'eeda ahiimu ng'asheega funyeadi, ak ea ninung' ghwanal sugoocheanda siguura Nebukadinesa gida jea ghwahidu galanya. Giirgweatkaagu ea ng'asheega siitaheachneey aba jeeda uhuudaang'u damanda iwiili geaw aba bulaliida suh:

DANIELI 2:35

ak geehirjeaweada gharinyeanda, ea sheang'weeda, ea shaaba, ea lapiya, ea dahaabu, geehirjeaweada sean, ea gawuurji mbarariida geayda sing'aal ea ghoah dearanga; ak ghwaat jeameeda, ak ea manda heeda jea eanyasa. Nea lagheaneedida nyarja sanaamuun ghoah giijeeda haw ak ghoanyiit ng'eanyiisean.

DANIELI 2:45

gawuurji gididaakti lagheaneeda geeloona giijeeda nea masina geatinda siida, ak gwanyarjeaweada lagheaneeda, ea lagheaneeda oomng'i, ea sheang'weeda, ea lapiya, ea lagheaneeda meeng'meeng'i. Ninung' ASEETA haw ghwanal sugoocheanda gida galanya jea ghwahidu. Giirgweatsu huumwa gil, ak eara gidarugu ea huumwa.”

HOSEYA 3:5

Iing'ata gaygwayamu geat diibiga Israeli gagaseada NG'UTAMIIDA was ASEETA nyaawa, ea Dawdi was sugoocheanda nyaawa; ng'ata gayghoang'eat gwasissa mureeda NG'UTAMIIDA ea miyindaanyi aba eawoojiga muudeanooda.

SAKARIYA 14:10

Ng'eanyiisean gajeayam ea gawuurji mooheeda ng'eada ng'eanyiida Geba ea ghwahita Rimoni mida wiilooda ng'eanyiida biyeareewa Yerusalemu. Ak Yerusalemu gajeetiing'u ghang'eada ghuuta dooshta Benjamini ea ghwahita dooshta madeeda. Ea ghwahita dooshta sinung' ghaghwan geaw, ak gawa ea ghwahita gheeda sideeksa uhuumba nuut bea Hanaeli, ea ghwahita heeda simuriisa difaayi bea sugoocheanda.

SAKARIYA 14:9

Ak gayghoah NG'UTAMIIDA sugoocheanda aba badayda ng'eanyiisean; nea eaweedida NG'UTAMIIDA gajea agi nea eara gheawungaaschi gajea agi.

SAKARIYA 8:22

Fuga saang'a ea eemoojiga mideawa uurjeenga, gayghapka gagasa NG'UTAMIIDA bea lugweega aba Yerusalemu, nea geabwat NG'UTAMIIDA nea geegasa ghawoadaanyi.

SAKARIYA 8:3

Gwayi NG'UTAMIIDA gaydabiikta Sayuni, ak gaydeabiida bugusta Yerusalemu, nea Yerusalemu gajeeguura mujiineeda huumeanda, nea giijeeda NG'UTAMIIDA bea lugweega geeguura giijeeda ghaydit.

MALAKI 3:12

Ak gaygaguureewaneey eemoojiga sean dea siitaw ghawooda, aba gideaba gaywoosa ng'eanyiida miy gwarugu NG'UTAMIIDA bea lugweega.

IITOODA 24:14

Asi ghamneawa, ng'ula, aniini geawi heeda buuneedeanyu; asaha, gaydagu iita ng'asheega jea gwasima fiisu fugaagu eaweeda huuydean.”

Gadiyeeda Giijasoodiga 2:17

‘Nea aba askwearjoojiga huuydean gaygwasnu, gwayi ASEETA, gaydaadaw buuneassean Guroroodeanyu, ak diibigeagwa was gheareemangaea haweega, gayghwaramoaran ak gheareemangeagwa gayghwadaah giirgweatka, nea gweargweagwa gaygoorgweadi giirgweatka;

2 Dimoteo 3:1

Ak ginali ng'asheanji gideaba eawoojiga huuydean gay gwanda washta.

Ebraniya 1:2

amadu aba mudeanoodeaba askwearjoojisu goobalooleasa aseasa aba naweeda Orjeeda, ghayi loat ghoah siida jea gwahearan haleanjeeda sean, ak aba niny gwasin ng'eanyiida aba badaydeaba niny.

2 Betro 3:3

Gidamadeeda geagasayi anala ng'asheanji bea gideaba damanda huuydean gay ghapka fuga bwariiy shikooda nea gay gwashikeegwa, nea ghwaat geeshta gidagasa sasanuuka nyaawa

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuuka fuga jea goorgweach. Ak ghaadaayi gurooruunatka fuga ghayi silajaada gheatkweaka aba badayda muuwuunooda Yesu ea aba badayda ng'asheanda ASEETA, ea giika ghayi mii ghaghadoawan diyeaydideaniin ghana gidida siratiidean nea miighwanyas giirooraneadaanyi aba gheamamuunatka nyaawa, ghana geatinga nyaawa. Ak gwaduutu, ak goombaliischi sea Gristo gweanyeew sagalam.