ISAYA 18:4 - Bibliyeeda Ghaydit

⁴ Aba gideaba gwayeeshiinean NG'UTAMIIDA, “Aniini gaydasiinda ak geang'ulayi nea geandi hoorgeedeanyu eabiiti dang'ula haleanjeeda bunu ak gaydasiinda dawuurji beasta daknooda ng'waan, gawuurji shamooghooda eadu rahooda damanda lajita booga.”

ISAYA 18:4 Mawu Ofanana

HOSEYA 5:15

Gaydabiikta gicha heeda eabiiti, bwak ea gwaduukuunana ramaseanda nyaawa ak gagaseadaneani, aba jeeda sawanaduutka nyaawa gaygagaseadaneani, nea gwayeena.

ISAYA 26:21

Aba gideaba, ng'ula, NG'UTAMIIDA ghwahidu nea gwaleabu humng'eeda heeda abiita, ghwahidu ghwalas uhuuda fuga badayda ng'eanyiida aba riing'eega nyaawa, ak ng'eanyiida ea maygut ghafuy fuga ghayi sibwar, ak gayghoahiimu foojeanyeeka sean ghayi sibwar.

ISAYA 18:7

Abeeda aba damandida NG'UTAMIIDA lugweega gajeeyeasa haleanjeeda sisabwa geadi bea ghadooweeda leabu heeda fuga geawi bumbuni sasanuuka, fuga mideawa gharbeeda aba mwadi ea ghoah ghamneawa, eemeeda mideawa uurjeenga aleabi buuneeda, ak ng'eanyiida nyaawa ghwalach bugusta eeniga, ea ghwahita giijeeda Sayuni, heeda gheawunga NG'UTAMIIDA bea lugweega.

ISAYA 14:32

Gajeashaaha naaha ghuuta fuga siicheagu bea eemoojiga? “Gajeeyeesha gideaba NG'UTAMIIDA nideas nea goomajeek sindeeta Sayuni, ak fugaaschi ghayi sighabwas gaygamng'awsa hoowa.”

ISAYA 12:6

Oochuura, nea goosarmanyi aba hooseaneega, Ea fuga Sayuni, aba gideaba daahaw mida jeedeang'wa ASEETA ghaydit bea Israeli gil.”

2 SAMWELI 23:4

gaygoorearsiinda saawa giirearnoodeaba sakteayda, gaygawuurji aseeta arearu sakteayda nea manda shamooghuutka, gawuurji roopta nung' gwarina nyeega badayda ng'eanyiida.

HOSEYA 14:5

Gaydawuurji rahooda aba heeda Israeli; nea gayghwadaakghwanda deakghweeda, ak gayghwadardaayda hawunga gawuurji geeta;

ISAYA 46:13

Eaweeda lealeanoodeang'wa gaydeaneekiit, biissa ea mudea sheagi, eaweeda jea daalealnaneegwa mayghwashing'da; gaydalealu mujiineeda Sayuni, aba badayda fuga Israeli was giigheambiiteanyu.”

ISAYA 31:9

Ak sugoocheandaanyi uurji lagheaneeda gaygamng'aw aba muuwda, nea fuga nyaawa hees gaygwanung'usa heeda beendeerajeanda nyaawa aba muuwda,” nih gwarugu NG'UTAMIIDA, dea mida beastaanyi mujiineeda Sayuni, nea duwayda beastaanyi gwanda Yerusalemu.

ISAYA 26:19

Muscheekaagu gayghwanyas eaweega, saseenuuka nyaawa gaygwaduutu. Ak gealil aba jeeda bung'eadinga nyaawa, gayghang'eatng'eat ak gwasarman aba hooseaneega! Aba gideaba NG'UTAMIIDA gaygweadu rahoadaanyi bea eaweega nea muscheeka gaygwaduutu ak ghapka nea majeekcheew.

NYIIGHEEGA 72:6

Gaygwashuubeanda roopta roobassa nyeega gajeami, gawuurji shishiyjeanda roobassa ng'eanyiida!

YOELI 3:17

“Nih abeeda ea gichea analda gideaba aniini geawooschi NG'UTAMIIDA, was ASEETEANG'WA, abiita Sayuni, was giijeedeanyu ghaydit; ak abeeda Yerusalemu gayghaghaydiit, nea jeadaanyi ea maygwasik rabasta earahay.

GHWASIILDEANGA 19:12

Nyarasta sugoocheanda gawuurji nyeashta ng'adiida, nea alooheadaanyi gawuurji rahooda badayda nyeega.

2 DAMANYOOJIGA 6:21

Ak abeeda giileeysiit musiischooda siidaang'u bea gadiyeeda ea gea fugaagu was Israeli, iimusiischi aba hiji, ak giileeysiit nea gindi humng'eeda, heeda was hoorgeadaang'u, hean inyas giileeysiit abeeda, gibwaydi saawa.

ISAYA 57:15

“Nih ginyah ASEETA mida humng'eeda sheagi gil bea giibinda manda muudeanooda, nea gheawungaaschi ea Ghaydit. “Aniini geabiiti humng'eeda heeda ghaydit, ak geendeayi sea fuga niduukuuna ea gea eadageat ng'eanyi, ak gaydeamajeek gurooruunatka gea eadageat ng'eanyi, nea ghaadawji uurjeenga gea niduukuuna.

AMOSI 3:7

Aba huumwa Ng'utamiida was ASEETA maygwasin gil nea mii goodaheachsa makcheameadaanyi fugaaschi bea gadiyeeda was sibangaaschi.