ISAYA 17:8 - Bibliyeeda Ghaydit

⁸ Ak ea maygut gang'ula heeda wagiida was gadiyeeda geatinga nyaawa nea maygut gang'ula gadiyeeda sina geatinga nyaawa was sanaamu bea aseecheeka siguura Asheri ghana heeda wagiida siing'andiit.

ISAYA 17:8 Mawu Ofanana

2 SAMWELI 22:42

Hean ghoang'wearda, ak ea manda siida jea gwalealu; ak gooyeawusa NG'UTAMIIDA, ak ea mwasha ghuusiga nyaawa.

2 DAMANYOOJIGA 14:5

Ng'ata gageandeawa jeesinga mujiinajeega sean bea Yuda heetiyeada ea heeda wagiida bea haleanjeeda ng'andidi. Ng'ata ghwanyas fuufta gheambalmeadaanyi aba damandaanyi.

2 DAMANYOOJIGA 31:1

Iidu nea niduulean ng'asheesu, fuga sean bea Israeli eawoojisu mida hoowa gwarita gaweay jeeda mujiinajeega Yuda ak gwahiirjeawi daranajeega ak gwalalaksa ng'eanyi sanaamajeega siguura Asherimu ak gwanyarjeawi heetiyeada ea heeda wagiida aba ng'eanyoojiga sean bea Yuda, ea Benjamini, ea Efraimu, ea Manase, bwak ea gwanyarjeawi sean. Hean gabiikta jeeda mujiinajeega nyaawa fuga sean bea Israeli, gaba siisi weah gheanyi.

2 DAMANYOOJIGA 34:4

Hean gwanyarjeaweada heeda wagiida bea Baali aba madeadaanyi, ak gwalalaksa ng'eanyi heeda wagiida siyiina geediga ng'andidi mida diyeadayda nyaawa, ak ghwalajaada ghoah banajanga Asherimu ea sanaamajeega sisna gearinda ea beasta, ak ghwanung' ghoah birjeanda ak goohisa badahuuka bung'eadinga fuga siitaw lukghumajeega.

RITEAYDA 34:13

Gaynyarjeaweada heeda wagiida nyaawa, nea gihirjeaweadi daranajeega nyaawa, nea gilaksi ng'eanyi geediga sigadoowani bea aseecheeka siguura Asherimu

ISAYA 1:29

Aba gideaba gajeapwaaspwaaseegwa aba sabiida oabwachi; ak gajeapwaaspwaaseegwa aba boostaaneeda oaloachi.

ISAYA 10:20

Nea eaweecheanjagi boosteanga fuga Israeli, ea gea ghuh bea gheeh Yakobo, maygut ghaghus eemeeda ghayi bwar. Gayghaghus NG'UTAMIIDA ghaydit bea Israeli bea huumwa.

ISAYA 17:9

Eaweedida mujiinajeagaaschi mideawa ghamarda majeek gajeenung'usa heeda gawuurji mujiinajeega nung'wa heeda fuga Hiti ea Amori damanda mang'aw aba fuga Israeli, ak haleanjeeda sean gajeadatas.

ISAYA 2:8

Ak ng'eanyiida nyaawa ghwanyiit sanaamajeega; geebada haleanjeeda sin aba geatinga nyaawa, was haleanjeeda sin aba mooringa nyaawa.

ISAYA 27:9

Asi giidiinyeanda Yakobo gajeesamsa, nea ea haghweega majeekcheewi gil bea geandeayda riing'eadaanyi, damanda sina lagheanga sean bea heeda wagiida, gawuurji roonghooda lagheanga sigul ghoah basanga, ak ea maygwanda Asherimu ghana heeda wagiida ng'andit jea ghoabit nea ghamiinaada.

ISAYA 30:22

Ak agooga gajang'udana ririnnyeanda aseecheekeagwa sisna gharinga sisina lapiya, ea aseecheekeagwa siyiin dahaabu siguura dahaabu gajajakta oosheagiida gawuurji haleanjeeda mideawa ririnnyeanda nea gooyeenyi, “Asi asiipteawana madeedeanyu.”

ISAYA 37:19

Ak gwajaksa aseecheeka nyaawa jeeda beasta aba gideaba suh mii aseecheeka gil, suh haleanjeeda sin buuneeda gil aba geatinga nyaawa, was geediga ea lagheanga, ak ghoah gidabaysiina lasooda uhuuda.

ISAYA 41:29

Ng'ula, aseecheeka seaniin gaba reengaweega; manda gida jea ghoamu gwasin; sanaamu ak ea ng'arng'ari ak ea mandeawana uurjeenga.

ISAYA 44:15

Ak geedi gayghoah ghweendooda aba heedeaba siisi, nea gwaju siida beastaanyi, nea ghoawaala mukaateeydaanyi. Ak gageanu gwasin sanaamu ak ghabwat, amang'ata gageanu gwasin sanaamu ak ghabwat.

YEREMIYA 17:2

damanda gudu goopkeadi diibiga nyaawa heeda nyaawa wagiida ea aseeta nyaawa siguura Asherimu mida murdeeda geeta gilinyoo ea nyawiish gil, ea iheenga heayeeniga geawi,

ESEKIELI 36:25

Ak gaydeadalealseegwa beega miyaas, ak abeeda gajamiyeasiita, gaydaamiyaasiideagwa aba ririnyeandeang'wa sean ea aba sanaamajeegeagwa sean.

HOSEYA 14:8

Ea Efraimu, Aniini gaydasima naaha sanaamu? Aniini gil siida sheaha ghuusigeagwa ak ghoahaaghwaneegwa. Aniini geawuurjeewi meaghayeanda mideawa seenga nyawiiri, heedeanyu gwarituuna haghweagaagu.

HOSEYA 14:9

Ng'eaha gil siida weaghoot, danung' ghwanal ng'asheesu, siida haw fughara danung' ghwanal ng'asheesu; aba gideaba naweadinga NG'UTAMIIDA ea doobiiweadi, nea fuga doobiiweadi gayghwala naweadingiga, ak fuga munyas gaygabeanya geat aba naweadinga.

SEFANIYA 1:3

“Gaydahuuyda siida ea diyeayda; gaydahuuyda dariidaka mida humng'eeda ea ghweayeega basooda. Gaydahista fuga munyas; ak gaydageandeawa giliwas sih badayda ng'eanyiida,” nih gidarugu NG'UTAMIIDA.

SAKARIYA 13:2

“Ak eaweedida, gwarugu NG'UTAMIIDA bea lugweega gaydasach gheawunga aseecheeka aba jeeda ng'eanyiida. Ak ea majeapkaat ak gaydahoan sibanga ea gurooruunatka munyas bea ririnnyeanda, gwariteawa jeeda ng'eanyiida.

GIIPKEATA DIIGHEANDA 7:5

Asi gajagadiyeesiina saawa: ak gajanyarjeaweada heanyaawa bea wagiida, nea ghoabwaanyaadi daranajeega nyaawa gamaning'iidi, ak ghoalaji Asherimu, ak ghoaghwardi sanaamajeega nyaawa aba beasta.