ISAYA 17:3 - Bibliyeeda Ghaydit

³ Ak ghamarda gheeda sugoocheanda bea Efraimu gaygoosha, ea sugoocheanduumeeda Dameski; ea boosteanga Ashuru gaygawuurji miyeenooda diibiga Israeli, gwarugu NG'UTAMIIDA bea lugweega.

ISAYA 17:3 Mawu Ofanana

2 SUGOODIGA 16:9

Hean gooleeysiit sugoocheanda Ashuru Ahasi ng'ata gwascheeng'sa sugoocheanda Ashuru Dameski ak ghwajoar, ak goobaleak fugaaschi bea ng'uta ea ghoahiita Giri ak gwanuus Resini.

2 SUGOODIGA 17:6

Gweaydeaba shageash bea sugoocheanduumeeda Hosheya. Hean ghoang'waay sugoocheanda Ashuru Samariya, ak goobaleak fuga Israeli ea ghwahita Ashuru ak ghamwanya Hala ea Habori, neekeewa eenda Gosani, bea mujiineeda eemeeda Meedi.

ISAYA 10:9

Heapi mujiineeda Galno maydahinda gideahindi Garkemishi? Mujiineeda Hamati gawuurji Arpadi? Ak Samariya gawuurji Dameski?

ISAYA 16:14

Ak ghamneawa gwayi NG'UTAMIIDA, “Aba jeedeaba gweanyeew samwagu gawuurji gweanyeeka siida gadiyeeda, abeeda miyeenooda Moabu gaygoosha, earapeadi fugaaschi saang'a, boosteanga gajea ng'ay muuchi ak ea maygwanda uurjeenga.”

ISAYA 17:4

Nea eaweedida hawunda fuga Yakobo gajeerareang'u, ak gaygoosha ghashneeda saseadaanyi.

ISAYA 25:2

Aba gideaba ninung' ghoah mujiini dulgwajeanda, nea ginung' ghoah eemeeda, mujiineeda mideawa ghamarda; nea gheeda rabasta ea mudea mujiini gil, ak ea maygudeadeas ea ghoah damanda manda muudeanooda.

ISAYA 7:16

Aba gideaba damanda miighwanal jeebi ghaheawa ng'asheega munyas nea ghwaloat gea miyaas, ng'eanyiita iiwali sugoodigiga asiyeenyean, gajeanung' ghoah eemeega.

ISAYA 7:8

Aba gideaba Shaamu goombal Dameski, nea Dameski goombal Resini. (Nea aba gweanyeew laadam ea muut Efraimu gaygagiishachi ea ghoah basanga, aba gideaba adaghoah dooshta buuneeda).

ISAYA 8:4

aba gideaba damanda miighoamuusa jeebi baloolda, nea gwayi ‘Bwaabwa’ ghana ‘Iya’, abeeda meanang'oocheanduumeeda Dameski ea fuga ng'uta bea Samariya gajeayaat madeeda sugoocheanda Ashuru.”

HOSEYA 1:4

Ng'ata gwayeesha NG'UTAMIIDA, “Ng'assiina gheawunga jeebi ak giguuri ‘Yesreeli,’ aba gideaba siipuut gheadi mwanang' ak ghaalaschi gheeh Yehu aba bayiiga ghayi sin aba mooheeda Yesreeli. Ak gaydahuta sugoocheanduumeeda aba jeeda eemeeda Israeli.

HOSEYA 1:6

Gabiikta gagweayiit gicha, ak gwaji huda. Ng'ata gwayeesha NG'UTAMIIDA, “Guureewana gheawungaaschi ‘Meebwayda’, aba gideaba maygudu dabwariiy Israeli gicha nea ak ea maydasamsa earahay.

HOSEYA 10:14

ak ghwahidu ng'ucheeda jeeda fugaagu, nea ghamardaang'u sean gajeadatas, gawuurji gidahuuydeanda Shalmani Bet-arbeli eaweeda ng'ucheeda; ak gagiishachi gheamadiga ea diibiga nyaawa.

HOSEYA 3:4

Aba gideaba diibiga Israeli gaygoobiida eawoojiga saang'a nea mandeawana sugoocheanda ghana siida haw, ak ea mayghoan ghoadayda lukghumajeega sigwariida, ea ng'udanga, ea naifeera ea sanaamu sisna geadi.

HOSEYA 8:8

Israeli sinukghuta, goola gaweay bugusta eemoojiga suuk niwuurji dabicheanda manda gadiyeadaanyi.

HOSEYA 9:11

Giigheambiita Efraimu gayghang'amwa headaanyi gawuurji gidang'eetiideayda dariideanda– maygudu gwanda jeata, ghana gweayuumeeda, ghana ghwarat!

AMOSI 8:14

Ea giika ak habeawooda Ashimayda Samariya, nea geeyi, ‘Aba gidabiideata ASEATAANG'U, Ea Dani,’ ea ‘gidabiideata naweeda Beer-sheba,’ gaygoobeedeay, ak ea maygudu gabiikta gicha ghang'eatng'eat.”