ISAYA 16:2 - Bibliyeeda Ghaydit

² Fuga Moabu gaygawuurji dariidaka deawiit, ng'eat gagal hoowa ea hoowa, gawuurji dariidaka sihoana jeeda ghoorajeega nyaawa aba bunooda eenda Arnoni.

ISAYA 16:2 Mawu Ofanana

2 SUGOODIGA 3:4

Sugoocheanda Moabu siguura Mesha abeeda gooheagwiida gisilga. Ak inyeesa gilakweayda ghoadaw sugoocheanda Israeli buudeega gisilga sagalamnyooji bughala, ea gea lagweendiga sagalamnyooji bughala.

GHWASIILDEANGA 26:2

Ak gawuurji dariideanda ghana udabwaraada iing'eata ak ea mwaapta, ak eara mooshteayda mamiisiina siida mayghwanyas.

GHWASIILDEANGA 27:8

Gidaneayeata dariideanda aba meadajeega sean ea gwasheagiideewa gheanyi, ea giduurji siida neay aba meadajeega sean ea gwasheagiideewa gheanyi.

ISAYA 13:14

Abeeda gaygawuurji mayeanda simuuw, ak gawuurji gisilga manda jeagiischoocheanda, ak gaygaba siisi yamgeaw gabiikta heeda fugaaschi, nea gaba siisi fwach gabiikta ng'eang'da nyaawa.

YEREMIYA 48:20

Moabu siipwaaspwaas, aba gideaba ning'ut ghwarjeeda; aguula nea giiyeawdi! Arukwiida aba Arnoni, gideaba Moabu ninyar.

YEREMIYA 48:46

Shageada ang'iing'i, Ea Moabu! Fuga bada Gemoshi silas uhuuda; aba gideaba orjoogeagwa siyaat ghoah giing'oonyanga, nea haweegeagwa geayaat ghoah giing'oonyanga.

YEREMIYA 48:9

“Agurgursiina Moabu bung'eeda, ak abeeda gaygabay ghwanyar; nea mujiinajeagaaschi gayghoah raghoonyeanda, ak ea maygwanda jeeda sih.

IITOODA 21:29

Shageada Moabu! Sila uhuudeang'wa fuga bada Gemoshi! Noanung' ghoah orjoogeagwa fuga mang'aw, nea ghoah haweagaaschi soomjooga, aba heeda Sihoni was sugoocheanda Amori.

GIIPKEATA DIIGHEANDA 2:36

Ghang'eada Aroeri, mida mareeta moangoachiyda Arnoni, ea gidang'eada mujiineeda mida burgadeeda ea ghwahita Gileyadi, manda mujiineeda geaw siraanyi; NG'UTAMIIDA was ASEETEANYA ghwayiin haleanjeeda sean geatingaasa.

GIIPKEATA DIIGHEANDA 3:12

“Hean nea sighaschi ng'eanyiida aba damandida, ghaadawji jeacheenga Rubeni ea Gadi ng'eanyiida ng'eada Aroeri, mida moonghooda burgadeeda Arnoni, ea bugusta ng'eanyiida giijeega bea Gileyadi ea mujiinajeagaaschi;

GIIPKEATA DIIGHEANDA 3:8

Hean geang'waanyi ng'eanyiida aba damandida aba geatinga sugoodi iyeenya bea fuga Amori mida giigheawda Yordani, sing'eada moangoachiyda Arnoni ea gagul giijeeda Hermoni

YOSHUWA 13:16

Hean ng'eanyiida nyaawa ghang'eada Aroya, mida riiksiinda moangoachiyda Arnoni, ea mujiineeda mida jeeda moangoachi, ea mooheesean bea Medeba;

FUGA LAJA GIRGWEAGUUTKA 11:18

Ng'ata gawa jeeda dareapcheeda, ak gwaneay aba jeeda ng'eanyiida Edomu ea Moabu, ak gaweay heeda ghayeaweewa Moabu, ak gwasin museasooniga aba meatkweeda niirja bea Arnoni; nea ea miigaweayi jeeda moonghooda Moabu, aba gideaba Arnoni moonghooda Moabu gil.