ISAYA 16:1 - Bibliyeeda Ghaydit

¹ Ayeasiina dayeega gisilga siida ambal ng'eanyiida, ghang'eada Sela, ea gawa dareapcheeda ea ghwahita giijeeda Sayuni.

ISAYA 16:1 Mawu Ofanana

2 SAMWELI 8:2

Ak ghwajoar Moabu, ak goodeena saawa ghealooda nea nibwada jeesinga ng'eanyi, ak goodeen ghealooni iyeenya jea ghwanung' gameewa, ea ghealoanagi mughuush jea eapuut.

2 SUGOODIGA 14:7

Ak gwanuus fih sagalamnyooji damanamughuush bea eemeeda Edomu aba jeeda moangoachiyda balang'da. Ak ghoang'waay mujiineeda Sela aba ng'ucheeda, ak gaguura gheawungaaschi Yokteli ea ghoah ghamneawa.

2 SUGOODIGA 3:4

Sugoocheanda Moabu siguura Mesha abeeda gooheagwiida gisilga. Ak inyeesa gilakweayda ghoadaw sugoocheanda Israeli buudeega gisilga sagalamnyooji bughala, ea gea lagweendiga sagalamnyooji bughala.

ESRA 7:17

Ak gisini badiida aba lapiyeeni, shaaha heewga, ea gisilga seaweadi, ea dayeega gisilga, sea booga ghadooweeda ea haleanjeeda sileeha gajadayda nea giyiini heeda wagiida bea gheeda ASEETEANG'WA mida Yerusalemu.

ISAYA 10:32

Eanean weajoocheanda gaygawus aba mujiineeda Nobu, gaygooyuuk gundiidaanyi ea aba giijeeda Sayuni ea aba heayeeda Yerusalemu

ISAYA 42:11

Ak deajuura eeshtearajeanda ea mujiinajeagaaschi sean, ea gharang'weaka mida fuga Gederi, ak ea dasarmana eara fuga mida Sela aba hooseaneega, ak deajuura saawa ghang'eada iheenga giijeega.

ESEKIELI 45:16

Fuga sean bea ng'eanyiida gajeataw siida haw bea Israeli haleanjeeni sisabwa geadiin.

MIKA 4:8

Ak ang'iing'i, Ea gheeda geaw sideeksa uhuumba nuut bea hawanda, Heayeeda huda Sayuni, gajeapka headaang'u, gayghwahidu dea ambaliischi bea madeeda, sugoocheanduumeeda huda Yerusalemu.