ISAYA 13:2 - Bibliyeeda Ghaydit

² Asi amiinda beendeera aba uhuuda heayeeda manda geediga, ooyeawusiina saawa aba ghuuta haw; ak googuursi buuneeda ghapka gidaghuuta mujiineeda fuga hees.

ISAYA 13:2 Mawu Ofanana

NYIIGHEEGA 60:4

Nimiindi beendeerajeanda aba heeda fuga awali gheang'daang'u, ak ghoamu gamulsa geacheeda.

ISAYA 10:32

Eanean weajoocheanda gaygawus aba mujiineeda Nobu, gaygooyuuk gundiidaanyi ea aba giijeeda Sayuni ea aba heayeeda Yerusalemu

ISAYA 11:12

Ak gayghamiiinda beendeerajeanda goohiimsa eemoojiga gideaba gayghoawaam fuga Israeli ghayi siitaarda, nea ghabwada geat fuga Yuda ghayi darda mida meadajeega asang'wan sean bea ng'eanyiida.

ISAYA 11:15

Nea aba NG'UTAMIIDA gaygwanyarja ghuuta basooda Misri; ak gayghamiinda geatindaanyi aba uhuuda eenda nea aba jeameadaanyi ng'waan, ghwalas ghwadarda ghoah ghuusiga ispwa ak ghoaghaawa buuneeda ng'eanyiida ghajaam.

ISAYA 18:3

Ea fuga sean bea ng'eanyiida, ea gea abiita badayda ng'eanyiida, inyas geamiinda beendeera aba iheenga giijeega, abeeda goong'ulay! nea iisighuut durumbeati ghoaleaydiit!

ISAYA 19:16

Abeeda eaweedida fuga Misri gayghang'ut giyoonda gawuurji gadeemga, ak gaygaboodani aba muuwda iidaah geatinda NG'UTAMIIDA lugweega nea gooduumduum saawa.

ISAYA 31:9

Ak sugoocheandaanyi uurji lagheaneeda gaygamng'aw aba muuwda, nea fuga nyaawa hees gaygwanung'usa heeda beendeerajeanda nyaawa aba muuwda,” nih gwarugu NG'UTAMIIDA, dea mida beastaanyi mujiineeda Sayuni, nea duwayda beastaanyi gwanda Yerusalemu.

ISAYA 5:26

Ak niny gaygaguursa eemoojiga mida dea sheagi, nea gaguursa aba seawiirjeanda gea mida muudeanooda ng'eanyiida; ak ng'ula, gayghapka nea ghwalamwajaan muuchi.

YEREMIYA 50:2

“Arukwiida aba bugusta eemoojiga nea ghoapwaashchi iit, amiinda beendeerajeanda nea goorukwiidi, adoafunyi, nea gooyeenyi: ‘Babeli sigeanda, Beli sinung' ghabwaspwas, Merodaki ning'ut muuwda. Sanaamajeagaaschi sinung' ghabwaspwas, haleanjeadaanyi bada siipwaaspwaas.'

YEREMIYA 50:41

“Ng'ula, buuneeda ghapka nea gwaleabu wiilooda ng'eanyiida ghayeawa; eemeeda mideawa uurda ea sugoodiga saang'a nea gwaleabu muudeanooda ng'eanyiida sheagi.

YEREMIYA 51:12

Amiinda beendeerajeanda aba iheenga ghamarda Babeli; ak goomajeekchi furiischooda; ageani furiischoodiga; ak googeanu fuga jea gwasham; aba gideaba NG'UTAMIIDA nibada ak gwasim gidarugu aba badayda fuga abiita Babeli.

YEREMIYA 51:25

“Ng'ula, aniini geesheang'nyi sea ang'iing'i ea giijeeda muy, gwarugu NG'UTAMIIDA giijeeda datas ng'eanyiisean; gaydaadoabiiw geatindeanyu damiinaneey, ak geang'adeaseey ng'eanyi aba jeesinga lagheanga, ak geasinyeey giijeeda sighwarda.

YEREMIYA 51:58

“Asi gwayi NG'UTAMIIDA bea lugweega: Ghamarda haw bea Babeli gajeabwaay gawa ng'eanyi nea gidaghuudajeagaaschi geawi gajeaghwarda aba beasta. Ak buuneeda gagadiiy mwadaagha, nea goobuur geat eemoojiga aba gideaba huuydeanda nyaawa beasta.”