ISAYA 11:16 - Bibliyeeda Ghaydit

¹⁶ Ak gaygwanda naweeda bareanda leabu Ashuru bea fugaaschi ghayi boos aba hoowa gawuurji aba damanda ghayi bea fuga Israeli damanda rinna ng'eanyiida Misri.

ISAYA 11:16 Mawu Ofanana

RITEAYDA 14:22

Ng'ata gaweay fuga Israeli jeeda basooda nea niheeli beega ea gwardu heeda ghajaam, nea nimiinaada beega ea gawuurji ghamarda aba meatkweeda nyaawa bea geatinda dugwa ea geatinda ghaadaam.

ISAYA 1:9

Inyeeda NG'UTAMIIDA bea lugweega ea meabuuneasa boosteang'su ng'ay, gwachi gajeasamwa Sodoma, ak geewuurjeewi Gomora.

ISAYA 10:20

Nea eaweecheanjagi boosteanga fuga Israeli, ea gea ghuh bea gheeh Yakobo, maygut ghaghus eemeeda ghayi bwar. Gayghaghus NG'UTAMIIDA ghaydit bea Israeli bea huumwa.

ISAYA 11:11

Ak eaweecheanji Ng'utamiida gayghoahaakta geadi gicha goodeelu boosteangaaschi mida Ashuru, ea Misri, ea Batirosi, ea Gusi, ea Elamu, ea Shinari, ea Hamati, ea ng'eanyiida mida ghuuta basooda.

ISAYA 19:23

Eaweedida gaygwanda naweeda haw bea bareanda leabu Misri, ak gawa ea ghwahita Ashuru, ak gaygaweay fuga Ashuru ng'eanyiida Misri nea gaweay fuga Misri ng'eanyiida Ashuru, ak gayghabwat ASEETA fuga Misri ea fuga Ashuru aba hijagi.

ISAYA 27:13

Ak eaweedida gajeaghuut durumbeateeda haw, ak fuga Israeli roosa ng'eanyiida Ashuru, ea gea darsa jeeda ng'eanyiida Misri gaygabiigu ghabwat NG'UTAMIIDA aba giijeeda ghaydit aba Yerusalemu.

ISAYA 49:11

Nea gaydanung' ghoah giijeegeasu sean naweeda, nea geasinyi naweadingeasu bea bareanda.

ISAYA 49:12

Ng'ula suh gayghapka nea gwaleabu dea sheagi, nea suh gaygwaleabu wiilooda ng'eanyiida ghayeawa ea wiilooda ng'eanyiida biyeara, nea suh gaygwaleabu ng'eanyiida Sinimu.”

ISAYA 51:10

Mii ang'iing'i dea ghayi nung' ghaghajaamiit basooda, ea eeniga sheagachi jeesin; ak ginung' ghoah eeniga sheagachi jih naweadinga ak gwasik fuga silealu?

ISAYA 57:14

Ak gaygwayi niny, “Adeasa, adeasa, asina naweeda, ageanda haleanjeeda jea gwaruusa fih aba jeeda naweeda fugeasu.”

ISAYA 62:10

Ang'ata, ang'ata asiga dooshinga, asina naweeda buuneeda, adeasa, asina naweeda bareanda oopuusa nea googeandi lagheanga, amiinda giirooraneeda aba badahuuka buuneeda.

SEFANIYA 2:7

Nea ng'eanyiini bea ghuuta basoodean gayghoah ng'eanyiida gheaptanga fuga gheeh Yuda, gayghoahaaghwa hawanda nyaawa aba hoowa, nea shing'ada gaygwalla gealga Ashkeloni aba gideaba NG'UTAMIIDA was ASEETA nyaawa gaygabareasa ak ghoaghuumda fuga nyaawa mida ghealooniga.