ISAYA 10:4 - Bibliyeeda Ghaydit

⁴ Gamiiseegwa gideaba gajamugutageat aba bugusta fuga mida ghealooniga ak goosheali sea fuga sibwar aba ng'ucheeda. Nea aba badaydeaba suh seaniin ea miighahawda nyarasta NG'UTAMIIDA gudughamiinda geatindaanyi.

ISAYA 10:4 Mawu Ofanana

ISAYA 22:2

Ang'iing'eeda indeawi nyeashta haw, mujiineeda jaliida bea hooseaneega. Fugaagu ghayi sibwar meabwarana ng'uta nea meebarsiina jeeda ng'ucheeda.

ISAYA 24:22

Ama ng'ata gajeabwadageat gawuurji fuga mida ghealooniga mida jeeda shoomanda; ak gajeejaksa ghealooniga ama ng'ata eawoojiga saang'a gajealas uhuuda.

ISAYA 34:3

Ak fuga nyaawa sinuuseada gajeehisa jarooda, ak shearooda muscheeka nyaawa gaygwadiyeada humng'eeda, ak giijeega gaygaguldeawa foojeanda nyaawa.

ISAYA 5:25

Asi aba seareeni ninyareas NG'UTAMIIDA aba badayda fugaaschi, ak ghoahaakta geadi ghwalas saawa, ak gayghaboadan giijeega; ea gawuurji ea muscheeka nyaawa aba dang'adga naweadinga gawuurji duguuga mwadaagha. Ak eara aba badaydeaba suh seaniin ea miighahawda nyarastaanyi orjeedaanyi gudugwanda humng'eeda aba lasooda.

ISAYA 66:16

Aba gideaba NG'UTAMIIDA gaygoorgweaksa buuneesean aba beasta, ea aba ng'utaanyi, nea fuga jea ghabwar NG'UTAMIIDA gajea saang'a.

ISAYA 9:11

Asi NG'UTAMIIDA goong'eesa saawa weajoodiga Resini, nea ghwaak weajoadigaaschi

ISAYA 9:12

Meatkweeda ghayeawa gwanda fuga Ashuru, nea meatkweeda biyeara gwanda fuga Filisti, ak ea ninyareesi sean gagasa ghabwar fuga Israeli. Ak eara aba sareani miighahawda nyarastaanyi, ak eara ghamneawa geatindaanyi gudughamiinda.

ISAYA 9:16

Fugiga mida madeedeaba fiisuun nihuteaw, nea fugiga sinda madeedean ea sinukghuta.

ISAYA 9:17

Asi NG'UTAMIIDA maygahoosan aba badayda gheareemanga nyaawa, nea mayghabwayda bananga ea masinung'weega nyaawa; aba gideaba manda eara siyagi awal gheang'da ASEETA ak gaba ng'uya sean, nea eara aba badaydeaba suh seaniin ea mii goosha nyarastaanyi gudughamiinda geatindaanyi.

ISAYA 9:20

Ghoareat meatkweenagi bea geatinda dugwa, ak ea madeayi, ak ghwaak meatkweenagi bea geatinda ghaadaam ak ea malang'u; gaba nih ng'uchi sea orjeeda ghaamwat.

ISAYA 9:21

Manase gang'uchi sea Efraimu, ak Efraimu gang'uchi sea Manase, ak iyeenye nyaawa gang'uchi sea Yuda. Nea aba badaydeaba suh seaniin ea miighahawda nyarasta NG'UTAMIIDA, gudughamiinda geatindaanyi.

YEREMIYA 15:2

Aba inyas gaygwayeeshiineey, ‘Gajaweayeena eenu?’ Hean gajeeshiina, ‘Gwayi NG'UTAMIIDA: “Gea sing'oorsa geeyooda, gaygahuuyda geeyooda, Nea gea sing'oorsa ng'uta, gaygahuuyda ng'uta; aba gea sing'oorsa geejeeda, gaygahuuyda geejeeda, nea gea sing'oorsa giing'ooyda, gayghoah giing'oonyanga.”’

YEREMIYA 37:10

Eara gwachi ajoara lugooda sean bea fuga Galdayo, oong'ucheewi ak ghoabit fuga sisawan aba jeeda maheemajeega nyaawa. Fiisu sisawaniin gayghang'eatng'eat ak ghaghwarda mujiineani aba beasta.’”

YEREMIYA 4:8

Asi aba ng'asheanji ookweala hang'weaka beareadi, ak googutu heareega nea gooyeawdi; aba gideaba nyarasta ng'waan bea NG'UTAMIIDA miighang'amwa heedeanya.”

HOSEYA 9:12

Eara iyarear diibiga, gaydaareat ea muteabuusa gil. Eamuy daanyaawa iyaang'ami bugusta nyaawa!

NG'ASHEEGA LAWI 26:17

ak aniini bwadaw, gayghabwareagwa weajoodigeagwa; nea fugiga sideagwaan gaygoombaleegwa, ak gajamng'awa nea manda siida hoaneagwa.

GIIPKEATA DIIGHEANDA 32:30

Siyagi gayghahoandaan fih sagalama, ak fih iyeenya gayghwajoardaan fih sagalamnyooji damanamughuush, geaghus ghwashaayda Harearacheanda nyaawa saawa, inyas ea mooruuna NG'UTAMIIDA saawa?