ISAYA 10:2 - Bibliyeeda Ghaydit

² Nea ghaheawa ghoadaw fuga barbari gitoobiiwsa saawa nea ghoareat fugeasu barbari haleanjeeda nyaawa doobiiwsa, nea ghoah masinung'weega rabadanga nyaawa, ak ghoah bananga meewa ghweaniga nyaawa shageata nyaawa.

ISAYA 10:2 Mawu Ofanana

AYUBU 31:16

“Ama deepa ea naaweadi, fuga barbari haleanjeeda gasa, ghana ea naanung' ghwaschoarda gheanyanga masiinung'weanda,

NYIIGHEEGA 94:6

Ak ghabwar masiinung'weanda ea rabascheanda, ak gwanuus bananga;

RITEAYDA 23:6

“Adihuti gitoobiiwsa siidaang'u bwarbwar aba jeeda girgweageadaanyi.

GHWASIILDEANGA 22:22

Adiireadi siida bwarbwar gida aba gideaba ea bwarbwar, nea adiireadi siida manda uurda aba dooshta.

GHWASIILDEANGA 30:14

Ak gwanda seaygeeda iissa geeshatka nyaawa ea ng'utkeaka gil, nea geeshatka nyaawa ea bargweaka, ak saawa gaganyeadi fuga barbari eegeandeawa badayda ng'eanyiida, ea fuga mandeawana gil aba bugusta buuneeda.

ISAYA 1:17

Oanala geat sinooda ng'asheega miyaas; asina girgweageeda doabiiwaat, aweada fuga sighabwas; oatawa bananga haleanjeeda nyaawa doobiiwsa, aweada masiinung'weanda.

ISAYA 1:23

Fugaagu hees nischoarda, fuga nyaawa duupchi ea mareanghooga gil. Ak gaba nih bwariiy seawshooda nea gagasa haleanjeeda guskuseega. Ak ea moadawa bananga gitoobiiwsa, nea eara girgweageeda masiinung'weanda ea meeyeasiina saawa.

ISAYA 29:21

Fugiga inyeesa ghwanung' ghoaschoarda ng'asheanda siida aba jeeda girgweageedean, ea fugiga inyeesa ghwayam ng'asheanda was huumeanda ghoah ng'uyeega, nea inyeesa ghwasach siida doabiiwaat ea mwanyasa gidadoobiiwsa.

ISAYA 3:14

NG'UTAMIIDA gaygawa jeeda girgweageeda sea gweargwa ea fuga hees mida madeeda fugaaschi: “Ak fuga ak madamnyeanda sabiibu ea agooga gil, fuga barbari gwanda jeeda gealgeagwa.

ISAYA 3:15

Ak gideabeadaanyi naaha gil, gideaba ghoaghabwaschi fugeasu, ak ghwasaan anda goosawanyi fuga barbari?” gwarugu NG'UTAMIIDA was ASEETA bea lugweega.

ISAYA 32:6

Aba gideaba fuga dasheahi gabaloola ng'asheega leendeeda, ak gurooroadaanyi gaygwasin gea munyas; gaygwasin milmilanda nea gwarugu ng'asheega mii huumwa gil, aba badayda NG'UTAMIIDA, ak gwanung'usa heeda fuga bearji jalooda nea mandeawana gil, ak ghaweada beega fuga ak muwoash.

ISAYA 5:23

fuga giidiinyeadi inyeesa geesiksa aba seawshooda, nea geareat siida gidagwachi doobiiwsa.

ISAYA 5:7

Aba gideaba madamnyeanda sabiibu bea NG'UTAMIIDA lugweega gheeda Israeli gil, nea fuga Yuda ea sabiibooda miy ng'aapta gil; ak ghaghay gideaba gayghwadaah girgweageeda doabiiwaat, nea ghana ghwadaah agita gheanyanga, ghaghay gideaba gayghwadaah doobiiwnata, ak ghwadaah shooka!

ISAYA 59:15

Ak ghwashaadeaweasa huumwa, nea danung'waada ng'asheega munyas geaghabwas. Ng'utamiida ghwadaah ng'asheesu ak ghwanyareas, ghwanyareas aba gideaba manda girgweageeda doabiiwaat.

YEREMIYA 7:6

inyas ea majajiira rabasta, ghana bananeeda, ghana masinung'weanda, nea moahiidani foojeanda siida maba riing'a aba hiji, nea inyas gajanung'waada badita aseecheeka jea gwasawaneegwa,

HEAREEGA 3:35

ak ghwasach gitoobiiwsa siida aba madeeda ASEETA haw bea humng'eeda,

ESEKIELI 22:7

Aba headaang'u sifool ghweanda ea gheamata, nea aba headaang'u ea sisima rabasta ng'asheega munyas ak aba headaang'u ea sighabwas bananga ea masinung'weega.

AMOSI 2:6

Asi gwayi NG'UTAMIIDA: “Fuga Israeli nisin riing'eeda gicha, ak aba sareani gaydalas saawa; aba gideaba nishaayda doobiiwnata aba lapiya, nea fuga barbari geeshaaydaawa geeka–

AMOSI 2:7

inyeesa geapuuta uhuuda siida bwarbwar jeeda birjeanda badayda ng'eanyiida, nea geayam geat eegal naweeda mwadoabiiwa, nea inyeesa siida ea ghwaan gaweay hichpa gatmoanagi sina gadiyeeda, ak aba sareani geadatas gheawungeasu ghaydit;

AMOSI 5:19

gawuurji siida mang'aw aba madeeda ng'adiida, ak gwaroonyi mariirda; ghana gawa jeeda gheeda ak ghoang'waay ghamarda, ak ghaghanya udang'usheega.

MIKA 3:1

Ak geayeenyi: Oaleaydiit, fuga hees bea Yakobo ea fuga ambaliischi bea gheeh Israeli! Mamiiseegwa gideaba gajanala doobiiwnata?–

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [