ISAYA 1:9 - Bibliyeeda Ghaydit

⁹ Inyeeda NG'UTAMIIDA bea lugweega ea meabuuneasa boosteang'su ng'ay, gwachi gajeasamwa Sodoma, ak geewuurjeewi Gomora.

ISAYA 1:9 Mawu Ofanana

GIING'EETA 18:26

Hean gwayeesha NG'UTAMIIDA, “Iyaanyaschi fih haradam ea damanamughuush doobiiweadi aba jeeda mujiineeda Sodoma, abeeda gaydaaghu ng'eanyiisean aba badahuuka nyaawa.”

GIING'EETA 18:32

Ng'ata gwayeesha, “Ea NG'UTAMIIDA adiidu ginyareasi, ak gaydabiikta dabalool nibwagi. Amadeepa gwanda hoowa fih damanamughuush.” Ghwasha nea gwayeesha, “Aba badahuuka fuga atamanamughuush abeeda maydanyarja.”

GIING'EETA 19:24

Hean ghwanung' NG'UTAMIIDA ghwaroabwan roopta ea lagheanga beasta abina humng'eeda heeda NG'UTAMIIDA ak gwaroobassa Sodoma ea Gomora;

1 SUGOODIGA 19:18

Ak gaydaabuut fih sagalamnyooji ispwa aba ng'eanyiida Israeli, was gutung'weaka sean mii gwahiiysa geat Baali, ea giliwas ghuuta miighwasam Baali.”

2 SUGOODIGA 19:4

Ghamneawa gwadeepa ghwayiiy NG'UTAMIIDA was ASEATAANG'U ng'asheega sean bea shirikarajeandida hawiin. Ghayi ajeagu sugoocheanda Ashuru siidaanyi haw goong'eawi ASEETA majeek, ak niny gaygoowoowsa ng'asheega iiy NG'UTAMIIDA was ASEATAANG'U. Eaniyean mwasha ASEATAANG'U ghawooda aba badayda boosteanga abit.”

ISAYA 1:8

Nea hudeaba Sayuni ea sinung'wa heeda ak gawuurji ghooriida aba jeeda madamnyeanda sabiibu, ak gawuurji ghealooda aba jeeda madamnyeanda njooriida, ak gawuurji mujiineeda neaweesa lugooda.

ISAYA 11:11

Ak eaweecheanji Ng'utamiida gayghoahaakta geadi gicha goodeelu boosteangaaschi mida Ashuru, ea Misri, ea Batirosi, ea Gusi, ea Elamu, ea Shinari, ea Hamati, ea ng'eanyiida mida ghuuta basooda.

ISAYA 11:16

Ak gaygwanda naweeda bareanda leabu Ashuru bea fugaaschi ghayi boos aba hoowa gawuurji aba damanda ghayi bea fuga Israeli damanda rinna ng'eanyiida Misri.

ISAYA 17:6

Ak saawa gajeepuusa fiisu ng'ay, gawuurji dayeega siipuutpuudu bea saytuunajeega– gawuurji dayi iyeenya ghana samwagu siipuusa uhuuda damealga mida humng'eeda muuchi. Ghana gawuurji dayi ang'wan ghana muut mida uhuuda damealga geeta jih muuchi gwarugu NG'UTAMIIDA was ASEETA Israeli.

ISAYA 24:13

Aba gideaba bugusta ng'eanyiida ea bugusta eemoojiga gaygawuurji damanda siituumduuma saytuunajeanda, ak gawuurji damanda siiliima sabiibu iing'ata lajoadaanyi.

ISAYA 24:6

Hean ghoah gida aksa riing'eeda ng'eanyiida, nea fuga mida jeeda ng'eanyiida gwandeawa giidiinyeanda, nea goosha fuga badayda ng'eanyiida, ea ghoabit fiisu ng'ay ak ghwahit.

ISAYA 37:4

Gwadeepa NG'UTAMIIDA was ASEATAANG'U ghwayiiy ng'asheega shirikarajeanda haw, ghayi ajeakta sugoocheanda Ashuru was siidaanyi haw, abeeda goojeakta goong'eawi ASEETA mideawa eaweega. Ea NG'UTAMIIDA was ASEATAANG'U, ak gayghoawoow aba ng'asheega iiy, asi mwaasha ASEETA aba badayda boosteanga abit.’”

ISAYA 46:3

“Ooleeysean iit, Ea fuga gheeh Yakobo, boosteanga sean bea gheeh Israeli, aniini ghayi ghaarearjeegwa ghang'eada dea sijiilaneegwa, nea ghaasareaneegwa nea gudu andana jeesinga gheamadigeagwa;

ISAYA 6:13

Earapeadi boos akaleala aba jeeda gea atamanamughuush, gajeaghwarda gicha, gawuurji loongeanda ea sabiida, siipuut hawunyeandaanyi earapeadi silach.” Ak histeayda ghaydit ea hawunyeandaanyi gil.

ISAYA 65:8

Gwayi NG'UTAMIIDA: “Gawuurji gidasinyasiida difaayi aba jeeda sabiibu mughuush ak hean gwayi, ‘adiidu geadataschi, aba gideaba jeadaanyi gwanda badiischooda’, hean gaydasin aba badahuuka fugeasu bea gadiyeeda, nea ea maydahuyda saawa goosha sean.

YEREMIYA 23:14

Nea aba jeeda sibanga Yerusalemu ea naadaayi ng'asheanda nung' ghahamng'eanyi buuneeda inyeesa gamealuuli nea gwanaba ng'uyeega; inyeesa ghaweat fuga sina ng'asheega munyas, nea manda dea jea ghwayamwa geaw jeeda munyinda; aba giteena saawa niwuurji fuga Sodoma aba heedeanyu, nea fuga mida hoowa ea niwuurji Gomora.”

YEREMIYA 42:2

ak geeyeesha sibaneeda siguura Yeremiya, “Geemuscheey mwasa musiischoodeanya, ak gimusiischooweasa aba heeda NG'UTAMIIDA was ASEATAANG'U aba badahuukaasa, aba boosteang'su seaniin (aba gideaba geapuudeasa fiisu ng'ay aba jeeda fuga saang'a aba gididaaktaneasa aba gheanyangaagu),

YEREMIYA 50:20

Aba askwearjoojigiga ea aba damandida, gwarugu NG'UTAMIIDA, munyinda gajeegeanda aba jeeda ng'eanyiida Israeli, ak ea maygwanda, ghana riing'eeda aba ng'eanyiida Yuda, ak ea mwajeanyas earahay, aba gideaba aniini gaydasamsa fugiga ghayi aabuuchi ghoah boosteangean.

HEAREEGA 3:22

Bariinyeega huumwa bea NG'UTAMIIDA meashealana, baydeaydaanyi manda muudeanooda;

HEAREEGA 4:6

Aba gideaba riing'eeda huda fugeasu aahaw, ea ghang'al lasooda Sodoma, ghayi sinung' goosha aba geeshangiga, ak ea manda geatinda siyiin uhuuda.

ESEKIELI 14:22

Nea eara gwasa iimida fuga jea gudugwanda was boosteanga. Ak gweadu orjooga nyaawa ea haweega nyaawa headaang'u ang'iing'i Esekieli, abeeda gaydaaha gideaba ea munyas muuchi, ak gaymwasa gideaba bileangideanyu aba badayda Yerusalemu ea aba badayda haleanjeeda sean aayiini badayda.

ESEKIELI 6:8

“Ak eara gwasunu gaydanung'waada suuk goobiida, nea suuk aba jeedeang'wa gayghaghu aba miyeeda ak gayghoadaarda aba jeeda darooraka buuneeda.

YOELI 2:32

Nea abeeda siida wassean jea gaguura gheawunga NG'UTAMIIDA gayghaghu; aba gideaba aba giijeeda Sayuni ea Yerusalemu gaygwanda fuga jea ghaghu, gawuurji gidanyaashta NG'UTAMIIDA; nea fuga abit gayghaghu.’”

AMOSI 4:11

“Ea naanung' goosha fiisu ng'ay aba jeedeang'wa, gawuurji gidaghayi nung' ASEETA gooshealda fuga Sodoma ea Gomora, ak gawuurji ghweendooda silealna jeeda beasta; ak ea mii abiikni heedeanyu,” gwarugu NG'UTAMIIDA.

HABAKUKI 3:2

Ea NG'UTAMIIDA, aniini naayiinyi iitaang'u, ea gadiyeadaang'u, Ea NG'UTAMIIDA ak ghaabeali. Aba bugusta gweanyeeka aduuni gadiyeadaang'u; nung' eanal aba bugusta gweanyeeka; aba nyarasta apkaada baydeayda.

SEFANIYA 2:9

Asi, gideabideati,” nih ginyah NG'UTAMIIDA bea lugweega, was ASEETA Israeli, “Moabu gaygawuurji Sodoma, ak fuga Amoni gaygawuurji Gomora, ng'eanyiida jea gwarina seenga ea shoomeanga balang'da, was heeda maygwarina gil damanda manda muudeanooda. Ak fugeasu was gheaptanga gayghoang'waay saawa, ak fugeasu bea eemoojiga was gheaptanga gaygwahearan saawa.”

Mattayo 7:14

Gidaghuuta ea mwariis nea naweeda ea mwariis dea jea gagal ghuhooda, ak gajea ng'ay fuga jea ghwadaa.

Ruumi 9:27

Eara Isaya ghwanya ghuuta aba badayda Israeli nea gwayi: “Nea mooneeda Israeli earapeadi saang'a ea gwadeena iseaskweanda basooda, eang'ay gea jea eelealu;

Ruumi 9:29

Hean gawuurji gidaramoaranda Isaya, “Inyeeda Ng'utamiida bea lugooda ea mwanung'uneasa diibiga, ghwanyawa gajea siwuurjeewi Sodoma ak goowuurjeewi Gomora.”

GIIPKEATA DIIGHEANDA 29:23

ak ng'eanyiidaanyi sean gawuurji gilak beasta, ea balang'da, ea gamurjan, nea meehista, ak ea manda gilirina, ak gwanyarja, gawuurji gidaghayi sinyarjeawda Sodoma ea Gomora, Adama ea Seboimu, ghayi yam NG'UTAMIIDA aba nyarastaanyi

2 Betro 2:6

nea iiyam mujiinajeega Sodoma ea Gomora, ak ghwanung' ghoah deareeda ak ghwaaga ghoorjooda saawa ak gwanuuseada nea ghwanung' ghoah gichea eegala aba heeda fuga mabata ASEETEAN;

Giidaheechta 11:8

nea muscheeka nyaawa gaygwalil aba ghuuta naweeda mujiineedida hawiin, nea geegala Sodoma ghana Misri, was heeda ghayi singoorsa Ng'utamiida nyaawa.