ISAYA 1:7 - Bibliyeeda Ghaydit

⁷ Ng'eanyiideang'wa ning'ut salagheang'da, nea mujiinajeegeagwa ea sighwarda aba beasta; nea ng'eanyiideang'wa ea nigeanda rabasta aba madeedeang'wa; ak ea ning'ut salagheang'da, ak ea nilas uhuuda rabasta.

ISAYA 1:7 Mawu Ofanana

2 DAMANYOOJIGA 28:5

Ng'ata ghwayiin NG'UTAMIIDA was ASEATAANYI jeeda geatinga sugoocheanda Shaamu, ak geajoar ak ghwaat ghoah giing'oonyanga fugaaschi saang'a ak ghwaat ea ghoahiita Dameski. Nea eara aba damandida geahaak geatinga sugoocheanda Israeli was dea joar niny aba miyeeda haw.

NYIIGHEEGA 107:34

ng'eanyiida haghweega saang'a ghwanung' ghoah bugharjeanda balang'da, aba munyinda fuga abiita jeeda.

NYIIGHEEGA 107:39

Hean nea ghwasuunya ak gagiisan aba ghabasta, ea minighista, nea gagiisan,

NYIIGHEEGA 109:11

Haleanjeadaanyi sean mideawa gagasa gageanda siida siileeda; nea dageanda rabasta haleanjeeda nyas aba gadiyeeda geatingaaschi!

ISAYA 1:8

Nea hudeaba Sayuni ea sinung'wa heeda ak gawuurji ghooriida aba jeeda madamnyeanda sabiibu, ak gawuurji ghealooda aba jeeda madamnyeanda njooriida, ak gawuurji mujiineeda neaweesa lugooda.

ISAYA 3:8

Aba gideaba Yerusalemu sinyarja, ak Yuda ea niibeada; aba gideaba ng'ushapta nyaawa ea sinaweega nyaawa maweapchi sea NG'UTAMIIDA, nea manung' ghoah gil giigheambiitaanyi aba madeadaanyi.

ISAYA 34:9

Ak eeniga Edomu gajeenung' ghwayamwa ghoah laami, nea sigeadaanyi ghwayamwa ghoah gharinga sisina beasta, nea ng'eanyiidaanyi ghoah laameeda yeat.

ISAYA 49:19

“Nea aba iita heeda iibiiti sinung' ghoah raghoonyeanda ak ea manda buuneeda nea ng'eanyiidaang'u ghayi sidatas– aba huumwa ghamneawa gayghamwanang'iit ak ea maygageanda fugaagu, nea giika ghayi nukghtaneey gajea sheagi.

ISAYA 5:17

Hean dayeega gisilga gayghoajeada gawuurji gidagasiida, ak heeda haghweeda nyaawa sinung'wa heeda gayghoahaaghwa rabasta.

ISAYA 5:9

Ghaayiinyi nea gwayi NG'UTAMIIDA bea lugweega: “Gealga saang'a maygoobiida jeeda sih, gealga hees ea gea miyaasiin maygoobiida sih.

ISAYA 6:11

Hean geayeeshi, “Ea ghoah eeju, Ea NG'UTAMIIDA?” Ak gwayi, “Bwak ea ghang'ut mujiinajeega salgheang'da, nea mutugwanda jeeda sih, nea eara jeeda gealga ea mutugwanda sih, ak eara ng'eanyiida gajea sidatas muuchi,

ISAYA 60:15

Aba gideaba sinung'useey heeda ak geasinyi, ak ea manda eara siida sigu headaang'u, asi gaydagoonyi hawunda damanda manda muudeanooda, ea hooseaneega jeacheenga saang'a.

ISAYA 62:8

NG'UTAMIIDA niyaak habeawooda aba geatindaanyi bea dugwa, ea aba geatindaanyi hoauur nea gwayi, “Aba huumwa maygutaadaw weajoodigaagu boagaagu ghoah hamita nyaawa, nea rabasta ea mayghwali difaayeadaang'u ghayi iisini.

ISAYA 64:10

Mujiinajeagaagu ghaydidi niiw dareapcheeda Sayuni niiw dareapcheeda, Yerusalemu ea niiw raghoonyeanda.

ISAYA 9:18

Ng'asheega munyas bea buuneeda ghwayeata beasta, ak ghwaak ng'eamga ea halaghweenga; ak ghwayeata beasta mida jeeda dimda, nea ghwanung' gwardu aroosta haw gal humng'eeda.

ISAYA 9:5

Aba gideaba dabita sean bea ng'ucheeda, bea siida aba damanda ng'ucheeda ea hang'weaka sing'uda foojeanda, gajeaghwarda ak ghoah ghweenga jea eayiin jeeda beasta.

YEREMIYA 2:15

Nea ghoamuum ng'anyeeka aba badaydaanyi, nea ghoamuum aba giijuureanda. Nea ng'eanyiidaanyi geanung' ghoah eeshtearajeanda; ak mujiinajeagaaschi ghoah eemeega, manda jeeda sih.

YEREMIYA 4:7

Ng'adiida nirina jeeda surbataanyi, nihidu dararoocheanda eemoojiga, nirina heeda eawoojisu abiita nihidu ghabwara darari ng'eanyiidaang'u; nea ng'eanyiidaang'u gayghoah raghoonyeanda nea mujiinajeagaagu gayghoah eemeega manda jeeda sih.

YEREMIYA 44:6

Ak aba ng'asheanji ghwayeat nyarasteanyu ea jaliideanyu ak ghwayeat aba badayda mujiinajeega Yuda ea aba naweadinga hees bea Yerusalemu; ak mujiinajeesu ea sinung'usa heeda nea gagiisan nea gwanyara, ea gawuurji gidoong'uliidi ghamneawa.

YEREMIYA 6:8

Ea Yerusalemu, mwasa eamiin gheang'daang'u, amasa gaydajaktaneey; ea mwanung' huwa siida salgheang'da, ghana huwa raghoonyeanda.”

YEREMIYA 7:34

Ak gaydanung' goosha ghuusiga rearga ea hooseaneega aba jeeda mujiinajeega Yuda ea jeeda naweadinga Yerusalemu, ea hooseaneega sibeeda ea siida geeshi, aba gideaba ng'eanyiida gaydanung' ghoah raghoonyeanda.

HEAREEGA 5:2

Hearaniischoodeanya niyamwa ghoah dea rabasta, ak gealgaasa ea nigeanda fuga jarooda.

ESEKIELI 25:4

Asi aba badaydeaba nih gaydayiineagwa geatinga fuga heeda ghayeawa goombaleegwa nea ghwadeas ghoorajeega nyaawa aba bugusteang'wa, nea goobiida ng'eang'deang'wa gayghwaak haghweegeagwa, nea ghwali eanoogeagwa.

ESEKIELI 30:12

Ak gaydanung' ghwajaam eeniga nea ghaashaaydi ng'eanyiida, dayiin geatinga fuga munyas, ak ng'eanyiida gaydanung' ghoah raghoonyeanda ea fuga sean mida jeeda. Ak gadiyeeni gaygwasin rabasta, ng'asheanji gearugu aniini NG'UTAMIIDA.

HOSEYA 7:9

Uurdaanyi niyaak rabasta, nea niny ea mandeawana iita; nea uhuudaanyi ea ninyiit ghearashka, nea niny ea mandeawana iita.

HOSEYA 8:7

Saawa nihista jeameeda, ak gayghwalach shaarara. Booga miinaada ea mandeawana bayriida, ak ea maygwaji hamita; eara iijih, gayghwaak rabasta.

NG'ASHEEGA LAWI 26:33

Ak gaydanung' adarsiina bugusta eemoojiga, ak gaydayiin geeshteang'wa ng'uta; nea ng'eanyiideang'wa ea maygwanda sih, ak gaydanyarjeaweada mujiinajeegeagwa ea ghoah raghoonyeanda.

NG'ASHEEGA LAWI 26:34

“Abeeda gaygahoosassa ng'eanyiida sabaatohajeagaaschi earapeadi niiw raghoonyaan, nea goondi jeeda ng'eanyiida weajoodigeagwa; ak abeeda gaygafuuf ng'eanyiida, ak gahoosasa sabaatohajeagaaschi.

MIKA 5:11

ak gaydanyarjeawi mujiinajeega ng'eanyiidaang'u nea geanyarji ghamardida;

MIKA 6:13

Asi naang'eachi bayiigeagwa, nea ghoahuuyi fuga sisach aba badahuuka riing'eegeagwa.

GIIPKEATA DIIGHEANDA 28:33

Nea eemeeda minali gayghwaak haghweega madamnyeandaang'u ea gadiyoojiga iisini aba uurdaang'u; gajeeghabasnyi nea geesawanyi galeaga sean;

GIIPKEATA DIIGHEANDA 28:43

Nea rabascheanda mida headaang'u gaygabaruur muuchi nea gaburdeaweey uurda, nea ang'iing'i gaygoosha uurdaang'u nea gibwarbwariidi.

GIIPKEATA DIIGHEANDA 29:23

ak ng'eanyiidaanyi sean gawuurji gilak beasta, ea balang'da, ea gamurjan, nea meehista, ak ea manda gilirina, ak gwanyarja, gawuurji gidaghayi sinyarjeawda Sodoma ea Gomora, Adama ea Seboimu, ghayi yam NG'UTAMIIDA aba nyarastaanyi