ISAYA 1:6 - Bibliyeeda Ghaydit

⁶ Ghang'eada baneakta geeshta ea gagul uhuuda, manda eaweega jeadaanyi, geaghus ghururuutka ea deaneaduutka rinna foojeanda; ak ea miyearat nea miyeechiista ak ea miyeeyeash aba nagheeda.

ISAYA 1:6 Mawu Ofanana

2 SAMWELI 14:25

Iidu ea manda eara siyagi sam Absalomu aba alooheeda jea eaghwar aba jeeda buuneesean bea Israeli; ghang'eada baneakta geeshtaanyi ea ghwahita uhuudaanyi manda gidamuy jea eerukuna badaydaanyi.

AYUBU 5:18

Aba gideaba niny inyeesa gwasawan siida, ak ghoaleakghleakgh, niny inyeesa ghwayiin deaneadeeda ak ghoahaap aba geatindaanyi.

NYIIGHEEGA 77:2

Eaweeda sawanadeedeanyu geagasayi NG'UTAMIIDA; ak ghaamiindi geatindeanyu eawa deageal headaanyi nea mabura; ak ghaheawa gurooroodeanyu gideaba gajeegeandeawa salgheang'da.

ISAYA 30:26

Ak weeshinda sheeda gaygawuurji dea daknooda, nea daknooda ghoahaada niba ispwa, gawuurji daknoomba eawooji ispwa. Ak ng'asheesu gaygapnu eaweeda jea ghoahaabwa NG'UTAMIIDA deaneaduutka fugaaschi nea ghwarat.

YEREMIYA 17:9

Guroorooda gaba ng'uya ea ghwanaawa haleanjeeda sean, nea ea nidatasa muuchi; gayghoamu ng'eaha ghwanal?

YEREMIYA 30:12

“Aba gideaba gwayi NG'UTAMIIDA: Dam eamgaagu maygaheaba, ak eara deaneaduutkaagu ea maygaheaba.

YEREMIYA 30:15

Ghwasaan giiyeawdi dameamgaagu? Sawanaduutkaagu maygoosha Aba gideaba ramaseanyeekaagu aasaang'a Nea riing'eagaagu aasaang'a muuchi Ghoaw gideasimaneeyi ng'asheesu seaniin.

YEREMIYA 33:6

Ng'ula, gaydagoonyi majeeknata ea heapta ak gaydaahaap saawa, nea gaydeadaheachsa saawa hoyyooyda haw ea huumeanda.

YEREMIYA 6:14

Niihaap deaneaduutka fugeasu nea gwahinda gil mii gwasawana, nea gwayeena, ‘hoyyoo ea hoyyoo,’ nea ea manda hoyyoo.

YEREMIYA 6:7

Aba gidadiwiida dabascheanda beega miyas, niny ghoamu goodiiw munyindaanyi; ng'ooweata ea nyariida geeyiing'sa headaanyi, nea geeyooda ea deaneaduutka gwanda madeedeanyu galeagasean.

NAHUMU 3:19

Manda siida jea ghabwayda sawanadeadaang'u, deaneadeadaang'u mayghahaap. Fuga sean iiy iitaang'u ghabwar geatinga nyaawa aba badaydaang'u. Ak gwanda siida niidaraam ng'weanindaang'u measheala?

MALAKI 4:2

Nea agoogeeda awali gheawungeasu gaygoorearseegwa aseeta doobiiwnata, nea gwandeawa giiheapta aba meang'eagaaschi. Ak gajaweayeena nea gheadaanghandi muhooga seamooda.

Mattayo 9:12

Iiy niny gwayeesha, “Fuga majeekcheewi magaseadayi meang'nyeanda, geaghus fuga miyeani.

Lukka 10:34

gaweesa ak ghwayeasha deaneaduutka nagheeda nea ghwayiin difaayi ak ghwarat ama hit goodiing'da badayda digeeda ak ghwaat ea ghoahiita gheeda roocha rabasta ak ghoarear.