ISAYA 1:4 - Bibliyeeda Ghaydit

⁴ Ashageada geat eemeeda riing'eega, fuga sar sareenda ng'asheega munyas jeata fuga sina ng'asheega munyas orjooga sina ng'asheega riing'eega! Ninung'wa heeda NG'UTAMIIDA, nea gafool dea ghaydit bea Israeli nifuurji ak gabiikta bwadaw

ISAYA 1:4 Mawu Ofanana

GIING'EETA 13:13

Abeeda fuga Sodoma ea munyas, ak gaba riing'a muuchi aba madeeda NG'UTAMIIDA.

2 SUGOODIGA 21:22

Ak ghwanung'wa heeda NG'UTAMIIDA was ASEETA ghweanigaaschi, nea mwaada naweeda NG'UTAMIIDA.

2 DAMANYOOJIGA 12:1

Iimuchu nea ghoang'eat Rehoboamu gheambalmeadaanyi nea ninyas uurda, gafool diigheanda NG'UTAMIIDA, nea fuga sean bea Israeli gwandeayi sea niny.

2 DAMANYOOJIGA 27:2

Ak gwasin doobiiwnata aba madeeda NG'UTAMIIDA gawuurji ng'asheega sean ghayi sin ghwaan was Usiya nea gida masina ea beata jeeda gheeda sibata NG'UTAMIIDA. Nea buuneeda ea gudu gwasina ng'asheega munyas.

NEHEMIYA 1:7

Sisinyi ng'asheega munyas saang'a aba badaydaang'u, ak ea miyeeng'waanya digheanyeeka, ea deaweedeeda ghayi irukusi Musa was siidaang'u bea gadiyeeda.

NYIIGHEEGA 58:3

Fuga munyas gwarooda ghang'eada dea sijiila, fuga ng'uyeega rooda ghang'eada jih.

NYIIGHEEGA 71:22

Ak gaydaduumsheeseey aba gidoondooriida aba badayda doobiiwnataang'u, Ea ASEETEANYU; gaydasarman duumsheesiinda aba gidoondooriida, Ea dea Ghaydit bea Israeli.

NYIIGHEEGA 78:40

Saawa ninung'usa heeda niny niba hada aba dareapcheeda, ak ghoanyareas niny aba eeshtearajeanda!

NYIIGHEEGA 78:41

Ng'ata gabiikta bwadaw ak gwasim ASEETA, ak ghoanyareas dea asagi Ghaydit bea Israeli.

NYIIGHEEGA 78:57

ng'ata gabiikta bwadaw ak ghwayam geat ak gwasin ng'asheega munyas gawuurji ghweaniga nyaawa; ak gwayama geaw gawuurji ghuweang'da mii majeek.

NYIIGHEEGA 78:8

ak abeeda ea mawuurji ghweaniga nyaawa, seaygeeda ng'ooweata biissa ea nisach geat, seaygeeda mandeawana bariinyeega aba gurooruunatka nyaawa, nea gurooruunatka nyaawa ea mii doobiiweadi aba heeda ASEETA.

NYIIGHEEGA 89:18

Aba gideaba igeamboodeanya NG'UTAMIIDA gil nea sugoocheandeanya gaba dea ghaydit bea Israeli.

RITEAYDA 32:7

Ghwalamda NG'UTAMIIDA ak gwayeesha Musa, “Rarang'aada una heeda fugaagu ghayi iiruuni ng'eanyiida Misri, aba gideaba niidiiy ak ghaheawanaan,

ISAYA 1:23

Fugaagu hees nischoarda, fuga nyaawa duupchi ea mareanghooga gil. Ak gaba nih bwariiy seawshooda nea gagasa haleanjeeda guskuseega. Ak ea moadawa bananga gitoobiiwsa, nea eara girgweageeda masiinung'weanda ea meeyeasiina saawa.

ISAYA 1:28

Ak fuga ng'adeadi ea gea riing'eega, gajealas uhuuda aba gheadagi, nea gea nung'wa heeda NG'UTAMIIDA gajeenung' goosha.

ISAYA 10:6

Gaydeajeakta ghabwar eemeeda munyas seara, ak ghabwar fuga eanyareeksi, ak ghoareat haleanjeeda nea ghwanung' ghoah rabadanga, nea ghoalaapta ng'eanyi gawuurji sheang'weeda mida naweeda.

ISAYA 12:6

Oochuura, nea goosarmanyi aba hooseaneega, Ea fuga Sayuni, aba gideaba daahaw mida jeedeang'wa ASEETA ghaydit bea Israeli gil.”

ISAYA 14:20

Ak ea majeebung'seey hijagi sea saawa aba jeeda bung'eeda, aba gideaba nilasi uhuuda ng'eanyiidaang'u, ak ea ninuusi fugaagu. “Jeacheenga jiilu gea munyas mwajeapkaat earahay!

ISAYA 29:19

Fuga eadageat ng'eanyi gayghoahaada hooseaneega nyaawa aba badayda NG'UTAMIIDA, nea fuga barbari mida bugusta buuneeda gaygahoosan aba badayda dea Ghaydit asagi bea Israeli.

ISAYA 3:8

Aba gideaba Yerusalemu sinyarja, ak Yuda ea niibeada; aba gideaba ng'ushapta nyaawa ea sinaweega nyaawa maweapchi sea NG'UTAMIIDA, nea manung' ghoah gil giigheambiitaanyi aba madeadaanyi.

ISAYA 30:1

“Dashageada diibiga heawanaan,” gwarugu NG'UTAMIIDA, “gasa gideaba gajeergweaksa, ak ea magasa heedeanyu, inyeessa ghamwaal ng'asheega nyaawa nea mii gea gurooroodeanyu aba gideaba geejipsa riing'eeda badayda riing'eeda.

ISAYA 30:15

Aba gideaba gwayi NG'UTAMIIDA was ASEETA, Ghaydit Asagi bea Israeli, “Inyas goobiigu heedeanyu ak goofuufchi gajaghuuha, inyas ghoasiindi ak ghooghuschaan abeeda gajanyasa uurda.” Ak ea moamwasi.

ISAYA 30:9

Aba gideaba fiisu ea hang'oonyi iheeni, was orjooga ng'uyeega, orjooga mayghwayiiy ginyah NG'UTAMIIDA;

ISAYA 31:2

Ak niny gwandeawa weaghuumeeda, ak gaygweadu sawanadeeda, nea mayghwayam ng'asheagaaschi, ak gayghang'eat gang'uchi sea fuga munyas seara, ea gea weat fuga munyas.

ISAYA 37:23

‘Ghayi niing'eawayi ng'eaha ak ea nirukusi ng'eaha ng'asheega munyas? Ak ea nijaadi ghuutaang'u ajuursiina ng'eaha, nea gimachiidi ng'eaha aba ghwarjeeda, mii Deaghaydit bea Israeli!

ISAYA 41:14

Gwayi NG'UTAMIIDA, Ea fuga Yakobo ng'arng'ari nea gwadeena ghuughuucheeda, ea fuga Israeli, adoabeali, adoabeali, gaydaweadeagwa, aniini geawooschi lealnoocheandeang'wa was dea ghaydit bea Israeli.

ISAYA 41:16

gajaleala saawa ak gayghwaat jeameeda, ak ghwanung' shaarara gaguudeadayi. Ak gayhoosasiina NG'UTAMIIDA was dea asagi Ghaydit bea Israeli ak gajoakghaambiida.

ISAYA 41:20

Ak gayghwadaah buuneeda ng'asheanji ak gwajeeng'u, nea ghwanal sean gideaba ng'asheesu gwasin NG'UTAMIIDA, dea asagi Ghaydit bea Israeli deasin ng'asheanji gil.

ISAYA 5:19

Nea geeyi, “Anung'waada Ng'utamiida ghwalamwajaan, nea geadaayi gichea gwasinda gadiyeadaanyi; diita ghaydit bea Israeliin gajeadaah gidida gasa gwasiniin ak abeeda geanali!”

ISAYA 5:24

Asi gaygawuurji ng'ushapta beasta inyeesa ghwaak mbarariida gajeami, ea nyeega gajeami abissa jeeda beasta, ak eara hawunga nyaawa gajea munyas, nea eara deakghweeda nyaawa gayghwaraghwaata jeameeda gawuurji birjeanda; aba gideaba ghaheawa deaweedeeda NG'UTAMIIDA lugweega, nea gafool ng'asheandaanyi dea Ghaydit bea Israeli.

ISAYA 57:17

Aba badayda ng'asheagaaschi munyas bea geawunda gheang'daanyi, ghaanyareaschi, ak ghaalaschi, ak ghaafunyi gheamamdeanyu ak ghaanyareaschi; ak gawa mwadi aba hang'ooynata uhuuda nea ghwaat naweeda gurooroadaanyi nea gabwageaw.

ISAYA 58:2

Ak gagaseadayean galeagasean, gagasa ghwanal naweadingeasu, gawuurji eemeeda Sini gea doobiiweadi, nea mwanung'waada deaweedeeda ASEETA nyaawa, ak aba heedeanyu gagasa diigheanda doabiiwaat ak gahoosan aba gideaba gwaneekiisa ASEETA.

ISAYA 65:11

Nea agoogeeda oanung'wi heeda NG'UTAMIIDA ak gwarooseegwa giijeedeanyu ghaydit nea measeeda siguura gheamamda miy ea gheamamda muy ak ghoanyiichi gikoombajeega difaayeeda siikuuyi sea habitkwajeega.

ISAYA 65:3

Fuga inyeesa ghwanung' danyareas aba madeedeanyu galeagasean, inyeesa ghoadayda lukghumeeda aba jeeda boostaaneeda nyaawa ea haleanjeeda sisapa geadi siing'andiita aba uhuuda matafwaari.

ISAYA 9:17

Asi NG'UTAMIIDA maygahoosan aba badayda gheareemanga nyaawa, nea mayghabwayda bananga ea masinung'weega nyaawa; aba gideaba manda eara siyagi awal gheang'da ASEETA ak gaba ng'uya sean, nea eara aba badaydeaba suh seaniin ea mii goosha nyarastaanyi gudughamiinda geatindaanyi.

YEREMIYA 15:6

Gwayi NG'UTAMIIDA, agooga noaheawanaan, Ak goobiikti bwadaw; Ak ghamneawa ea neagatkachi geatindeanyu dahasheegwa;– Aba gideaba neaburji aba baydeaydeang'wa.

YEREMIYA 2:13

aba gideaba fugeasu nisin riing'ooji iyeenya: ninung'wanaan heeda, aniineeda was eenda mideawa beega eaweega, ak gagurgursa geat healatka, healatka seaweadi jeesin moamu goodiiw beega.

YEREMIYA 2:17

Ng'asheesu noanung' goobisseegwa aba gideaba ghoanung'waadi NG'UTAMIIDA was ASEETEANG'WA, damanda ghayi adoabiiweagwa aba naweeda?

YEREMIYA 2:19

Asi ang'iing'i gaygabiikseey munyindaang'u, nea ng'ooweataang'u gayghwaaknyi, Nala ak gidaahi gideaba eamuy ak ea ng'waan, asi nala ak gidaahi gideaba nih ng'asheanda muy muuchi mideawa ng'weaniidooda; aba gideaba ninung'usi heeda NG'UTAMIIDA, was Ng'utamiida bea lugweega.

YEREMIYA 2:31

Asi agooga, Ea seaygoojiga, ooleaydit ng'asheanda NG'UTAMIIDA. Heapi aniini naahuuyi dareapcheeda aba heeda fuga Israeli, ghana ng'eanyiida mideawa misaneeda duw? Ghwasaan anda fugeasu gwayi ‘Aseasa meawasi radanga, maygudu eebiikna gicha headaang'u’?

YEREMIYA 2:33

“Ang'iing'i guwoosi geariir aba gasooda ng'wasanga! Eara gadeemga gwaneadi niinaali naweadingaagu.

YEREMIYA 2:5

Gwayi NG'UTAMIIDA: “Ghweanigeagwa ghwadaah munyinda naaha aba heedeanyu bwak ea ghang'amwa heedeanyuun? ak ghwaat geeshta haleanjeeda marachi gil, ak hean eara saawa ghoah fuga marachi gil

YEREMIYA 32:32

Nea aba ng'asheega munyas bea orjooga Israeli ea orjooga Yuda, ghayi sin ak ghoanyareasan saawa ea sugoodiga nyaawa, ea fuga nyaawa hees ea ashoohoodiga nyaawa ea sibanga nyaawa, ea fuga Yuda, ea fuga Yerusalemu.

YEREMIYA 50:29

“Aguursiina fuga jakiida geatka ang'ucheewana Babeli ayaada buuneesean nal gwaradu ghuweang'da. Aneaweesiina mujiini; adaghawapta eara siyagi. Awalda mureandooda aba giteena giidiinyeanyeekaaschi; asimana gidasima buuneeda suurja aba gideaba nisin ghwarjeeda aba badayda NG'UTAMIIDA, was dea asagi Ghaydit bea Israeli.

YEREMIYA 51:5

Aba gideaba Israeli ea Yuda ea mii gwanung'usa heeda ASEETA nyaawa, was NG'UTAMIIDA bea lugweega; nea ng'eanyiida Galdayo ghwanyiit munyinda aba heeda dea Ghaydit Asagi bea Israeli.

YEREMIYA 7:19

Gwayi NG'UTAMIIDA, ghamneawa iing'ulayi ghoanyareasan? Ghwanyareas geat saawa, ea ghang'uda geat deembeaneega?

YEREMIYA 7:26

ak eara gwasa, saawa ea mooleeysiinean iidiga nyaawa nea maduupa gil, hean goohang'oonyi gheatkweaka nyaawa. Ak gwasin dea muy ea ghwanaawa ghweaniga nyaawa.

ESEKIELI 14:5

Gaydasat gurooruunatka fuga Israeli aba gideaba gabiigu ghapka heedeanyu, aba gideaba nisheagiideawanean ak gabada sanaamajeega nyaawa.

ESEKIELI 16:33

Buuneeda inyeessa ghoadaw gadeemga sean hiseada haleanjeeda guskuseega. Nea ang'iing'i giidawi fugaagu sean ibwariinyi haleanjeadaang'u bea guskuseega, nea giidawi eara seawiischooda aba gideaba gisaawi ak ghapka headaang'u nea gwaleabu meadajeega sean. Aba hiseadayeanduumeadaang'u.

ESEKIELI 16:45

Ang'iing'i guwoosi huda ak gwajiilnyi geamadu, dea sit siyeadaanyi, ea diibigaaschi. Ang'iing'i guwuurjeewi haweega giyeang'wa, gea sit siyeenatka nyaawa, ea diibiga nyaawa, geamadu gaba eemeeda Hiti, nea gweanu gaba eemeeda Amori.

DANIELI 9:11

Buuneesean bea Israeli ninuus deaweedeadaang'u ak gwanung'usa heeda, ak ghaheawa gwasissa mureeda ghuutaang'u. Nea mooshteayda ea habeawooda sing'oorsa jeeda deaweedeeda Musa was siida gadiyeeda bea ASEETA ak ea siyiin badahuukaasa, aba gideaba sisissi niny riing'eeda.

SEFANIYA 1:6

ea giika biikta bwadawiin nea mwaada geeshta NG'UTAMIIDA, ea giika magaseadayi NG'UTAMIIDA ghana ea moonyeariida ninyiin.”

IITOODA 32:14

Ak ging'ulayi, agooga nootiing'u geat ak gooweayi hoorgeeda ghweanigeagwa, seedooyda fuga riing'eega, ak ghoahaat gicha nyarasta NG'UTAMIIDA aba badayda Israeli!

Mattayo 11:28

Apkaani heedeanyu oogasean agoogeeda deawiit nea ghabwaanyeegwa sareenda, ak gaydeafuufeegwa.

Mattayo 23:33

Ea ichipkeega ea dayeega udang'usheega, gajoamuustaan amulsiina girgweageeda jea ghwaadeagwa heeda maloonghajeega?

Mattayo 3:7

Hean nea ghwadaah Farisaayajeega saang'a ea Sadukayajeega nea ghapka headaanyi goobaatiisan, ak gwayeesha, “Ea dayeega udang'usheega! Gwareekuseegwa ng'eaha ea amng'awana nyarasta jea ghwahidu?

Ruumi 8:7

Nea fughareeda siikeal ng'asheega saseeda ea muy aba heeda ASEETA; ghanyea mamwasa deaweedeeda ASEETA, nea aba huumwa ghanyea maygwasissa mureeda;

1 Goriinto 10:22

Ghana sigasayi eang'udana Ng'utamiida lachng'eanyiida? Neada geandeawi uurda ea eeburdeawana niny?

GIIPKEATA DIIGHEANDA 29:25

Hean gaygwayi headiga, ‘Aba gideaba geanung'waada neajeeda NG'UTAMIIDA was ASEETA ghweaniga nyaawa, ghayi sin sea saawa aba damanda aruuna saawa ng'eanyiida Misri,

GIIPKEATA DIIGHEANDA 31:16

Ghwalamda NG'UTAMIIDA ak gwayeesha Musa, “Ng'ula, eawoojigaagu jea meawana nineekiit, ak fiisu gayghang'eat ghwaat geeshta hiseadayeanduumeeda aseecheeka rabasta mida ng'eanyiida, ak ghoabita bugusta nyaawa, ak gaygwanung'usean heeda ak gaygwanyarja neajeedeanyu ghayi easinyi sea saawa.

GIIPKEATA DIIGHEANDA 32:19

“Ghwadaa NG'UTAMIIDA ak ghwasit saawa, aba gideaba ninyareas orjoagaaschi ea haweagaaschi.

GIIPKEATA DIIGHEANDA 32:5

Sisissa niny ng'asheega dataseadi, mahaguuwa gideaba gajawoosa diibigaaschi aba gideaba geeyeateeweegwa ghuut, saawa seaygeeda hang'oonyi iheeni gil biissa ea roodeadi.

Golosaayi 1:24

Ak ghamneawa geang'weelayi aba sawanadeeda aanyaschi aba badahuukeagwa, nea aba saseedeanyu ghaahiichi giika shoodaan aba sawanadeeda Gristo aba badayda saseadaanyi, nea ea ganiisa,

Giidaheechta 18:5

aba gideaba riing'eadaanyi sijip ea ghwahita humng'eeda, ak ea niipkaat ng'asheagaaschi munyas ASEETA.

FUGA LAJA GIRGWEAGUUTKA 10:10

Ng'ata gooyeawusa fuga Israeli NG'UTAMIIDA nea gwayeeniisa, “Aseasa sisinneey riing'eeda, aba gideaba sinung'i heeda ASEETEANYA ak geegadiyeesi Baali.”