ISAYA 1:16 - Bibliyeeda Ghaydit

¹⁶ Oohuuna geat; ak ghoamiidu geat; nea ghoanung'waadi ng'asheega munyas oosinayi aba madeedeanyu; anung'waada sinooda ng'asheega munyas.

ISAYA 1:16 Mawu Ofanana

2 SUGOODIGA 17:13

Ak eara aba badaydeaba suh NG'UTAMIIDA gwareekusa fuga Israeli ea Yuda. Aba ghuuta gilinyoo ea sibaneeda gil, ea gilinyoo ea siida deaha ng'asheega gil nea gwayeesha, “Aduukuunana nea ghoanung'waadi naweadinga ng'asheegeagwa munyas, ak ghoang'waanyi diigheanyeekeasu as damanamughuush, ea huumeanyeekeasu aba giduurji deaweedajeega sean ghayi earukusi ghweanigeagwa, ak ghaanung' gweadu heedeang'wa fugeasu bea gadiyeeda was sibanga.”

NYIIGHEEGA 26:6

Gaydeahuun geatingeasu aba gideaba mandanean ramaseanda; ak ea neaweesi headaang'u bea wagiida, Ea NG'UTAMIIDA,

NYIIGHEEGA 34:14

Nung'waada ng'asheega munyas, ak gisini gea miyaas; gasa hoyyoo, ak giyaadi geeshta.

NYIIGHEEGA 37:27

Aheeleewana geaw munyinda, ak gisini ng'asheega miyaas; ak gajabiidana damanda manda muudeanooda.

NYIIGHEEGA 51:2

Ahuunean muuchi aba munyindeanyu, ak giimiinaan aba riing'eegeasu!

GHWASIILDEANGA 21:3

Sinooda ng'asheega miyaasiin doobiiweadi gayghwanung' gahoosan NG'UTAMIIDA ea ghang'al lukghumajeega.

GHWASIILDEANGA 4:27

Adisachsi geaw gala geatinda dugwa, ghana geatinda ghaadaam, nea aduwi jeeda ng'asheega munyas.

ISAYA 52:11

Aweayeena, aweayeena, ariteawana hoowa, adoasachi gidamideawa ririnnyeanda, ariteawana bugustaanyi awasa miyaas, agoogeeni oasareanyi haleanjeeda NG'UTAMIIDEAN.

YEREMIYA 18:11

Ng'ata gwayi, fuga Yahudi ea gea abiita Yerusalemu: ‘Gwayi NG'UTAMIIDA, Ng'ula ghaang'waaniichi munyinda aba badahuukeagwa nea ghaadapchi munyinda aba badahuukeagwa. Daba siisi yamwa geaw naweadinga munyas, ak goobiikti ooweeshiida naweadingeagwa ea sinaweegeagwa.’

YEREMIYA 25:5

nea gwayeena, ‘Daba siisi yamna geaw aba jeeda naweadingaaschi munyas ea sinaweagaaschi munyas, ak abeeda gajanyas giibinda jeeda ng'eanyiida ghayi nigooneegwa NG'UTAMIIDA, agooga sea ghweanigeagwa aba garayi ak gayghoah deang'wa ghang'eada garayi ea ghoah damanda manda muudeanooda;

YEREMIYA 26:3

Gwadeepa gooleeysiit, ak gaba nih duukuuna aba naweadingaaschi munyas, ak abeeda eara aniini gaydaduukuuna munyinda ghayi eagasayi dasima saawa aba munyasnacheeka nyaawa.

YEREMIYA 35:15

Ak geajeagu fugeasu sean bea gadiyeeda sibanga saawa geajeagu heedeang'wa ak gwayeeshiineegwa, ‘Daba siisi abuut naweadingaaschi munyas, nea ghwanung'waada sinaweagaaschi munyas, nea ghwanung'waada eata geeshta aseecheeka gadiyeesa. Ak gajoopiidana jeedeaba ng'eanyiini ghayi eagoonyeegwa ea ghweanigeagwa.’ Ak ea moayiinyi iiteanyu nea mooleeysean iit.

YEREMIYA 4:14

Ea Yerusalemu ahuuna munyinda mida gurooroadaang'u, ak abeeda gajeelealneey. Ghamneawa gajateemsheesiina ng'asheega munyas aba jeadaang'u ea ghoah eeju?

AMOSI 5:15

Asta gea munyas, ak ghoabwariinyi gea miyaas, ak goosikteawi doobiiwnata aba dooshta; eara NG'UTAMIIDA, was ASEETA bea lugooda, gayghabwaydaneegwa aba gheaptanga Yosefu.

YONA 3:8

ak abeeda buuneesean ea diyeanga anung' gookwa hang'weaka guniyajeega, ak gooyeawusa ASEETA muuchi; daba siisi nung'waada ng'asheagaaschi munyas ea munyinda mida geatingaaschi.

SAKARIYA 13:1

“Eaweedida gajeajaat gheang'da eenda aba badayda gheeh Dawdi ea dea fuga mida Yerusalemu eamiidu saawa aba riing'eeda ea ririnnyeanda.

SAKARIYA 7:7

Heapi! Suh mii ng'asheega rugu NG'UTAMIIDA aba ghuuta sibangeaba garayi damanda ghayi abiideewa Yerusalemu buuneeda nea ghwanyagaada nea abeeda geeneaweesa mujiinajeagaaschi, nea abeeda ng'eanyiida Negebu ea Shefela goobiida buuneeda?”

Mattayo 3:8

Asi ajiila haghweega miisa duukuunooda,

Gadiyeeda Giijasoodiga 22:16

Ghamneawa giimuughu naaha? Ng'eada eebaatiisanyi, ak geehuun riing'eagaagu, nea giguursi gheawungaaschi.’

Ruumi 12:9

Bariinyeega gagasa gaba huumwa; sit ng'asheanda muy, nea ghoang'waanyi ng'asheega miyaas;

2 Goriinto 7:1

Iinukwa geandeawi heeleesiini fugeasu aabwariinyi, abeeda ghang'wana geehuunyi geat aba ririnyoojiga sean bea saseeda ea guroorooda nea geemajeekchi ghaydidanda aba gheawalmeeda ASEETA.

Yakkobo 4:8

Aneekiisiina ASEETA ak gaygwaneekiiseegwa agooga. Oamiini geatingeagwa, ea fuga riing'eega, oamiini gurooruunatkeagwa, ea fuga mabwagi.

1 Betro 2:1

Asi ageandeawana geat munyinda sean ea milmilanda sean ea nyoota doobiiwnata ea shidoodeaba ghaang' ea beeshta sean.

1 Betro 3:11

ak ea danung'waada ng'asheega munyas ak gwasin gea doabiiw; ak ea dagassa hoyyoo, ak ghwaat geeshta muuchi.

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.