ISAYA 1:14 - Bibliyeeda Ghaydit

¹⁴ Ghweelmoojigeagwa bea ng'ushiinda sheeda, ea ghweelmoojigeagwa sirukuneegwa, ghwasit gurooroodeanyu, niiw sareenda durumwana aba heedeanyu, ak ea niiburan sareenda.

ISAYA 1:14 Mawu Ofanana

1 DAMANYOOJIGA 23:31

ak iissa damanda siitaydaawa haleanjeeda ghadooweeda sighwarda bea NG'UTAMIIDA aba eaweeda sabaato, ghana aba ng'ushiinda sheeda ea eawoojiga ghweelmeeda, aba giteena mooneeda sigasa aba heanyaawa, aba gealga sean aba madeeda NG'UTAMIIDA.

ISAYA 29:1

Eamuy daang'u mujiineeda Yerusalemu, heeda wagiida bea ASEETA, mujiineeda deeksa Dawdi hoorgeadaanyi! Inyeessa ghwahidu gweanyeeka ak ghang'ata, ea ghweelmoojigaaschi.

ISAYA 29:2

Ak gaydang'uda gurmeahiida Yerusalemu, ak gaygwanda giinyahuushooda ea shooka, nea aba heedeanyu gaygawuurji Yerusalemu.

ISAYA 43:24

Mii sheaynean nagheeda ng'andit aba lapiya, nea minung' dalang'u aba nagheeda lukghumajeagaagu, ak riing'eagaagu ea niiw sareenda aba heedeanyu nea niiburan ng'asheagaagu munyas.

ISAYA 61:8

Aba gideaba aniini NG'UTAMIIDA ghaabwariinyi girgweageeda doabiiwaat, ak ghaasichi lachng'eanyiida ea ng'asheega munyas. Ak gaydawalu waldeayda huumwa, ak gaydaneaji sea saawa neajeeda manda muudeanooda.

ISAYA 66:23

Ak gayghang'eada ng'ushiinda sheeda ea ghwahita ng'ushiinda sheeda, ak ghang'eada sabaato ea ghwahita sabaato niirja, gayghapka buuneesean ghabwat gheawungeasu aba madeedeanyu, gwarugu NG'UTAMIIDA.

ISAYA 7:13

Hean ghwalamda Isaya gicha ak gwayeesha, “Oaleaydiit, Ea fuga gheeda Dawdi! Aba heedeang'wa ng'asheanda mwanang' gideaba gajanung' gabur buuneeda ak googasayi oopuura eara ASEETEANYU?

HOSEYA 2:11

Ak gaydahuta hooseaneagaaschi sean, ea ghweelmajeagaaschi sean, ea eawoojigaaschi sean bea ng'ushiinda sheeda, ea sabaatohajeagaaschi, ea ghweelmoojiga ghayi sirukuta.

HOSEYA 5:7

Nidatas masaweega nyaawa aba heeda NG'UTAMIIDA; aba gideaba niji diibiga jarooda. Ak ghamneawa sheeda sing'usha gaygahuuyda saawa ea madameega nyaawa.

AMOSI 2:13

“Ang'ula, gaydadiing'seegwa ng'eanyi aba heeda oondi, gawuurji mutukooda nyiit sareenda booga ea gwadiing'sa ng'eanyi.

AMOSI 5:21

“Aniini ghaasichi, ak geafooli ghweelmajeegeagwa, ak ea maydahoosan aba baditeang'wa bea geat.

SAKARIYA 11:8

Ak ghaabwarji jeagiischoodi samwagu aba jeemba sheanagi, aba gideaba neaburji aba badahuuka nyaawa, ak eara saawa ea nibur aba badaydeanyu.

MALAKI 2:17

Ang'iing'i niibuuri NG'UTAMIIDA aba ng'asheagaagu. Ak gooyeenyi, “Neada aseasa geepuurdiin niny?” Iisiyeenyi, “Siida sina ng'asheega munyas aamiy aba madeeda gheanyanga NG'UTAMIIDA, ak ghabwariiy.” Ghana ghoanyaashta gideaba, “Gwanda yeenu ASEETA doabiiwaat?”