ISAYA 1:11 - Bibliyeeda Ghaydit

¹¹ “Seang'ayda lukghumajeegeagwa oogoonyi gayghwaloat naaha? Gwarugu NG'UTAMIIDA; geandeawi gea deayeat was haleanjeeda sisapa geadi sighwarda bea lagweendiga ea nagheeda haleanjeeda riisheadi; ak aniini ea meahoosani aba foojeanda heewga ghana dayeega gisilga ghana ghwarayga.

ISAYA 1:11 Mawu Ofanana

NYIIGHEEGA 40:6

Lukghumajeega ea haleanjeeda ghadooweeda mii bwariinya; ak ea nijaadi iidigeasu. Haleanjeeda ghadooweeda sighwarda ea haleanjeeda sighadoawanda aba badayda riing'eeda ghanyea migassi.

NYIIGHEEGA 50:8

Maydareekuseey aba badayda lukghumajeagaagu; haleanjeadaang'u bea ghadooweeda sighwarda gwanda madeedeanyu galeaga sean.

NYIIGHEEGA 51:16

Aba gideaba ang'iing'i mibwariinyi lukghumajeega; gwachi gaydagu lukghumajeega sighwarda, ang'iing'i migassi lukghumajeega sighwarda.

GHWASIILDEANGA 15:8

NG'UTAMIIDA ghwasit lukghumeeda siida muy seara, ak gahoosan iimwaash ASEETA siida doabiiwaat.

GHWASIILDEANGA 21:27

Ng'utamiida ghwasit lukghumeeda siida muy seara, mayghwaraanya muuchi iyadayda nea gabada gea munyas.

GHWASIILDEANGA 21:3

Sinooda ng'asheega miyaasiin doobiiweadi gayghwanung' gahoosan NG'UTAMIIDA ea ghang'al lukghumajeega.

ISAYA 58:2

Ak gagaseadayean galeagasean, gagasa ghwanal naweadingeasu, gawuurji eemeeda Sini gea doobiiweadi, nea mwanung'waada deaweedeeda ASEETA nyaawa, ak aba heedeanyu gagasa diigheanda doabiiwaat ak gahoosan aba gideaba gwaneekiisa ASEETA.

ISAYA 66:3

“Fiisu gwasinda ng'asheega gidagasiida saawa, gagoonan lukghumeeda deeda, nea aba hich gwanuus buuneeda ak ghaghadoawanda; inyeesa gagoonan haleanjeeda sisapa geadi bea ghadooweeda was dayeenda gisilleanda, nea gwahirja gheata gudeeda; inyeesa gweanean haleanjeeda sisapa geadi bea ghadooweeda was booga, ea foojeanda bicheanda, inyeesa ghaghwarda geeta ng'andit aba madeedeanyu ak gaweay ghabwat sanaamu. Ak suh ea niloat naweeda nyaawa nea gabwageat, nea aba jeesinga nyaawa gahoosassa munyasnacheeka nyaawa.

YEREMIYA 6:20

Gaygwarachi naaha hideeda ooyeani ng'eanyiida Sheba, ghana geediga ng'andidi leabu ng'eanyiida sheagi? Haleanjeadaang'u sisabwa geadi sigwariida majeamwas Eara lukghumajeagaagu meahoosanan

YEREMIYA 7:21

Gwayi NG'UTAMIIDA bea lugweega, was ASEETA fuga Israeli: “Ooheasiina lukghumajeegeagwa badahuuka haleanjeedeang'wa sisabwa geadi, ama ng'ata ghoayaaji banyeega nyaawa.

HOSEYA 6:6

Aniini ghaabwariinyi huumwa nea ea mii haleanjeeda lukghumeeda gil, nea ghwanal ASEETA, ea ghang'al haleanjeeda ghadooweeda sigwariida.

HOSEYA 8:13

Ghabwariiy haleanjeeda sisabwa geadi; inyeesa ghoadayda banyeega lukghumajeega ak ghwaak banyeegiga; ak NG'UTAMIIDA ea mandeawana hooseaneega aba badahuuka nyaawa. Hean gayghoapkaat ramaseanyeeka nyaawa, ak gayghwalas riing'eeda nyaawa; gaygabiikta ng'eanyiida Misri.

AMOSI 4:5

ak ghoataydi lukghumeeda haleanjeeda sisabwa geadi bea badiischooda was gidasimwatawiit, ak goorukwiidi haleanjeeda sisabwa geadi bea jeedeesh oataydi, nea goorukwiidi saawa; aba gideaba gidahaguuweegwa gil sinooda, Ea fuga Israeli!” gwarugu Ng'utamiida was ASEETA.

AMOSI 5:21

“Aniini ghaasichi, ak geafooli ghweelmajeegeagwa, ak ea maydahoosan aba baditeang'wa bea geat.

AMOSI 5:22

Earapeadi ooyeanean haleanjeedeang'wa easabi geadi bea ghadooweeda sighwarda ea booga easabi geadi, suh maydaang'waay, ea haleanjeeda easabi geadi bea hoyyoo ea dugweagwa riisheadi maydasachsa ghaat.

MIKA 6:7

Heapi NG'UTAMIIDA gaygagasa sagalamnyoojiga lagweendiga, ghana sagalamnyooji damwan mughuush bea eeniga nagheeda? Gaydaadayda duweacheedeanyu aba giidiinyeandeanyu, jeata saseedeanyu aba riing'eeda gurooroodeanyu?”

HAGAYI 2:14

Hean gwayeesha Hagayi, “Asi gwasunu eara aba fiisu, ea aba heedeaba eemeeni mida madeedeanyuun, gwarugu NG'UTAMIIDA; ak gwasunu eara gadiyoojiga geatinga nyaawa; nea haleanjeeda adayda aba hoowa gaba ririnnyaan.

SAKARIYA 7:5

“Rukusiina buuneesean bea ng'eanyiida ea ashoohoodiga, gideaba damanda ghayi ooluuldeawi geat nea gooyeawdi nea sheedeaba muut gil, ea sheedeaba ispwa, aba gweanyeeksu alaadam ea damanispwaan, abeeda gooluuldi geat aba badaydeanyu?

MALAKI 1:10

Uuw, inyeeda gwachi gwanda jeedeang'wa siida jea ghwajap gidaghuudajeega, ak abeeda ea meayeadi beasta mwadaagha aba heedeanyu bea wagiida! Aniini meahoosani aba badahuukeagwa, gwarugu NG'UTAMIIDA bea lugweega, ak ea maydamwas haleanjeeda ghadooweeda oogoonyi aba geatingeagwa.

IITOODA 7:45

ea eeshpajakcheanjagi, ea lagweenjeanjagi, ea dayeeneanjagi bea gisilleanda was lagweenda bea gwanyagi, ghoah haleanjeeda ghadooweeda jea eaghwarda;

Mattayo 22:4

Gabiikta gicha goojeakta soomjoagaaschi suuk ak gwayeesha, ‘Ayeeshiina fuga heeta sirar apkaani aba gideaba, Ang'ula neanuuschi heewgeasu ea muhooga riisheadi nigeawiit ghwahit sean, apkaani nyeangiida.’

Mattayo 9:13

Asi aweayeena ak ghoanaali geat ng'asheesu, ‘Geagasayi baydeayda nea mii haleanjeeda sisapa geadi bea ghadooweeda.’ Aba gideaba mwaawuni daguursa fuga doobiiweadi, ghaawunyi daguursa gea mideawa riing'eega.”

1 SAMWELI 15:22

Ak gwayi Samweli, “Neada NG'UTAMIIDA ghabwariiy muuchi haleanjeeda ghadooweeda sighwarda, gawuurji gheawalmeeda ghuuta NG'UTAMIIDA? Ng'ula, mureeda ghang'al lukghumeeda, nea iing'da ghang'al nagheeda lagweendiga.